بیت بازی

[عمر سیف]

یہ کس نے آج جگائی ہے عہدِ رفتہ کی یاد
یہ کون دل کے قریں آج نوحہ خواں سا ہے

 

[شمشاد]

یہ ثابت بھی ہے اور سیار بھی
عناصر کے پھندوں سے بیزار بھی
(علامہ)

 

[عمر سیف]

یہ الگ بات کے ہارے ہم
حشر اک بار تو اٹھا کے رہے ہم

 

[خاور بلال]

مے کشو! ٹوٹ پڑو، چھین لو ساقی سے ایاغ
کب سے مئے خانے پہ رنگین گھٹا ٹھہری ہے

 

[شمشاد]

میرے گلو میں ہے اک نغمہ جبرئیل آشوب
سنبھال کر جسے رکھا ہے لامکاں کے لیے
(علامہ)

 

[شمشاد]

یہ ہے مقصدِ گردشِ روزگار
کہ تیری خودی تجھ پہ ہو آشکار
(علامہ)

 

[خاور بلال]

رات اک کلبِ تواں، پیشِ سگاں، گویا ہوا
کب تلک یوں گولیوں میں دن گزارے جائیں گے
جاں چھڑانی چاہئے، اب ہم کو نوعِ بشر سے
کب تلک ہم آدمی کی موت مارے جائیں گے

(کلب کتے کو اور سگاں اپنوں کو کہتے ہیں)

 

[نوید صادق]

یہ پیٹ کا دوزخ بھی کیا ہے!
سو طرح سے بھرنا پڑتا ہے

شاعر: سید آلِ احمد

 

[عمر سیف]

ی سے معذرت

ہمارے حال کی خبر وہ رکھتا تھا
ساری عمر جو انجان دکھائی دیا

 

[شمشاد]

اُٹھ کہ خورشید کا سامانِ سفر تازہ کریں
نفسِ سوختہء شام و سحر تازہ کریں
(علامہ)

 

[الف عین]

نشاطِ زندگی میں ڈوب کر آنسو نکلتے ہیں
سنا ہے اب ترے غم کے نئے پہلو نکلتے ہیں

 

[عمر سیف]

نظر آتا نہیں جب حرف کوئی لوحِ عالم پر
میں اپنا نام لکھ کر اور مٹا کر دیکھ لیتا ہوں

 

[شمشاد]

نہ چینی و عربی وہ، نہ رومی نہ شامی
سما سکا نہ دو عالم میں مردِ آفاقی
(علامہ)

 

[عمر سیف]

ی سے معذرت

قدموں تلے تھے جتنے سمندر سرک گئے
اب کیا کروں گا دیکھ کہ منہ بادبان کا

 

[شمشاد]

اگر کج رو ہیں انجم، آسماں تیرا ہے یا میرا؟
مجھے فکرِ جہاں کیوں ہو، جہاں تیرا ہے یا میرا؟
(علامہ)

 

[عمر سیف]

اپنے اقرارِ جُرم سے پہلے
دشمنوں کا بیان دیکھوں گا

 

[شمشاد]

اگر ہنگامہ ہائے شوق سے ہے لامکاں خالی
خطا کس کی ہے یارب، لامکاں تیرا ہے یا میرا؟

 

[عمر سیف]

اگرچہ مجھ کو جدائی تری گوارا نہیں
سوائے اس کے مگر کوئی چارہ نہیں

 

[شمشاد]

نفس کے زور سے وہ غنچہ وا ہوا بھی تو کیا
جسے نصیب نہیں آفتاب کا پرتو
(علامہ)

 

[الف عین]

وہ،۔۔۔ جسے اب تک سمجھتا تھا میں پتھّر۔۔۔ سامنے تھا
اک پگھلتی موم کا سیّال پیکر سامنے تھا
بانیؔ