بیت بازی

[تیشہ]

اللہ رے دستِ ناز کی نازک سے انگلیاں
دل مجھ سے چھین لے گئیں پنجہ مروڑ کے

او ، یہ کوئی چڑیل تو نہیں تھی ۔؟

 

[شمشاد]

ظاہر ہے چڑیلیں ہی ایسا کام کرتی ہیں

 

[عمر سیف]

ن سے

نہ پوچھو کیا گزرتی ہے دلِ خودار پہ اکثر
کسی بے مہر کو جب مہرباں کہنا ہی پڑتا ہے

 

[نوید ملک]

یہ نہ تھی ہماری قسمت کہ وصالِ یار ہوتا
اگر اور جیتے رہتے یہی انتظار ہوتا

 

[عمر سیف]

اب احتیاط کی دیوار کیا اٹھاتے ہو
جو چور دل میں‌چھپا تھا وہ کام کر بھی گیا۔

 

[شمشاد]

آتے ہوئے اذاں ہوئی جاتے ہوئے نماز
کتنے قلیل وقت میں ہم آئے اور چلے گئے

 

[عمر سیف]

یوں تراشوں کا غزل میں تیرے پیکر کے نقوش
وہ بھی دیکھے گا تجھے جس نے تجھے دیکھا نہیں

 

[شمشاد]

ناروا کہیے نہ سزا کہیے
کہیے کہیے مجھے برا کہیے
(داغ دہلوی)
ٕ

 

[الف عین]

یاروں نے جا کے خوب زمانے سے صلح کی
میں ایسا بد دماغ، یہاں بھی پچھڑگیا

 

[شمشاد]

اب کوئی امید ہے “ شاہد “ نہ کوئی آرزو
آسرے ٹوٹے تو جینے کے وسیلے ہو گئے
(شاہد کبیر)

 

[نوید ملک]

یہ عجیب ساعتِ رخصت ہے کہ ڈر لگتا ہے
شہر کا شہر مجھے رختِ سفر لگتا ہے

 

[شمشاد]

یوں گماں ہوتا ہے گرچہ ہے ابھی صبحِ فراق
ڈھل گیا ہجر کا دن آ بھی گئی وصل کی رات
(فیض)

 

[عمر سیف]

تم میرے لیے اور کوئی الزام نہ ڈھونڈو
چاہا تھا تمھیں اک یہ ہی الزام بہت ہے

 

[شمشاد]

یہ کہنا تو نہیں کافی، کہ بس پیارے لگے ہم کو
اُنہیں کیسے بتائیں ہم کہ وہ کیسے لگے ہم کو

 

[عمر سیف]

وہ دن بھر کچھ نہیں کرتے میں آرام کرتا ہوں
وہ اپنا کام کرتے ہیں، میں اپنا کام کرتا ہوں

 

[شمشاد]

نہ شکائتیں نہ گلہ کرئے
کوئی ایسا شخص ہوا کرئے
جو میرے لیے ہی سجا کرئے
مجھ ہی سے باتیں کیا کرئے
(امجد اسلام امجد)

 

[عمر سیف]

یہ تیری توجہ کا اعجاز ہے کہ مجھ سے
ہر شخص تیرے شہر کا برہم ہے میری جاں

 

[شمشاد]

ناصح یہ گلہ ہے کہ میں کچھ نہیں کہتا
تُو کب میری سنتا ہے کہ میں کچھ نہیں کہتا
(مومن)

 

[الف عین]

یوں گماں ہوتا ہے گرچہ ہے ابھی صبحِ فراق
ڈھل گیا ہجر کا دن آ بھی گئی وصال کی رات
(فراز)

شمشاد یہ فیض تھے فراز نہیں۔ درست “وصل کی رات“ ہے۔

آنکھ سے آنکھ نہ جوڑ کے دیکھو سوئے اُفق اے ہم سفرو!
لاکھوں رنگ نظر آئیں گے، تنہا تنہا دیکھو تم!
بانی

 

[شمشاد]

میں جہاں تم کو بلاتا ہوں وہاں تک آؤ
میری نظروں سے گزر کر دل و جاں تک آؤ
(علی سردار جعفری)