بیت بازی

[برادر]

الفت کی نئی منزل کو چلا تو ڈال کے بانہیں بانہوں میں
دل توڑنے والے دیکھ کے چل ہم بھی پڑے ہیں راہوں میں

 

[نوید صادق]

نجانے کس کی آمد ہے کہ تارے
دو رویہ مشعلیں لے کر کھڑے ہیں

سلیم احمد

 

[شمشاد]

نہ کہہ ساقی بہار آنے کے دن ہیں
جگر کے داغ چھل جانے کے دن ہیں
(بیخود دہلوی)

 

[نوید صادق]

نگاہ مست بہکی پھر رہی ہے جوش مستی میں
زمانے بھر کو جیسے آج ہی مے خانہ کرنا ہے

احسان دانش

 

[شمشاد]

یہ آرزو ہے کہ جب بھی گلے لگاؤں اسے
حصارِ ذات سے باہر نکال لاؤں اسے
(حمایت علی شاعر)

 

[سیدہ شگفتہ]

یہ چشمِ شوق طرفہ جگہ ہے دکھاؤ کی
ٹھیرو بقدرِ یک مژہ تم اس مکان میں

کلام : میر محمد تقی میر ( المعروف میر تقی میر)




​

 

[سیدہ شگفتہ]

ٹھیروبقدرِ یک مژہ تم اس مکان میں


​

اس مصرعہ میں لفظ ٹھیرو قدیم املاء ہے۔ اس لفظ کی موجودہ املاء ٹھہرو ہے۔


۔

 

[راجہ صاحب]

نئے نئے ہیں عزائم نئی نئی ہے تلاش
جمال دوست سے دل مطمئن کہاں ہے ابھی
(قابل اجمیری)

 

[نوید صادق]

یہ کس کی، کوئے طلب میں، تلاش ہے احمد
یہ کس امید کا دربان ہو رہا ہوں میں

سید آل احمد

 

[راجہ صاحب]

نا مرادی نے کر دیا خود دار
اب سر شوق خم نہیں‌ ہوتا
(قابل اجمیری)

 

[سیدہ شگفتہ]

اب اگر جاؤ پئے عرض و طلب ان کے حضور
دست و کشکول نہیں کاسۂ سر لے کے چلو


صاحبِ کلام : فیض احمد فیض


​

 

[نوید صادق]

ورق ورق ہوں مگر صحن زیست میں احمد
مشاہدات کے جوہر کا اک ذخیرہ ہوں

سید آل احمد

 

[سیدہ شگفتہ]

نہیں خوفِ روزِ سیہ ہمیں ، کہ ہے فیض ظرفِ نگاہ میں
ابھی گوشہ گیر وہ اِک کرن ، جو لگن اُس آئینہ رُو کی ہے


صاحبِ کلام : فیض احمد فیض

​

 

[نوید صادق]

یا رب! مرے اشکوں سے نہ تاثیر جدا ہو
اس قافلے سے کوئی بچھڑ کر نہیں ملتا

(داغ)

 

[سیدہ شگفتہ]

آندھیاں آیا ہی کرتی ہیں ہر اِک حبس کے بعد
گم شدہ شمعوں کا ماتم نہ کرو دیوانو !

صاحبِ کلام : احمد فراز


​

 

[نوید صادق]

وحشی ترا گیا لب دریا جو ، پاوں سے
زنجیر بن کے ساحل دریا لپٹ گیا

امیر مینائی

 

[عمر سیف]

اتنی فرصت بھی کسے ہے لیکن
گاہے گاہے ہمیں پوچھا کیجیئے

 

[سیدہ شگفتہ]

یہ کوئی اور ہیں منزل تک آنے والے لوگ
کہ ہم سفر تو وہی تھا کہ جو گیا میرے ساتھ


صاحبِ کلام : سحر انصاری

​

 

[نوید صادق]

ہر طرف زور اندھیرا ہے ظفر
اور اندھیرے کے کنارے جھلمل

شاعر: ظفر اقبال

 

[عمر سیف]

لبوں پہ پھوٹ بہا گیت سسکیاں بن کر
کہ لفظ لفظ میں اس کی ملال ایسا تھا