بیت بازی

[شمشاد]

آپ کو دیکھ کر رخ پھیر دیا سجدوں کا
کفر کے واسطے ضد ہو گئی ایمان سے مجھے

 

[عمر سیف]

یہ لڑکی تو ان گلیوں میں روز ہی گھوما کرتی تھی
اس سے ان کو ملنا تھا تو اس کے لاکھ بہانے تھے

 

[عیشل]

یاس کی ایک نرم سی ٹھوکر
نشے کیا کیا اتار دیتی ہے
کون مرتا ہے موت کے ہاتھوں
زندگی آپ مار دیتی ہے

 

[شمشاد]

یہ کام عین عبادت ہے موسمِ گل میں
ہمیں گلے سے لگاؤ بہار کے دن ہیں
(عبدالحمید عدم)

 

[الف عین]

نالہ کشو اُٹھا دو ، آہ و فغاں کی رسمیں
دو دن کی زندگی ہے ، کاٹو ہنسی خوشی سے
شکیل بدایونی

 

[شمشاد]

یہ اداء بے نیازی تجھے بے وفا مبارک
مگر ایسی بے رخی کیا کہ سلام تک نہ پہنچے
(شکیل بدایونی)

 

[سارہ خان]

یہی کافی ہے کہ قائم رہے وفا کا بھرم
کوئی کسی کا ہُوا بھی ہے عمر بھر کے لئے

 

[شمشاد]

یہ فضا راس نہ آئے گی تمہیں اے ‘ نجمی ‘
یاد گزرے ہوئے لمحات کی تازہ نہ کرو
(کامران نجمی)

 

[سارہ خان]

وفا ، اخلاص ، قربانی ، محبت
اب اِن لفظوں کا پیچھا کیوں‌کریں ہم

 

[شمشاد]

موسمی برف ہیں کچھ دیر میں بہہ جائیں گے
ان بدلتے ہوئے رشتوں پے بھروسہ نہ کرو
(کامران نجمی)

 

[عمر سیف]

وہ چاند بن کے میرے جسم میں پگھلتا رہا
لہو میں ہوتی گئی روشنی کی آمیزش

 

[شمشاد]

شکستہء توبہ کا کب ایسا آئے گا موسم
‘ عدم ‘ کو گھیر کے لاؤ بہار کے دن ہیں
(عبدالحمید عدم)

 

[عمر سیف]

نہیں کہ عرصہِ گرداب بھی غنیمت تھا
مگر یقین تو دلاؤ یہ ہی کنارے ہیں

 

[علمدار]

نظر ملا کے میرے پاس آکے لوٹ لیا
نظر ہٹی تھی کہ پھر مسکرا کے لوٹ لیا

 

[عمر سیف]

انسانوں کا خون ہی تم کو پینا ہے
کھوپڑیوں میں پی لو یا پیمانوں میں

 

[شمشاد]

ضبط آجکل تو کھوپڑیاں ہی چل رہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئی صبح پر نظر ہے مگر آہ یہ بھی ڈر ہے
یہ سحر بھی رفتہ رفتہ کہیں شام تک نہ پہنچے
(شکیل بدایونی)

 

[سارہ خان]

یہ جنگ جیت ہے کس کی یہ ہار کس کی ہے
یہ فیصلہ میری ٹوٹی کمان سے ہو گا

 

[شمشاد]

آیا تیرا سلام نہ آیا ہے خط کوئی
ہم آخری سفر کے بھی سامان سے گئے
(سعید راہی)

 

[سارہ خان]

یہ کیاکہ روز ایک سا غم، ایک سی امید
اس رنجِ بےخمار کی اب انتہا بھی ہو

 

[شمشاد]

وہی اک خاموش نغمہ ہے ‘ شکیل‘ جانِ ہستی
جو زبان تک نہ آئے جو قلم تک نہ پہنچے
(شکیل بدایونی)