بیت بازی

[سیدہ شگفتہ]

اِک ذرا دردِ دل کو تھمنے دو
سارے موسم گلاب لکھیں گے

کلام : حجاب عباسی

​

 

[عمر سیف]

یہ کافی ہے کہ ہم دشمن نہیں ہیں
وفاداری کا دعوٰی کیوں کریں ہم

 

[نوید صادق]

مزاج درد کو سب لفظ بھی قبول نہ تھے
کسی کسی کو ترے غم کا استعارہ کیا

شاعر: سعود عثمانی

 

[سیدہ شگفتہ]

اک سمندر لکھا محبت کو
زندگی کو حباب لکھیں گے

کلام : حجاب عباسی

​

 

[عمر سیف]

یہ ہی تسکین کی صورت ہے تو پھر
چار دن غم کو بھی اپنے دیکھو

 

[نوید صادق]

وارفتگی شوق عجب مرحلوں میں ہے
جذب طلب کے پھیلے ہوئے سلسلے تو دیکھ

شاعر: سید آل احمد

 

[عمر سیف]

ہے ضرور اِس میں بھی مصلحت، وہ جو ہنس کے پوچھے ہے خیریت
کہ محبتوں میں غرض نہ ہو، نہیں ایسا پیار کہیں نہیں

 

[سیدہ شگفتہ]

نہ رنجِ ہجر نہ کیفِ وصال ہے کوئی
بچھڑتا کیا وہ بھلا جو کبھی ملا بھی نہیں

کلام : مونا قدوائی

​

 

[عمر سیف]

نہ جانے کس کی آمد ہے کہ تارے
دو رویہ مشعلیں لے کر کھڑے ہیں

 

[سیدہ شگفتہ]

نہ آج لطف کر اتنا کہ کل گذر نہ سکے
وہ رات جو کہ ترے گیسوؤں کی رات نہیں

کلام : فیض احمد فیض

​

 

[سیدہ شگفتہ]

نگاہ و دل کو قرار کیسا ، نشاط و غم میں کمی کہاں کی
وہ جب ملے ہیں تو ان سے ہر بار کی ہے اُلفت نئے سرے سے

کلام : فیض احمد فیض

​

 

[برادر]

یہی بہت ہےکھڑےدیکھتےہوساحل سے
سفینہ ڈوب رہا ہے تو کوئی بات نہیں​

 

[سیدہ شگفتہ]

نہ مدعی ، نہ شہادت ، حساب پاک ہوا
یہ خونِ خاک نشیناں تھا ، رزقِ خاک ہوا

کلام : فیض احمد فیض

​

 

[سیدہ شگفتہ]

اِک سخن اور کہ پھر رنگِ تکلم تیرا
حرفِ سادہ کو عنایت کرے اعجاز کا رنگ

کلام : فیض احمد فیض

​

 

[سیدہ شگفتہ]

گنو، سب داغ دل کے، حسرتین شوقیں نگاہوں کی
سرِ دربار پُرسش ہو رہی ہے پھر گناہوں کی

کلام : فیض احمد فیض

​

 

[سیدہ شگفتہ]

شمشاد بھائی، آداب ، یہ لیجئے۔۔۔ میں آج بیت بازی کا مقابلہ جیت لیا اب لائیے تو میرا انعام

 

[برادر]

یہیں نہ ڈوبنے والے کو ڈھونڈتے رہنا
وہ اس بھنور میں جو ڈوبا تو دور نکلے گا​

 

[نوید صادق]

ابھی سر کا لہو تھمنے نہ پایا
ادھر سے ایک پتھر اور آیا

شاعر: محشر بدایونی

 

[شمشاد]

میں حیرت سے باہر نکلوں تو بات بھی ہے کہ آج شگفتہ صاحبہ اور اس دھاگے پر اور مزید یہ کہ پے در پے اشعار ہی اشعار

اس دھاگے پر آپ کو خوش آمدید کہتا ہوں۔

 

[شمشاد]

اب کچھ نہیں تو نیند سے آنکھیں جلائے ہم
آؤ کہ جشنِ مرگِ محبت منائیں ہم
(اختر الایمان)