بیت بازی

[عمر سیف]

اس خوف سے وہ ساتھ نبھانے کے حق میں ہے
کھو کر مجھے، یہ لڑکی کہیں دکھ سے نہ مر جائے

 

[فریب]

یا مسیحائی اسے بھول گئی ہے محسن
یا پھر ایسا ہے مرا زخم ہی گہرا ہو گا

 

[عمر سیف]

اجڑ گئی ہے میری کائنات دل پھر بھی
میری نگاہ میں آباد اک جہاں سا ہے

 

[فریب]

یوں‌کبھی نوجواں نہ مرتا میں
ترے عہدِ شباب نے مارا

مومن

 

[عمر سیف]

اس رات آسماں کی رنگت عجیب تھی
اس رات اپنے گھر میں کوئی سو نہیں سکا

 

[حجاب]

اب کس سے کہیں اور کون سنے
جو حال تمھارے بعد ہوا ۔۔۔۔۔
اس دل کی جھیل سی آنکھوں میں
اک خواب بہت برباد ہوا ۔۔۔۔۔۔

 

[شمشاد]

اے دردِ محبت کچھ تو ہی بتا اب تک یہ معمہ حل نہ ہوا
ہم میں ہیں دلِ بیتاب نہاں یا آپ دلِ بیتاب ہیں ہم
(شاد عظیم آبادی)

 

[عمر سیف]

میری اڑان کے آگے ہے کس قدر بے بس
یہ آسماں جو ستاروں کا جال رکھتا ہے

 

[شمشاد]

یادوں میں ہماری کبھی وہ بھی کھوئے ہوں گے
کھلی آنکھوں سے کبھی وہ بھی سوئے ہوں گے

 

[عمر سیف]

یہ سال طول مسافت سے چور چور گیا
یہ ایک سال تو گزرا ہے اک صدی کی طرح

 

[شمشاد]

حالِ دل میں نے جو دنیا کو سنانا چاہا
مجھ کو ہر شخص نے دل اپنا دکھانا چاہا
(قرار نوری)

 

[نوید ملک]

اپنی اپنی انا کے ہارے ہوئے
ایسے بچھڑے کے پھر ملے نہ کہیں

 

[عمر سیف]

نہ تھا اپنی ہی قسمت میں طلوعِ مہر کا جلوہ
سحر ہو جائے گی شامِ غریباں ہم نہیں ہونگے

 

[نوید ملک]

یہ کوئی خوف ہے تجھ پہ کہ نشہ طاری ہے
سکوتِ شب تری آواز کتنی بھاری ہے

 

[عمر سیف]

یہ بھی شاید زندگی کی اک ادا ہے دوستو
جس کو ساتھی مل گیا وہ اور تنہا ہوگیا

 

[نوید ملک]

ایسے حالات کا ادراک نہیں تھا پہلے
یوں گریبان میرا چاک نہیں تھا پہلے

 

[عمر سیف]

یہ تیری توجہ کا ہے اعجاز کہ مجھ سے
ہر شخص تیرے شہر کا برہم ہے میری جاں

 

[نوید ملک]

نہ کرنا زعم اس کا طرزِ استدلال ایسا ہے
کہ نقشِ سنگ کو تحریرِ موجِ آب کر دے گا

 

[فریب]

اتنا تو بتا دے مجھے اے ناصحِ مشفق
دیکھا ہے کہ اس ماہ لقا کو نہیں دیکھا

داغ

 

[نوید ملک]

اب تک وہ آنکھیں میری آنکھوں میں جاگتی ہیں
جن آنکھوں نے خواب کو مجھ میں آئینہ بند کیا