بیت بازی

[شمشاد]

آہ، کہ کھویا گیا تجھ سے فقیری کا راز
ورنہ ہے مالِ فقیر، سلطنتِ روم و شام
(علامہ)

 

[عمر سیف]

میرا حال خُدا ہی بہتر جانے ہے
مجھ پر دن ہنستے ہیں، راتیں روتی ہیں

 

[سیدہ شگفتہ]

نہ سوالِ وصل، نہ عرضِ غم، نہ حکایتیں نہ شکایتیں
ترے عہد میں دلِ زار کے سبھی اختیار چلے گئے


کلام : فیض احمد فیض


​

 

[عمر سیف]

یادوں سے، خوابوں سے اور اور امیدوں سے ربط
ہو جائے تو جینے میں آسانی کرتا ہے

 

[شمشاد]

یہ اتفاق مبارک ہو مومنوں کے لیے
کہ یک زباں ہیں فقیہانِ شہر میرے خلاف
(علامہ)

 

[نوید صادق]

فکر ہے صبح و شام یہی، غم یہی صبح و شام ہے
گر نہ ملا وہ کچھ دنوں، کام یہاں تمام ہے

شاعر: نظام رامپوری

 

[عمر سیف]

یہ رام جنم بھومی کا لہو، یہ بابری مسجد کی لاشیں
تم اِن کو مذہب کہتے ہو، ہم وحشی سیاست کہتے ہیں
بشیر بدر

 

[شمشاد]

نہ ہو طغیانِ مشتاقی تو میں رہتا نہیں باقی
کہ میری زندگی کیا ہے؟ یہی طغیانِ مشتاقی
(علامہ)

 

[عمر سیف]

یہ دن بہار کے اب کے بھی راس نہ آ سکے
کہ غنچے کھل تو سکے، کھل کے مسکرا نہ سکے

 

[شمشاد]

یا وسعتِ افلاک میں تکبیرِ مسلسل
یا خاک کے آغوش میں تسبیح و مناجات
(علامہ)

 

[سیدہ شگفتہ]

تو شیشہ گر ہے تجھے احتیاط لازم ہے
ہے مصلحت کہ نہ اہلِ جنوں پہ سنگ اٹھا


کلام : اظہر قادری


​

 

[شمشاد]

اک اضطراب مسلسل غیاب ہو، کہ حضور
میں‌ خود کہوں تو مری داستاں دراز نہیں
(علامہ)

 

[عمر سیف]

نہ وہ ہوتا، نہ میں اِک شخص کو دِل سے لگا رکھتا
میں دُشمن کو بھی گنتا ہوں محّبت کے سفیروں میں

 

[شمشاد]

ناصبوری ہے زندگی دل کی
آہ، وہ دل کہ ناصبور نہیں
(علامہ)

 

[عمر سیف]

نہ ڈگمگائے کبھی ہم وفا کے رستے میں
چراغ ہم نے جلائے ہوا کے رستے میں
کسے لگائے گلے اور کہاں کہاں ٹھہرے
ہزار غنچہ و گُل ہیں صبا کے رستے میں

 

[شمشاد]

نغمہ نوبہار اگر میرے نصیب میں نہ ہو
اس دمِ نیم سوز کو طائرک بہار کر
(علامہ)

 

[عمر سیف]

روشن تیرے جمال سے ہیں مہر و ماہ بھی
لیکن نظر پہ بار ہیں تیری گلی کے لوگ

 

[شمشاد]

گدائے میکدہ کی شانِ بے نیازی دیکھ
پہنچ کے چشمہء حیواں پہ توڑتا ہے سبو
(علامہ)

 

[عمر سیف]

وہ جو ابھی اس راہگزر سے چاک گریباں گزرا تھا
اس آوارہ دیوانے کو جالب جالب کہتے ہیں

 

[شمشاد]

نہ کر دیں مجھ کو مجبورِ نوا فردوس میں حوریں
مرا سوزِ دروں پھر گرمی محفل نہ بن جائے
(علامہ)