بیت بازی

[عمر سیف]

یہ ختمِ وصل کا لمحہ ہے رائیگاں نہ سمجھ
کہ اس کے بعد وہی دوریوں کا صحرا ہے

یہ جدائی کا راستہ تو لمبا بہت ہے
ابھی سے یہ کیسی تھکن ہو رہی ہے
مجھے بچھڑنے کا ذرا غم نہیں ہے
دل میں تو یونہی چبھن ہو رہی ہے

 

[نوید ملک]

یہ جو دیوانے سے دو چار نظر آتے ہیں
ان میں کچھ صاحبِ اسرار نظر آتے ہیں

 

[عمر سیف]

نفس کی آنچ پر وہ بھی عمر بھر رکھنا
بڑا محال ہے ہستی کو معتبر رکھنا

 

[نوید ملک]

اب اک ہجومِ شکستہ دلاں ہے ساتھ اپنے
جنہیں کوئی نہ ملا ہمسفر ہمارے ساتھ ہوئے

 

[عمر سیف]

یہ گوارا نہ کیا دل نے کہ مانگوں تو ملے
ورنہ ساقی کو پلانے میں کچھ انکار نہ تھا

 

[نوید ملک]

اتنے محدود کرم تو تغافل بہتر
گر ترسنا ہی مجھے تھا تو ترستا جاتا

 

[عمر سیف]

اچھا خاصہ بیٹھے بیٹھے گم ہوجاتا ہوں
اب میں اکثر میں نہیں رہتا تم ہوجاتا ہوں

 

[نوید ملک]

نام سنتا ہوں ترا جب بھرے سنسار کے بیچ
لفظ رک جاتے ہیں آکر مری گفتار کے بیچ

 

[عمر سیف]

چہرے پہ میرے زلف کو پھیلاؤ کسی دن
کیا روز گرجتے ہو برس جاؤ کسی دن

 

[نوید ملک]

نظر میرے دل کی پڑی درد کس پہ
جدھر دیکھتا ہوں ، وہی روبرو ہے

 

[اجنبی]

یہ محفل ہے یا پاگل خانہ ہے
تو شاعر ہے یا دیوانہ ہے

ایسے اداس شعر کیوں کہتے ہو
کیا یہ کوئی ویرانہ ہے ؟

ایسی آہیں نہ بھرو میرے بچے
تیرے پڑوس میں رہتی فرزانہ ہے

عجب انداز ہے آپ لوگوں کا
نہ صوفیانہ ، نہ دلبرانہ ہے

ایسی چبلیاں نہ سنیں نہ دیکھیں
نمبر بڑھانے کا محض بہانہ ہے

(ناراض ہونے کی کھلی اجازت ہے )

 

[عمر سیف]

یہی بہت ہے کہ دل اسے ڈھونڈ لایا ہے
کسی کے ساتھ سہی وہ نظر تو آیا ہے

 

[عیشل]

یوں اچانک ملا وہ سرِ راہ گذر
وقت تھم سا گیا چاند گہنا گیا
کیا سناتے شب ِ ہجر کی داستاں
دو گھڑی تھی ملاقات روتے رہے

 

[نوید ملک]

یہ دیکھو پھر سے آ گئیں پھولوں پر تتلیاں
اک روز وہ بھی آئے گا افسوس مت کرو

 

[عمر سیف]

وفا کریں گے، نبھائیں گے، بات مانیں گے
تمھیں بھی یاد ہے کچھ، یہ کلام کس کا تھا

 

[عیشل]

اے طائر ِ لاہوتی اس رزق سے موت اچھی
جس رزق سے آتی ہو پرواز میں کوتاہی

 

[نوید ملک]

یہ ختم وصل کا لمحہ ہے رائیگاں نہ سمجھ
کہ اس کے بعد وہی دوریوں کا صحرا ہے

 

[عیشل]

یہ نہ تھی ہماری قسمت کہ وصال ِ یار ہوتا
اگر اور جیتے رہتے یہی انتظار ہوتا

 

[اجنبی]

اوئے رہ گئے ہو تم سب
میری تُک بندی کا جواب نہیں آیا ابھی تک

 

[عمر سیف]

یہ نہ تھی ہماری قسمت کہ وصال ِ یار ہوتا
اگر اور جیتے رہتے یہی انتظار ہوتا

اب تو خورشید کو ڈوبے ہوئے صدیاں گزریں
اب اُسے ڈھونڈنے میں تا بہ سحر جاؤں گا