بیت بازی

[شمشاد]

اپنی جولاں گاہ زیرِ آسماں سمجھا تھا میں
آب و گل کے کھیل کو اپنا جہاں سمجھا تھا میں

 

[الف عین]

نازکی اس کے لب کی کیا کہئے
پنکھڑی اک گلاب کی سی ہے

 

[عاصم ملک]

یہ زندگی بھی ہماری عجب تماشا ہے
کہیں سیراب،کہیں موج موج دریا ہے

 

[عمر سیف]

یہ آرزو تھی کہ ہم اس کے ساتھ ساتھ چلیں
مگر وہ شخص تو رستہ بدلتا جاتا ہے
نوشی گیلانی

 

[عاصم ملک]

یہ جب سے خواب دیکھا ہے مجھے تم چھوڑ جاوء گے
میں اب ڈرتا ہوں خوابوں سے،میں اب سونے سے ڈرتا ہوں

 

[عمر سیف]

نہ مرے زخم کھلے ہیں نہ ترا رنگِ حنا
اب کے موسم ہی نہیں آئے گلابوں والے
فراز

 

[الف عین]

یوں بھی ہوتا ہے کہ جب لمبے سفر پر نکلوں
ہر قدم پر کوئی سمجھاتا ہے دروازے تک

 

[حجاب]

کئی موڑ آکے گزر گئے نہ بجھی نگاہ کی تشنگی۔۔۔۔۔۔۔۔۔
کبھی وہ موقعے سے نہ آسکے کبھی ہم نے موقع گنوا دیا

 

[شمشاد]

اسے صبح ازل انکار کی جرات ہوئی کیونکر؟
مجھے معلوم کیا، وہ رازداں تیرا ہے یا میرا

 

[حجاب]

اُس سے اُس تک پہنچنے کا راستہ پوچھا بہت
جان پائے نہ اُسے ہم کہ وہ مشکل تھا بہت

 

[الف عین]

تھی وطن میں شان کیا غالب کہ ہو غربت میں قدر
بے تکلّف ہوں وہ مشتِ خس کہ گلخن میں نہیں

 

[عمر سیف]

نام لیتا ہوں خدا کا میں ترے ذکر سے قبل
یوں تری یاد میں برکت بھی تو پڑ سکتی ہے

 

[الف عین]

یہ محبت مرے ایماں کا ہے پرتو لوگو
یونہی ہوتا ہے کوئی اس کا سزاوار کہیں

 

[عمر سیف]

نظر کو روک کسی آرزو کے ساحل پر
اب اس کے ھُسن کے دریا کو ایسے پار نہ کر
علی حسن شیرازی

 

[شمشاد]

نغمہ نو بہار اگر میرے نصیب میں نہ ہو
اس دمِ نیم سوز کو طائرک بہار کر

 

[الف عین]

ن سے دو اشعار ایک ساتھ اور دونوں ر پر ٹوٹنے والے۔۔۔!!!!

رہینِ خود ستائی تھا، میں کشتۂ انا رہا
زبان و دل کے درمیاں، ہمیشہ فاصلہ رہا

 

[عمر سیف]

آج ہم بھی تیری وفاؤں پر
مسکرائیں تو کیا تماشا ہو
ساغر صدیقی

 

[شمشاد]

وہ مرغزار کہ بیمِ خزاں نہیں جس میں
غمیں نہ ہو کہ ترے آشیاں سے دور نہیں

 

[حجاب]

نہ دیکھوں تیرا چہرہ تو یوں محسوس ہوتا ہے
کہ اس دنیا میں جیسے چاندنی راتیں نہیں ہوتیں
محبت جس کو کہتے ہیں قتیل اک ذات ہے وہ بھی
کریں جو پیار اُن کے سامنے ذاتیں نہیں ہوتیں۔۔

 

[شمشاد]

نہ زباں کوئی غزل کی، نہ زباں سے باخبر میں
کوئی دل کشا صدا ہو، عجمی ہو یا کہ تازی