بیت بازی

[شمشاد]

یہ جو زندگی کی کتاب ہے یہ کتاب بھی کیا کتاب ہے
کہیں اک حسیں سا خواب ہے کہیں جاں لیوا عذاب ہے
(راجیش ریدی)

 

[حجاب]

یادوں‌ کے سب دیپ بجھا کر شام پڑے سو جانے والا
رات گئے تک جاگ رہا تھا پہلی پہلی بارش میں ۔۔۔

 

[سیدہ شگفتہ]

نئی لکھاری نسل ہماری جانے کیوں جلدی میں ہے
صبح کو پیدا ہونے والے شام کو شہرت مانگتے ہیں


کلام : شوکت ہاشمی


​

 

[خرم]

نہیں رہی اب جنوں کی زنجیر پہ وہ پہلی اجارہ داری
گرفت کرتے ہیں کرنے والے خرد پہ دیوانہ پن سے پہلے

فیض

 

[شمشاد]

یہ مسائل تصوف، یہ تیرا بیان ‘غالب‘
تجھے ہم ولی سمجھتے جو نہ بادہ خوار ہوتا

 

[سیدہ شگفتہ]

اُسے کسی نے کبھی بولتے نہیں دیکھا
جو شخص چُپ نہیں رہتا مری حمایت میں


کلام : سلیم کوثر


​

 

[wahab49]

نظروں کی دھوپ دیر تلک مجھ پہ رھی تھی
شاید اسی کی دین سے کندن بنا ھوں میں

نامعلوم​

 

[شمشاد]

نظر ملا نہ سکے اس سے اس نگاہ کے بعد
وہی ہے حال ہمارا جو ہو گناہ کے بعد
(کرشن بہاری نور)

 

[عمر سیف]

دُکھوں کا بوجھ اکیلے نہیں سنبھلتا ہے
کہیں وہ ملتا تو اُس سے لپٹ کے رو لیتے

 

[حجاب]

یہ اداس اداس سے بام و در یہ اجاڑ اجاڑ سی رہگزر
چلو ہم نہیں نہ سہی مگر سرِ کوئے یار کوئی تو ہو۔

 

[عمر سیف]

ویسے تو ہر شخص کے دل میں کہانی ہوتی ہے
ہجر کا آلاؤ، غم کا سلیقہ، درد کا لہجہ ہو تو کہو

 

[شمشاد]

یہی بہت ہے کہ دل اس کو ڈھونڈ لایا ہے
کسی کے ساتھ سہی وہ نظر تو آیا ہے
(امجد اسلام امجد)

 

[حجاب]

شمشاد صاحب شعر و سے لکھنا تھا۔

وحشت میں ہر نقشہ الٹا نظر آتا ہے
مجنوں نظر آتی ہے لیلیٰ نظر آتا ہے ۔

 

[عیشل]

یہ اور بات کہ منبر پہ آ کے کچھ نہ کہیں
خاموش لوگ بلا کے خطیب ہوتے ہیں

 

[حجاب]

نظر نظر بے قرار سی ہے نفس نفس پراسرار سا ہے
میں جانتا ہوں کہ تم نہ آؤ گے پھر بھی کچھ انتظار سا ہے۔

 

[عمر سیف]

یارب طلسمَ ہوش رہا ہے مشاعرہ
جن کو نہیں بُلایا، وہ غم خوار مر گئے

 

[شمشاد]

و سے تو شعر تب دیتا اگر مجھے دیر نہ ہوتی لیکن جب ضبط آنلائن ہوں تو پھر میرے باری ہمشہ دیر ہو جاتی ہے۔

 

[شمشاد]

یوں گماں ہوتا ہے گرچہ ہے ابھی صبح فراق
ڈھل گیا ہجر کا دن آ بھی گئی وصل کی رات
(فیض احمد فیض)

 

[ظفری]

تیرے روکے سے ، وہ بدعہد کہاں رکتا ہے
پاؤں چھونے سے تو بہتر ہے ، اسے جانے دے

 

[ماوراء]

یہ عمر بھر کی مسافت ہے دل بڑا رکھنا
کہ لوگ ملتے بچھڑتے رہیں گے رستے میں​