بیت بازی

[حجاب]

یہ روشنی تھی کہ اُس کا چہرہ دھیان میں تھا؟
ستارہ سا اِک چراغ میرے مکان میں تھا۔۔۔۔۔

 

[نوید ملک]

اسی خیال سے ہر شام جلد نیند آئی
کہ مجھ سے بچھڑے ہوئے لوگ شہرِ خواب میں ہیں
(اعتبار ساجد)

 

[حجاب]

نہ کوئی خواب ہمارے ہیں نہ تعبیریں ہیں
ہم تو پانی پہ بنائی ہوئی تصویریں ہیں۔۔۔

 

[نوید ملک]

ناداں ہو جو یہ کہتے ہو کیوں جیتے ہیں غالب
قسمت میں ہے مرنے کی تمنا کوئی دن اور

 

[عمر سیف]

رابطہ لاکھ سہی قافلہ سلار کے ساتھ
ہم کو چلنا ہے مگر وقت کی رفتار کے ساتھ

 

[حجاب]

ہم کسی در پہ ٹھٹکے نہ کہیں دستک دی
سینکڑوں در تھے مری جاں تیرے در سے پہلے
جی بہلتا ہی نہیں اب کوئی ساعت کوئی پل
رات ڈھلتی ہی نہیں چار پہر سے پہلے۔

 

[عمر سیف]

یہ غریب لوگوں کے گھر سے دور رہتی ہے
تجربہ ہے میرا چاندنی کے بارے میں

 

[حجاب]

نئی رتیں نئے خواب ہیں اور چاہتوں کے سلسلے
سالِ نو کے سنگ ہیں تیری گلاب رفاقتوں لے سلسلے
کبھی دن بھر تجھے سوچنا کبھی رات بھر ہے جاگنا
تیری یاد ہے میں ہوں اور جنوری کی شاموں کے سلسلے۔

 

[عمر سیف]

يا تو آج ہميں اپنالے يا تو آج ہمارا بن
ديکھ کہ وقت گزرتا جائے، کون ابد تک جيتا ہے

 

[نوید ملک]

یا رب زمانہ مجھ کو مٹاتا ہے کس لئے
لوح جہاں پہ حرف مکرر نہیں ہوں میں

 

[عمر سیف]

نہ تتلیوں جیسی دوپہر نہ اب وہ سورج گلاب جیسا
جسے محبّت کہا گیا وہ مغالہ ختم ہو گیا

 

[حجاب]

اُس سے اُس تک پہنچنے کا راستہ پوچھا بہت
جان پائے نہ اُسے ہم کہ وہ مشکل تھا بہت۔

 

[سیدہ شگفتہ]

تم پھر سے کاروبارِ جہاں میں اُلجھ گئے
میں بات کر رہا تھا شبِ انتظار کی


شاعر : سلیم ناز


​

 

[عمر سیف]

تلاشِ رزق میں بھٹکے ہوئے پرندوں کو
میں جیب خرچ سے دانہ کھلایا کرتا تھا

 

[عیشل]

آنکھیں کھلیں ہیں تو جاگ اٹھیں خواہشیں ہزار
اس کو بھی کھو دیا جسے پایا تھا خواب میں

 

[الف عین]

نہ پر ی کی تھی وہ نہ جادو کی
وہ کہا نی تھی ایک جگنو کی

 

[عمر سیف]

یاد کی گود ہری ہوتی ہے ہر رات حسن
نیند کے ساتھ وہ آنکھوں میں سمایا ہوگا

 

[الف عین]

ایک چھوٹا مگر خوبصورت سا گھر اس میں بھی جیسے آسیب اترنے لگے
اب سے کچھ ہی دن پہلے کی بات ہے، وائلن کے لرزتے ہوئے گیت تھے۔
مابدولت

 

[دوست]

اچھا شعر ہے۔

 

[عمر سیف]

یہ میرے چاروں طرف کس لیے اجالا ہے
یہ تیری یاد ہے کہ دن نکلنے والا ہے