بیت بازی

[سارہ خان]

یوں اگر سوچوں تو اِک اِک نقش ہے سینے پہ نقش

ہائے وہ چہرہ کہ پھر بھی آنکھ میں بنتا نہیں


(امجد اسلام امجد)

 

[شمشاد]

ناکامِ تمنا دل اس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا
(چراغ حسن حسرت)

 

[امیداورمحبت]

آپ کو آتا رہا میرے ستانے کا خیال ۔ ۔
صلح سے اچھی رہی مجھ کو آپ کی لڑائی

(حسرت)

 

[شمشاد]

یہ حادثات جو ہیں اضطراب کا پیغام
یہ حادثات ہی آئیں گے سازگار مجھے
(عزیز وارثی)

 

[امیداورمحبت]

یہ ٹھیک ہے مرتا نہیں کوئی جدائی میں
خدا کسی کو کسی سے مگر جدا نہ کرے

(قتیل شفائی)

 

[شمشاد]

یہ آرزو تھی تجھے گل کے روبرو کرتے
میں اور بلبل بیتاب گفتگو کرتے

 

[الف عین]

یہ اور بات نام ہمارا نہیں لیا
ورنہ کسی کے لہجے میں کتنی مٹھاس ہے

 

[سارہ خان]

یہ تجھ کو جاگتے رہنے کا شوق کب ہوا
مجھ کو تو خیر تیرا انتظار کرنا ہے

 

[عمر سیف]

یادوں سے، خوابوں سے اور امیدوں سے ربط
ہو جائے تو جینے میں آسانی کرتا ہے

 

[عیشل]

یہ ہوا کی سرد مہری تھی کہ میرے دل کا خوف
جم گیا ہونٹ پر آکے تنّفس حرف کا
ایک وہ موسم کہ مجھ پر مسکراہٹ جبر تھی
اور اب موقع نہیں ملتا ہنسی کے حرف کا

 

[عمر سیف]

اک سُلگتا، چیختا، ماحول ہے اور کچھ نہیں
بات کرتے ہو، یگانہ کس امین آباد کی

 

[عیشل]

یہ کیا مقام ِ شوق ہے نہ آس ہے نہ یاس ہے
یہ کیا ہوا کہ لب پہ تیرا نام آکے رہ گیا

 

[عمر سیف]

اب اور تاش کے پتوں کی سیڑھیوں پہ نہ چڑھ
کہ اس کے آگے خدا کا عذاب ہے بیٹا

 

[عیشل]

اپنا ہی تھا قصور جو طوفاں میں گھِر گئے
اک موج تھی کہ جس کو کنارہ سمجھ لیا

 

[عمر سیف]

ایک صدا میرے تعاقب میں آئی تو تھی
اَنا کا مسئلہ تھا ، ورنہ پلٹ گئے ہوتے

 

[شمشاد]

یہ ضروری نہیں ہر شخص مسیحا ہی ہو
پیار کے زخم امانت ہیں دکھایا نہ کرو
(محسن نقوی)

 

[الف عین]

ويراں نہ ہو اس درجہ کوئي موسم گل بھي
کہتے ہيں کسي شاخ پہ اک پھول کھلا تھا
یہ بھی شاید محسن نقوی

 

[شمشاد]

اسے معلوم تھا اک میرے سر میں ہے
وہ جھجھکتا تھا مجھے حکمِ سفر دینے میں
(ہری مچھندر بنی)

 

[سارہ خان]

نہ لینا نام آئے قاصد تو فقط اتنا ہی کہہ دینا
جنہیں تم بھول بیٹھے ہو تمہیں وہ یاد رکھتے ہیں

 

[عمر سیف]

نہ گُل کھلے ہیں نہ ان سے ملے ہیں نہ مہ پی ہے
عجیب رنگ میں اب کے بہار گزری ہے