بیت بازی

[عمر سیف]

یہ بھی شاید زندگی کی یک ادا ہے دوستو
جس کو ساتھی مل گیا وہ اور تنہا ہو گیا

 

[نوید ملک]

اس شہر میں اب ہر کوئی ظلِ الہٰی ہے
ہم بھول گئے باتیں بے خوف و خطر کرنا
(قیصر نجفی)

 

[عمر سیف]

آپ ہی تو نہیں دل میں
ایک تصویر آپ کی سی ہے

 

[نوید ملک]

یہی ہوا جو بجھا کر گزر گئی ہم کو
اسی ہوا پہ ہمیں اعتبار کتنا تھا

 

[پاکستانی]

اداس دل کو، نظر کو سوگوار مت کرنا
ہوں برگِ خشک مرا انتظار مت کرنا

 

[نوید ملک]

اداسی جسکے دل میں ہو اسی کی نیند اڑتی ہے
کسی کو اپنی آنکھوں سے کوئی سپنا نہیں دیتا

 

[حجاب]

اُجالے اس قدر بے نور کیوں ہیں
کتابیں زندگی سے دور کیوں ہیں
کبھی یوں ہو کہ پتھر چوٹ کھائیں
یہ ہر دم آئینے ہی چور کیوں ہیں۔

 

[فریب]

ناصھ کو بلاؤ میرا ایمان سنبھالے
اس نے پھر دیکھ لیا ہے شرارت کی نظر سے

 

[پاکستانی]

یہ اور بات عدالت ہے بےخبر ورنہ
تمام شہر میں چرچہ میرے بیان کا ہے

 

[شمشاد]

یہ کیا بہار کا جوبن ہے یہ کیا نشاط کا رنگ
فسردہ میکدہ والے، اداس میخانے
(صوفی تبسم)

 

[پاکستانی]

دیارِ دل کی رات میں چراغ سا جلا گیا
ملا نہیں تو کیا ہوا وہ شکل تو دکھا گیا

 

[عمر سیف]

اپنی صورت بگڑ گئی لیکن
ہم انہیں آئینہ دیکھا کے رہے

 

[شمشاد]

یا ہاتھوں ہاتھ لو مجھے جیسے کہ جامِ مئے
یا تھوڑی دور ساتھ چلو میں نشے میں ہوں
(میر تقی میر)

 

[ظفری]

نجانے بند ہو جائیں کب آنکھیں
تِری جانب مسلسل دیکھنا ہے

(صابر ظفر)

 

[شمشاد]

یارو مجھے معاف کرو میں نشے میں ہوں
اب دو تو جام خالی ہی دو میں نشے میں ہوں
(میر تقی میر)

 

[عمر سیف]

ناصر یہ شعر کیوں نہ ہوں موتی سے آبدار
اس فن میں میں نے کی ہے بہت دیر جاں کنی

 

[شمشاد]

یاد اتنا ہے کہ پہنچے درِ میخانے تک
کیا کہوں آگے کی آگے کا مجھے ہوش نہیں

 

[عمر سیف]

نامرادی نے کر دیا خوددار
اب سر شوقِ خم نہیں ہوتا

 

[حجاب]

اک لفظ محبت کا ادنیٰ سا فسانہ ہے
سمٹے تو دلِ عاشق پھیلے تو زمانہ ہے۔

 

[پاکستانی]

یہ دھوپ کی سازش ہے کہ موسم کی شرارت
سائے ہیں وہاں کم جہاں اشجار بہت ہیں