بیت بازی

[عمر سیف]

اکثر ایسا ہو جاتا ہے
دھوپ کو سایہ ڈھو جاتا ہے
دھرتی روند کہ چلنے والا
ماٹی اندر سو جاتا ہے

 

[نوید ملک]

یہ بندھن ہم نے باندھا ہے سلامت ہم کو رکھنا ہے
بہت کوشش تو اس نے کی سدا ترکِ تعلق کی

 

[عمر سیف]

یہ لاشِ بے کفن اسدِ خستہ جاں کی ہے
حق مغفرت کرے عجب آزاد مرد تھا

 

[نوید ملک]

اس بحرِ آرزو میں‌کرتےہمیں تلاش
اب تک تو ہم کو ایسے شناور نہیں ملے

 

[عمر سیف]

یہی تو اِک تعلق رہ گیا ہے
جو اُسکا ہے ، وہی میرا خدا ہے

معذرت کے ساتھ

 

[نوید ملک]

نو پرابلم

یہ وقت اس طرح رونے کا تو نہیں لیکن
میں کیا کروں کہ مرے سوگوار اب آئے

 

[عمر سیف]

یہاں رہوں گا تو پھر تیرے تذکرے ہوں گے
اگر کہو تو تِرا شہر چھوڑ‌جاؤں میں

 

[نوید ملک]

نہ تجھ کو مات ہوئی نہ مجھ کو مات ہوئی
سو اب کے دونوں چالیں بدل کے دیکھتے ہیں

 

[عمر سیف]

ناراض ہیں جو وہ تو منا لیں گے اُن کو ہم
بس ایک بار آنکھ ملانے کی بات ہے

 

[نوید ملک]

یہ دن بھی آئیں گے ایسا کبھی سوچا نہ تھا
وہ مجھ کو دیکھ بھی لے اور مسکرا بھی نہ دے

 

[عمر سیف]

یہ غم جو اس رات نے دیا ہے
وہ غم سحر کا یقیں بنا ہے
یقین جو غم سے کریم تر ہے
سحر جو شب سے عظیم تر ہے

 

[نوید ملک]

یہ تو کہو کبھی عشق کیا ہے جگ میں ہوئے ہو رسوا بھی
اس کے سوا ہم کچھ بھی نہ پوچھیں ، باقی بات فضول میاں

 

[عمر سیف]

نظر جس طرف کر کے تم نگاہیں پھیر لیتے ہو
قیامت تک پھر اُس دل سے پریشانی نہیں جاتی

 

[نوید ملک]

یہ رکھ رکھاؤ محبت سکھا گئی اسکو
وہ روٹھ کر بھی مجھے مسکرا کے ملتا ہے

 

[تیشہ]

یہ دسمبر کہ جس میں کڑی دھوپ بھی میٹھی لگنے لگے ،
تم نہیں تو دسمبر سلگتاُ رہا،چاند جلتا رہا

آج بھی وہ تقدس بھری رات مہکی ہوئی ہے وصی
میں کسی میں،کوئی مجھ میں ڈھلتا رہا، چاند جلتا رہا ،

ا ‘

 

[عمر سیف]

اتنے ہی تھے اگر جہاں میں غم
دل بھی یارب کئی دیے ہوتے

 

[نوید ملک]

یہ کیا بعید کہ کل پھول بھی چرا لیں اسے
وہ بانکپن جو ترے حسن سے ہے خاص ابھی

 

[عمر سیف]

یوں تو اُن کی آنکھوں سے کیا کیا نہیں دیکھا جاتا
ہاں مگر اپنا ہی جلوہ نہیں دیکھا جاتا

 

[الف عین]

اس سے گر بچ لیں‌تو سمجھیں کہ ہنر اپنا ہے
بس یہی وقت کہ جو چانیہ بھر اپنا ہے

 

[عمر سیف]

یہاں رہوں گا تو پھر تیرے تذکرے ہوں گے
اگر کہو تو تِرا شہر چھوڑ جاؤں ‌میں