بیت بازی

[عیشل]

اپنی ہر اک شام ہر اک رات بیچ کر
اب آگیا ہے جینا ہمیں ذات بیچ کر
ہم بھی کیا عجب ہیں کہ کڑی دھوپ کے تلے
صحرا خرید لائے ہیں برسات بیچ کر

 

[عمر سیف]

راہیں دھڑکیں، شاخیں کھڑکیں، اک اک ٹھیس اٹل
کتنی تیز چلی ہے اب کے دھول بھری دَکھنا

 

[عیشل]

اس دہر اضطراب میں سب کچھ ہے مضطرب
ہر لمحہ میں نے دیکھا یہاں چیختا ہوا
شاید کہ پھر بہا ہے کہیں آدمی کا خون
سورج نکل رہا ہے بڑا کانپتا ہوا

 

[عمر سیف]

اک عالمِ خوبی ہےمیسر مگر اے کاش
اس گل کا علاقہ میری جاگیر میں ہوتا

 

[عیشل]

آشفتگی سے اسکی اُسے بے وفا نہ جان
عادت کی بات اور ہے وہ دل کا برا نہیں

 

[حجاب]

نہ تھی زمیں میں وسعت مری نظر جیسی
بدن تھکا بھی نہیں اور سفر تمام ہوا۔

 

[عمر سیف]

اب تو یہ بھی یاد نہیں ہے فرق تھا کتنا دونوں میں
اس کی باتیں یاد رہیں اور اس کا لہجہ بھول گئے
پیاسی دھرتی کے ہونٹوں پر میرا نام نہیں تو کیا
میں وہ بادل کا ٹکرا ہوں جس کو دریا بھول گئے

 

[عیشل]

یہ روشنی تو مجھے اور کر گئی تنہا
دیئے جلائے تو سائے بھی بام و در سے گئے

 

[عمر سیف]

یہ دل بہت اداس ہے جب سے خبر ہوئی
ملتے ہو تم خلوص سے ہر اجنبی کے ساتھ

 

[عیشل]

ہے کس کا انتظار کہ خواب ِعدم سے بھی
ہر بار چونک اٹھتے ہیں آوازِ پا کے ساتھ

 

[عمر سیف]

ہارنے والوں سے سمجھوتا کہاں ممکن تھا
حرف بدلتے بھی تو مفہوم بدل جانا تھا

 

[الف عین]

آج دیکھا ہے تجھ کو دیر کے بعد
آج کا دن گزر نہ جائے کہیں
ناصر

 

[حجاب]

نہ میں پاس اُس کو بلا سکا
نہ میں دل کی بات سنا سکا
وہ ہنسی ہنسی میں ہی چل دیا
میں ہاتھ تک نہ ہلا سکا۔

 

[عمر سیف]

اِک پراناموسم لوٹا یاد بھری پروائی بھی
ایسا تو کم ہی ہوتا ہے وہ بھی ہو تنہائی بھی

 

[حجاب]

یادوں کے حاشیئے بہت اہم ہیں حسن
دیمک لگی کتاب کو آہستہ کھولیئے۔

 

[عمر سیف]

یادوں کی بوچھاڑ سے جب پلکیں بھیگنے لگتی ہیں
کتنی سوہانی لگتی ہے تب مانجھی کی رسوائی بھی

 

[عیشل]

یہ حسن خود فروش عجب جنس ہے حسن
وہ بک گئے جو اسکے خریدار ہو گئے

 

[نوید ملک]

یہ جبر مرگ مسلسل ہی زندگی ہے منیر
جہاں میں کبھی اس پہ اختیار کس کا تھا

 

[عیشل]

اشک سے سوزِ غم مٹایا نہ گیا
شعلہ اس آنکھ کا پانی سے بجھایا نہ گیا

 

[عمر سیف]

اِک پشیماں سی حسرت سے مجھے سوچتا ہے
اب وہی شہرِ محبت سے مجھے سوچتا ہے
جس نے سوچا ہی نہ تھا ہجر کا مُمکن ہونا
دُکھ میں ڈوبی ہوئی حیرت سے مجھے سوچتا ہے