بیت بازی

[عمر سیف]

ابھی صبا کی سخاوت پہ خوش نہ ہو محسن
جھونکے یہی بصورتِ صرصر بھی آئیں گے

 

[نوید صادق]

یہ فیضِ عام شیوہ کہاں تھا نسیم کا
آخر ، غلام ہوں میں تمہارا قدیم کا

شاعر: شیفتہ

 

[شمشاد]

اظہار محبت نہ کیا بس اسی ڈر سے
ایسا نہ ہو گر جاؤں کہیں ان کی نظر سے
(فیاض ہاشمی)

 

[عمر سیف]

یہ کیا کہ تو بھی اس ساعت زوال میں‌ہے
کہ جس طرح‌ہے سبھی سورجوں کو ڈھل جانا

 

[نوید صادق]

اِس اندھیرے میں نہ اک گام بھی رکنا یارو
اب تو اک دوسرے کی آہٹیں کام آئیں گی

شاعر: بانی

 

[عمر سیف]

یہ شعلگی ہو بدن کی تو کیا کیا جائے
سو لازمی تھا تیرے پیرہن کا جل جانا

 

[نوید صادق]

آنکھ میں اترا ہوا تھا شام کا پہلا ستارہ
رات کالی سر پہ تھی۔۔۔ اور سرد بستر سامنے تھا

شاعر: بانی

 

[شمشاد]

اتنے سّچے کیوں ہوتے ہیں
سّچے اچھّے کیوں ہوتے ہیں
(نوشی گیلانی)

 

[سارہ خان]

نہ کوئی نقش ہے سالم نہ کوئی عکس کے ہم
کسی نظر، کسی چہرے پہ اعتبار کریں

 

[الف عین]

نئے دیس کا رنگ نیا تھا
دھرتی سے آکاش مِلا تھا
ناصر

 

[شمشاد]

آنکھیں سمندروں کے تعاقب میں بھیج دیں
لیکن قدم حَباب سے آگے نہیں گیا
(فاخرہ بتول)

 

[عمر سیف]

اس دیارَ چشم و لب میں دل کی یہ تنہائیاں
اِن بھرے شہروں میں بھی شامِ غریباں دیکھیے

 

[شمشاد]

یوں تو ہم آگاہ تھے صیاد کی تدبیر سے
ہم اسیرِ دامِ گل اپنی خودی سے ہو گئے
(ساغر نظامی)

 

[ظفری]

یادوں‌کا ایک جھونکا آیا ہم سے ملنے برسوں ‌بعد
پہلے اتنا روئے نہیں تھے جتنا روئے برسوں بعد

 

[شمشاد]

دردِ دل کے واسطے پیدا کیا ہے انساں کو
ورنہ اطاعت کے لیے کچھ کم نہ تھے کروبیاں
(علامہ)

 

[سارہ خان]

نہ کوئی نقش ہے سالم نہ کوئی عکس کہ ہم
کسی نظر، کسی چہرے پہ اعتبار کریں

 

[شمشاد]

نہیں آتی اب آوازِ جرس بھی
غبارِ کارواں ہے اور میں ہوں
(جوش ملیح آبادی)

 

[خاور بلال]

نشہ پلا کے گرانا تو سب کو آتا ہے
مزہ تو جب ہے کہ گرتوں‌ کو تھام لے ساقی

 

[شمشاد]

یوں ہوا جیسے بجلی سی چمکی وہاں اور کیا ہو بیاں
آنکھ کھلتے ہی دیکھا سب ٹھیک تھا، دل وہیں رہ گیا
(خالد)

 

[الف عین]

اتر گیا ہے وہ دریا جو تھا چڑھاؤ پر
بس اب جماؤ کناروں پہ پتھروں کا ہے
اسعد بدایونی