بیت بازی

[نوید صادق]

میں اس کی کوئی نشانی بتا نہیں سکتا
مکاں تھے اور بہت اس مکاں کے چاروں طرف

شاعر: ظفر اقبال

 

[شمشاد]

فقیروں کا جمگھٹا گھڑی دو گھڑی
شرابیں تیری بادہ خانے تیرے
(عبد الحمید عدم)

 

[نوید صادق]

یہ زخم اسودگان فن بھی کیا درویش سیرت ہیں
اجالے بانٹتے ہیں، خود دیا گھر میں نہیں رکھتے

شاعر: محشر بدایونی

 

[شمشاد]

یہی حالات ابتدا سے رہے
لوگ ہم سے خفا خفا سے رہے
(جاوید اختر)

 

[نوید صادق]

یہ روشنی کسی تیرہ سفر کے کام آئے
چراغ جلتا ہی اس آرزو میں رہتا ہے

شاعر: محشر بدایونی

 

[عمر سیف]

یہ میرا تجربہ ہے حسن کوئی چال چلے
بازیِ عشق کبھی مات نہیں ہوتی

 

[شمشاد]

یہ احترامِ جنوں ہے کہ سِی لیا دامن
وگرنہ اک تماشا سا کُو بہ کُو کرتے
(حمایت علی شاعر)

 

[عمر سیف]

یوں تو وہ میری رگ و جاں سے بھی تھے نزدیک تر
آنسوؤں کی دھند میں لیکن نہ پہچانے گئے

 

[شمشاد]

یہ کریں یا وہ کریں ایسا کریں ویسا کریں
زندگی دو دن ہے دو دن میں ہم کیا کریں
(نذیر بنارسی)

 

[الف عین]

نہ جی بھر کے دیکھا نہ کچھ بات کی
بہت آرزو تھی ملاقات کیٕ
بشیر بدر

 

[عمر سیف]

یارب وہ اِشتباہ مرے دل میں ڈال دے
جو دل سے اعتبار تمنّا نکال دے

 

[راجہ صاحب]

یہی ہے فیصلہ تیرا کہ جو تجھے چاہے
وہ درد و کرب و الم کی کٹھالیوں میں‌جلے
(انور مسعود)

 

[نوید صادق]

یہ روح ایسی سفر دوست تھی کہ اب شاید
ندائے قافلہ آئے تو قبر چلنے لگے

شاعر: محشر بدایونی

 

[شمشاد]

یہ تو نہیں کہ غم نہیں
ہاں میری آنکھ نم نہیں
(فراق گورکھپوری)

 

[نوید صادق]

نام اک بت کا لب پہ ہے واعظ
ہے یہی ورد صبح و شام مرا

شاعر: نظام رامپوری

 

[شمشاد]

اب نہ خوشی کی ہے خوشی
غم کا بھی اب تو غم نہیں
(فراق گورکھپوری)

 

[نوید صادق]

نہیں ہے آنکھ کے صحرا میں ایک بوند سراب
مگر یہ رنگ بدلتا ہوا سا کچھ تو ہے

شاعر: بانی

 

[عمر سیف]

یہی دل تھا کہ ترستا تھا مراسم کے لئے
اب یہی ترکِ تعلق کے بہانے مانگے

 

[شمشاد]

یوں اگر ہو تو جانِ من کوئی کافر نہ رہے
معجزہ تیرے وعدے کا وفا ہو جانا
(قتیل شفائی)

 

[عمر سیف]

اگر نہ درد میری روح میں اُتر جاتا
میں جیسا بےخبر آیا تھا، بےخبر جاتا