بیت بازی

[سیدہ شگفتہ]

اُس میں کیا ہے کیا نہیں ، مجھ کو اس سے کیا غرض
وہ مجھے اچھا لگا ، میں نے کچھ سوچا نہیں

شاعر : سعد اللہ شاہ



​

 

[شمشاد]

نہ تو میں کسی کا حبیب ہوں نہ تو میں کسی کا رقیب ہوں
جو بگڑ گیا وہ نصیب ہوں جو اجڑ گیا وہ دیار ہوں
(بہادر شاہ ظفر)

 

[حجاب]

نہ کوئی غم خزاں کا ہے نہ خواہش ہے بہاروں کی
ہمارے ساتھ ہے امجد کسی کی یاد کا موسم۔۔۔۔۔

 

[شمشاد]

میں نے دیکھا دیوانوں کو شام کے بعد
ڈھونڈ رہے تھے ویرانوں کو شام کے بعد
(فرحت عباس شاہ)

 

[حجاب]

دوریوں نے مٹا دیئے جو بھی تھے قربتوں کے رنگ
اب میری بات بات میں رنگ تیری طلب کا ہے۔

 

[شمشاد]

یا رب غمِ ہجراں میں اتنا تو کیا ہوتا
جو ہاتھ جگر پہ ہے وہ دستِ دعا ہوتا
(چراغ حسن حسرت)

 

[الف عین]

ایسے آہوئے رم خوردہ کی وحشت کھونی مشکل تھی
سحر کیا اعجاز کیا جن لوگوں نے تجھ کو رام کیا

 

[شمشاد]

اک عشق کا غم آفت اور اس پہ یہ دل آفت
یا غم نہ دیا ہوتا یا دل نہ دیا ہوتا
(چراغ حسن حسرت)

 

[الف عین]

اماں ملی بھی جو اُن کو تو تیرے دامن میں
وہ کارواں جو مری چشمِ تر سے گزرے ہیں
حمید ناگپوری

 

[شاہد احمد خان]

ناصح سے مل کر دیکھ لیا ہے
اس کے بھی ہم دوست نہیں‌ ہیں‌


شاہد

 

[شمشاد]

نگاہِ ساقیِ نامہرباں یہ کیا جانیں
کہ ٹوٹ جاتے ہیں خود دل کے ساتھ پیمانے
(مجروع سلطانپوری)

 

[الف عین]

شعر یاد آیا ہے لیکن کوئ بتاؤ کہ کس کا ہے
یہ ہوائیں، یہ فضائیں۔یہ گھٹا، اور اس کی یاد
ہم تو مضرابِ الم سے سازِ دل چھیڑا کیے

 

[شمشاد]

نہیں معلوم اعجاز بھائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ قرب کیا ہے کہ تو سامنے ہے اور ہمیں
شمار ابھی سے جدائی کی ساعتیں کرنی
(احمد فراز)

 

[حجاب]

یوں تو گزر رہا ہے ہر ایک پل خوشی کے ساتھ
پھر بھی کوئی کمی سی ہے کیوں زندگی کے ساتھ

 

[شاہد احمد خان]

ہم نے دل میں‌ سجا لئے گلشن
جب بہاروں ‌نے بے رخی کی ہے

 

[الف عین]

یہ کہہ کے ہمیں چھوڑ گئ روشنی اک رات
تم اپنے چراغوں کی حفاظت نہیں کرتے۔۔ ساقی فاروقی

 

[شمشاد]

یہ دورِ مسرت یہ تیور تمہارے
ابھرنے سے پہلے نہ ڈوبیں ستارے
(رضا ہمدانی)

 

[شاہد احمد خان]

یادوں ‌کے عجب کچھ سلسلے ہیں‌
سلجھ کر بھی مجھے الجھا گئے ہیں‌

 

[شمشاد]

نقش فریادی ہے کس کی شوخیِ تحریر کا
کاغذی ہے پیرہن ہر پیکرِ تصویر کا
(چچا)

 

[الف عین]

آنکھیں٬ چہرے٬ پاؤں سبھی کچھ بکھرے پڑے ہیں رستے میں
پیش روؤں پر کیا کچھ بیتی، جا کے تماشہ دیکھو تم
بانی