بیت بازی

[عیشل]

یہ بے سبب نہیں شام و سحر کے ہنگامے
اٹھا رہا ہے کوئی پردہ ہائے راز و نیاز

 

[نوید ملک]

زندگی خوش ہے تیرے وعدوں پر
جیسے بچے کا دل بہل جائے

 

[عمر سیف]

یا ہماری تلخ باتوں کو سہار
یا بتا دے کس سے ہم جھگڑا کریں

 

[عیشل]

نہ دیکھا جان کر اس نے کوئی سبب تو ہوگا
ہم اس خیال سے دل کو برا نہیں کرتے

 

[نوید ملک]

یاد رکھنے کیلئے اور نہ بھلانے کیلئے
اب وہ ملتا ہے تو بس رسم نبھانے کیلئے

 

[عیشل]

یہ ذکر کیا کہ خرد میں بہت تضنع ہے
ستم یہ ہے کہ جنوں میں بھی سادگی نہ رہی
دکھائیں کیا تمہیں داغوں کی لالہ انگیزی
گذر گئیں وہ بہاریں،وہ فصل ہی نہ رہی

 

[الف عین]

یاد آ گئے تھے اپنے پہ بیتے کچھ ایسے پل
آنسو بھی آ گئے تھے مگر رو نہیں سکا

 

[عمر سیف]

اپنے حصے کی مسرت بھی اذیت ہے ضمیر
ہر نفس پاس ہم نفساں رکھتے ہیں

 

[نوید ملک]

نہ یہ آغاز کی قائل ، نہ یہ انجام سے خائف
یہ سب سے مختلف ہے مختلف انداز رکھتی ہے

 

[عمر سیف]

یہ گھر ہے مگر اس کا دریچہ نہیں کوئی
اب دیکھنا یہ ہے میں نکلتی ہوں کہاں سے

 

[حجاب]

یہ اہلِ درد بھی کس کی دہائی دیتے ہیں
وہ چُپ بھی ہو، تو زمانہ ہے ہمنوا اُس کا۔

 

[عمر سیف]

اِک ٹہنی پہ چاند ٹکا تھا
میں یہ سمجھا تم بیٹھے ہو

 

[نوید ملک]

وہی ہے رنگِ جنوں ، ترکِ ربط و ضبط پہ بھی
تری ہی دھن میں ہوں اب تک اسی سراب میں ہوں

 

[عمر سیف]

نشتر سا اتر جاوے ہے سینے میں ہمارے
جب ماتھے پہ بَل ڈال کے تم بات کرو ہو

 

[تیشہ]

وہی معتبر ہے میرے لئے، وہی حاصل ِدل و جان ہے
وہ جو باب تم نے چرُالیا میری زندگی کی کتاب ہے ۔

 

[عمر سیف]

یاد نہیں کیا کیا دیکھا تھا، سارے منظر بھول گئے
اس کی گلیوں سے جب گزرے، اپنا بھی گھر بھول گئے

 

[تیشہ]

یہ جو میرا رنگ ہے روپ ہے یونہی بے سبب نہیں دوستوں ،
میرے خوشبؤوں سے ہیں سلسلے میری نسبتیں ہیں گلاب سے ۔

 

[عمر سیف]

یارب وہ اِشتباہ میرے دل میں ڈال دے
جو دل سے اعتبار تمنّا نکال دے

 

[عیشل]

یہ چار سو کا اندھیرا سمٹنے لگتا ہے
کچھ اس طرح تیری آواز جگمگاتی ہے
میں اسکو دیکھتا رہتا ہوں رات ڈھلنے تک
جو چاندنی تیری گلیوں سے ہو کے آتی ہے

 

[عمر سیف]

یاں تو اِک مِصرع سے پہلو میں نکل جاتا ہے دل
شعر کی گرمی سے کیا واں بھی پِگھل جاتا ہے دل