بیت بازی

[اعجازعظیم]

ناز تھا مجھ کو جن اوصاف حکیمانہ پر
کیسے رندانہ اشاروں پہ بہک جاتے ہیں
(مصطفٰی زیدی)

 

[عبدالجبار]

یاد رکھ اُن کی بزم کے آداب
بھول کر مدعا کی بات نہ چھیڑ

(سید نصیرالدین نصیر)​

 

[شمشاد]

نئے کپڑے بدل کر جاؤں کہاں اور بال بناؤں کس کے لیے
وہ شخص تو شہر ہی چھوڑ گیا اب خاک اڑاؤں کے کے لیے
(ناصر کاظمی)

 

[شمشاد]

میرا شعر پہنچنے سے پہلے آپ کا شعر آ گیا، اب ‘ ر ‘ سے شعر دے رہا ہوں۔

رات بھی نیند بھی کہانی بھی
ہائے کیا چیز ہے جوانی بھی
(فراق گورکھپوری)

 

[الف عین]

یہ لوگ میرے لہو کا خراج مانگتے ہیں
میں اپنے خول سے باہر دکھائ دینے لگا؟َ
مابدولت

 

[شمشاد]

عشقِ ناکام کی ہے پرچھائی
شادمانی بھی کامرانی بھی

اپنی معصومیوں کے پردے میں
ہو گئی وہ نظر سیانی بھی
(فراق گورکھپوری)

 

[حجاب]

یوں ہر روز دعاؤں میں ہے ،تیرے حسن کا درد
رحل پہ ہاتھوں کے رکھی ہو،جیسے کوئی کتاب
شاد مجھے سمجھاتے ہو تم ،ریکھاؤں کی ریت
اُسے کتاب پڑھاؤ گے کیا،جس نے لکھی کتاب

 

[شمشاد]

بہت حسیں ہے میرا دلربا نہ ہو جائے
میری نظر میں وہ کافر خدا نہ ہو جائے
(ابراہیم اشک)

 

[حجاب]

یہ کس فضا میں گزرتے ہیں روز و شب یارو
نہ جبر کا ہے نہ یہ اختیار کا موسم۔۔۔۔۔۔۔۔۔۔
گُلوں کے کھلنے پہ ہی منحصر نہیں محسن
ملے وہ جس میں وہی ہے بہار کا موسم۔۔۔۔

 

[شمشاد]

میں اس سے ٹوٹ کے ملتا ہوں جب بھی ملتا ہوں
یہ میرا ملنا کہیں حادثہ نہ ہو جائے
(ابراہیم اشک)

 

[حجاب]

یارب وہ نہ سمجھے ہیں نہ سمجھیں گے میری بات
دے اُن کو دل اور یا مجھ کو زباں اور ۔۔۔۔۔۔۔۔۔۔۔

 

[عمر سیف]

رقصِ مے تیز کرو، ساز کی لے تیز کرو
سوئے میخانہ سفیرانِ حرم آتے ہیں
فیض

 

[شمشاد]

یارب وہ نہ سمجھے ہیں نہ سمجھیں گے میری بات
دے اُن کو دل اور یا مجھ کو زباں اور ۔۔۔۔۔۔۔۔۔۔۔

چچا یا اس کی بھتیجی نے دوسرا مصرعہ دیکھ لیا تو بہت ناراض ہوں گے۔ اصل میں اسطرح ہے :

دے اور دل ان کو جو نہ دے مجھکو زباں اور

 

[اعجازعظیم]

نا خدا دور، ہوا تیز، قریں کامِ نہنگ
وقت ہے پھینک دے لہروں میں سفینہ اپنا
(فیض)

 

[الف عین]

یارب وہ نہ سمجھے ہیں نہ سمجھیں گے میری بات
دے اُن کو دل اور یا مجھ کو زباں اور ۔۔۔۔۔۔۔۔۔۔۔

چچا یا اس کی بھتیجی نے دوسرا مصرعہ دیکھ لیا تو بہت ناراض ہوں گے۔ اصل میں اسطرح ہے :

دے ان کو دل اور جو نہ دے مجھکو زباں اور

اب بھی غلط ہے شمشاد
دے اور دل ان کو۔۔۔۔۔


آگہی دامِ شنیدن جس قدر چاہے بچھائے
مدعا عنقا ہے اپنے عالم تقریر کا

 

[شمشاد]

شکریہ اعجاز بھائی
-------------------------------------------------------------------------

آنکھوں میں بس کے دل میں سما کر چلے گئے
خوابیدہ زندگی تھی جگا کر چلے گئے
(جگر مراد آبادی)

 

[اعجازعظیم]

یہاں کی شام ہے اک پردہء سیہ کاری
شراب عیش کے پیاسو! سراب ہے دنیا!
(دانش)

 

[الف عین]

ایک چھوٹا سہانا سا آنگن، چائے کی گنگناتی پیالی
مسکراتی ہوئ ایک لڑکی، اور اب کیا تمنّا کریں ہم
مابدولت

 

[شمشاد]

آپ جن کے قریب ہوتے ہیں
وہ بڑے خوش نصیب ہوتے ہیں
(نوح ناروی)

 

[عمر سیف]

نہ جانے کس نے میرے منظروں کو دھندلایا
نہ جانے شہر پہ چھایا غبار کس کا ہے
(فرحت عباس شاہ)