بیت بازی

[عمر سیف]

یہیں سے سیکھے تھے آدابِ بندگی میں نے
یہیں جبیں تھی کبھی اور یہیں زمیں تھی کبھی

 

[شمشاد]

یاد کرنے پر بھی دوست آیا نہ یاد
دوستون کے کرم یاد آتے رہے
(خمار بارہ بنکوی)

 

[عمر سیف]

یہ تو اب عشق میں جی لگنے لگا ہے کچھ کچھ
اس طرف پہلے پہل گھیر کے لایا گیا میں

 

[شمشاد]

نہ کرتا ضبط میں نالہ تو پھر ایسا دھواں اٹھتا
کہ نیچے آسماں کے اور نیا اک آسماں ہوتا
(ابراہیم ذوق)

 

[حجاب]

اپنے تیور تو سنبھالو کہ کوئی یہ نہ کہے
دل بدلتے ہیں تو چہرے بھی بدل جاتے ہیں۔

 

[شمشاد]

نہ جی بھر کے دیکھا نہ کچھ بات کی
بڑی آرزو بھی ملاقات کی
(بشیر بدر)

 

[حجاب]

یارب غمِ ہجراں میں اتنا تو کیا ہوتا
جو ہاتھ جگر پر ہے وہ دستِ دعا ہوتا۔

 

[شمشاد]

اب اس کے بعد مجھے کچھ خبر نہیں ان کی
غم آشنا ہوئے اپنے ہوئے پرائے ہوئے
(فراق گورکھپوری)

 

[حجاب]

یہی بہت ہے دل اُس کو ڈھونڈ لایا ہے
کسی کے ساتھ سہی وہ نظر تو آیا ہے۔

 

[ظفری]

یارو، میں اس نظر کی بلندی کو کیا کروں
سایہ بھی اپنا دیکھتا ہوں آسمان پر

 

[شمشاد]

یہ اضطراب سا کیا ہے کہ مدتیں گزریں
تجھے بھلائے ہوئے تیری یاد آئے ہوئے
(فراق گورکھپوری)

 

[شمشاد]

اوپس تاخیر ہو گئی


رسمِ الفت سیکھا گیا کوئی
دل کی دنیا پہ چھا گیا کوئی
(داغ دہلوی)

 

[عمر سیف]

یا ہماری تلخ باتوں کو سہار
یا بتا دے کس سے ہم جھگڑا کریں

 

[شمشاد]

نقشِ پا کو اٹھائے کہاں کہاں جاؤں
کہ گردِ راہ بھی تیری کارواں بھی تیرا ہے
(مظہر امام)

 

[سیدہ شگفتہ]

یہ شعرِ حافظِ شیراز ، اے صبا کہنا
ملے جو تجھ سے کہیں وہ حبیبِ عنبرِ دست
"خلل پذیر بود ہر بنا کہ مے بینی
بجُز بِنائے محبت کہ خالی از خلل است"



صاحبِ کلام : فیض احمد فیض


​

 

[شمشاد]

ترچھے ترچھے تیر نظر کے لگتے ہیں
سیدھا سیدھا دل پہ نشانہ لگتا ہے
(کیف بھوپالی)

 

[ظفری]

یہ سوچتے ہیں کب تلک ، ضیمر کو بچائیں گے
اگر یونہی جیا کیے ، ضرورتوں کے درمیاں

( پیرزادہ قاسم )

 

[شمشاد]

نکہتِ زلف سے نیندوں کو بسا دے آ کر
میری جاگی ہوئی راتوں کو سلا دے آ کر
(اختر شیرانی)

 

[ظفری]

رسوائی کا میلہ تھا ، سو میں نے نہیں دیکھا
اپنا ہی تماشہ تھا ، سو میں نے نہیں دیکھا

( پیرزادہ قاسم )

 

[شمشاد]

آپ کو بھول جائیں ہم اتنے تو بےوفا نہیں
آپ سے کیا گلہ کریں آپ سے کچھ گلہ نہیں
(تسلیم فاضلی)