بیت بازی

[الف عین]

ک اک ورق ہے آبِ زر تیری غزل کا منیرؔ
جب یہ کتاب ہو چکے جا کے دکھانا تب اسے
منیر نیازی

 

[نوید صادق]

یہی چنار یہی جھیل کا کنارہ تھا
یہیں کسی نے مرے ساتھ دن گزارا تھا

(مقبول عامر)

 

[شمشاد]

عجب ہیں رسمِ گاہِ زندگی کے یہ انداز
اسی نے وار کیا جس نے بےشپر جانا
(عالم تاب تشنہ)

 

[نوید صادق]

اتنا زیادہ خون کہاں سے لاو گے
بیماروں کو زہر پلانا اچھا ہے

(رام ریاض)

 

[شمشاد]

یہ اک اشارہ ہے آفاتِ ناگہانی کا
کسی جگہ سے پرندوں کا کوچ کر جانا

 

[نوید صادق]

اس طرح شہر انا پر میں تباہی مانگوں
اپنے ہونے سے نہ ہونے کی گواہی مانگوں

(حیدر قریشی)

 

[شمشاد]

نہ غبار میں نہ گلاب میں مجھے دیکھنا
میرے درد کی آب و تاب میں مجھے دیکھنا
(ادا جعفری)

 

[نوید صادق]

اختلاط بدن محبت ہے
کرب لا حاصلی۔۔خلل، صاحب!

(سید آل احمد)

 

[شمشاد]

بادل کو کیا خبر کہ بارش کی چاہ میں
کتنے بلند و بالا شجر خاک ہو گئے
(پروین شاکر)

 

[عمر سیف]

یہ مرے چاروں طرف کس لیے اجالا ہے
یہ تیری یاد ہے دن نکلنے والا ہے

 

[ظفری]

یہ جہا‌ں نورد کی داستاں ، یہ فسانہ ڈولتے سائے کا
میرے سربریدہ خیال ہیں کہ دھواں ہے سونی سرائے کا

 

[شمشاد]

اشک پینے کا ہنر سیکھ لو ہم سے آ کر
جذبہ دل کو نگاہوں سے ہویدا نہ کرو
(کامران نجمی)

 

[عمر سیف]

وہ عیش کر رہا ہے بہت کافروں کے ساتھ
مولا کی رحمتوں کا طلبگار میں ہی ہوں

 

[شمشاد]

نہ تم آئے نہ چین آیا نہ موت آئی شبِ وعدہ
دلِ مضطر تھا میں تھا اور تھی بیتابیاں میری
(فیاض ہاشمی)

 

[نوید صادق]

یہ مصرع مستانہ اٹھا اے دل کوزہ
من کوزہ و من کوزہ گر و من گل کوزہ

(انور شعور)

 

[شمشاد]

ہر اک بات پہ کہتے ہو کہ تُو کیا ہے
تمہی کہو یہ اندازِ گفتگو کیا ہے

 

[نوید صادق]

یہ مفلسی کا تسلسل، ضرورتوں کا محیط
مجھے سلیقہ تزئین ذات دے دے گا

(سید آل احمد)

 

[ظفری]

اکیلا دن ہے کوئی ، اور نہ تنہا رات ہوتی ہے
میں جس پل سے گذرتا ہوں محبت ساتھ ہوتی ہے

 

[الف عین]

آج صحرائے جان خشک سہی
آنسوؤں کی کمک تو آئے گی
مابدولت

 

[نوید صادق]

یہ خواہشوں کی مسافت عذاب ہے احمد
نکل کے دیکھ شب جسم کے حصار سے بھی

سید آل احمد