بیت بازی

[شمشاد]

نازکی اس کے لب کی کیا کہیے
پنکھڑی اک گلاب کی سی ہے

 

[عمر سیف]

یہ سارے پیڑ پودے تم بن کئی رات جاگے ہیں
تم آ کر انہیں اک بار سلا دو پھر چلے جانا

 

[شمشاد]

اس توبہ پر ہے ناز مجھے زاہد اس قدر
جو ٹوٹ کر شریک ہوں حالِ تباہ میں
(داغ دہلوی)

 

[شیخ عبدالوحید]

نازکی ان کے لب کی کیا کہیے
پنکھڑی اک گلاب جیسی ہے

 

[پاکستانی]

شیخ صاحب یہ شعر اوپر شمشاد بھائی پہلے ہی پوسٹ کر چکے ہیں۔

 

[پاکستانی]

نکل اے دِ لربا گھر سوں کہ وقت بے حجابی ہے
چمن میں چل بہار نسترن ہے ماہتابی کا

آج گل گشت چمن کا وقت ہے اے نو بہار
بادہ گل رنگ سوں ہر بام گل لبریز ہے
ولی دکنی

 

[شمشاد]

یہ جنت مبارک رہے زاہدوں کو
کہ میں آپ کا سامنا چاہتا ہوں
(اقبال)

 

[پاکستانی]

نہ ہوے اُسے جگ میں ہر گز قرار
جسے عشق کی بے قراری لگے
ولی دکنی

 

[شمشاد]

یہاں سے اب کہیں لے چل خیالِ یار مجھے
چمن میں راس نہ آئے گی یہ بہار مجھے
(عزیز وارثی)

 

[پاکستانی]

یاد کرنا ہر گھڑی اُس یار کا
ہے وظیفہ مجھ دل بیمار کا

شغل بہتر ہے عشق بازی کا
کیا حقیقی و کیا مجازی کا
ولی دکنی

 

[شمشاد]

اے جذبہ دل گر میں چاہوں ہر چیز مقابل آ جائے
منزل کے لیے دو گام چلوں اور سامنے منزل آ جائے
(بہزاد لکھنوی)

 

[الف عین]

یوں تو مرنے کے لیے زہر سبھی پیتے ہیں
زندگی تیرے لیے زہر پیا ہے میں نے
خلیل الرحمٰن اعظمی

 

[عمر سیف]

یقین تو ہے کہ کھلے گا، نہ کھل سکا بھی اگر
درِ بہار پہ دستک دئیے ہی جائیں گے

 

[شمشاد]

یہ دولت بھی لے لو، یہ شہرت بھی لے لو
بھلے چھین لو مجھ سے میری جوانی
مگر مجھکو لوٹا دو وہ بچپن کا ساون
وہ کاغذ کی کشتی، وہ بارش کا پانی
(سدرشن فاخر)

 

[عمر سیف]

یہ میری نظر کا کمال ہے کہ میری نظر کا جمال ہے
تجھے شعر شعر میں سوچنا، سرِبام و در تجھے ڈھونڈنا

 

[شمشاد]

اب چھوڑیئے بھی آپ میرے حسن کا بیاں
اللہ شرم آتی ہے، اب جانے بھی دیجیئے

 

[عمر سیف]

یہ کشمکش الگ ہے کہ کس کشمکش میں ہوں
آتا نہیں سمجھ بہت سوچتا ہوں میں

 

[الف عین]

نئے کچھ خواب لے کر رات آئی
ابھی بستر پہ میں لیٹا نہیں تھا

 

[شمشاد]

اللہ رے دستِ ناز کی نازک سے انگلیاں
دل مجھ سے چھین لے گئیں پنجہ مروڑ کے

 

[عمر سیف]

یار آشنا نہ کوئی، ٹکرائیں کس سے جام
کس دلربا کے نام پہ خالی سبو کریں