درخت،پیڑ،پودے،شجر

[زیرک]

تمام پیڑ جلا کر خود اپنے ہاتھوں سے
عجیب شخص ہے سایہ تلاش کرتا ہے​

 

[زیرک]

جس پیڑ کے سائے میں تھکن دور ہو میری
سُوکھا ہی سہی، پر مجھے درکار وہی ہے​

 

[جاسمن]

آب و ہوا تو یوں بھی مرا مسئلہ نہیں
مجھ کو تو اک درخت لگانا ہے اور بس
سلیم کوثر

 

[عباس رضا]

کب ہیں درخت حضرتِ والا کے سامنے
قدسی کھڑے ہیں عرشِ معلّٰی کے سامنے
(اطہر ہاپوڑی، اصلاح مصرع ثانی: امام احمد رضا خان رحمۃ اللہ علیہ)

 

[عباس رضا]

غموں کی دھوپ میں کاٹا ہے زندگی کا سفر
کوئی شجر مرے رستے میں سایہ دار نہ تھا

 

[عباس رضا]

الٹے سیدھے گرے پڑے ہیں پیڑ
رات طوفان سے لڑے ہیں پیڑ

کون آیا تھا کس سے بات ہوئی
آنسوؤں کی طرح جھڑے ہیں پیڑ

باغباں ہو گئے لکڑہارے
حال پوچھا تو رو پڑے ہیں پیڑ

کیا خبر انتظار ہے کس کا
سال ہا سال سے کھڑے ہیں پیڑ

جس جگہ ہیں نہ ٹس سے مس ہوں گے
کون سی بات پر اڑے ہیں پیڑ

کونپلیں پھول پتیاں دیکھو
کون کہتا ہے یہ کڑے ہیں پیڑ

جیت کر کون اس زمیں کو گیا
پرچموں کی طرح گڑے ہیں پیڑ

اپنی دنیا کے لوگ لگتے ہیں
کچھ ہیں چھوٹے تو کچھ بڑے ہیں پیڑ

عمر بھر راستوں پہ رہتے ہیں
شاعری پر سبھی پڑے ہیں پیڑ

موت تک دوستی نبھاتے ہیں
آدمی سے بہت بڑے ہیں پیڑ

 

[جاسمن]

باغباں ہو گئے لکڑہارے
حال پوچھا تو رو پڑے ہیں پیڑ

خوب!

 

[جاسمن]

بے سایہ نہ ہو جائے کہیں گھر مرا یا رب
کچھ دن سے میں جھکتا یہ شجر دیکھ رہا ہوں
جاوید نسیمی

 

[جاسمن]

یوں بھی نہیں کہ گرم ہواؤں سے چل بسے
اس بار پھول پیڑ کی چھاؤں سے چل بسے
اختر ملک

 

[محمداحمد]

الٹے سیدھے گرے پڑے ہیں پیڑ
رات طوفان سے لڑے ہیں پیڑ

کون آیا تھا کس سے بات ہوئی
آنسوؤں کی طرح جھڑے ہیں پیڑ

باغباں ہو گئے لکڑہارے
حال پوچھا تو رو پڑے ہیں پیڑ

کیا خبر انتظار ہے کس کا
سال ہا سال سے کھڑے ہیں پیڑ

جس جگہ ہیں نہ ٹس سے مس ہوں گے
کون سی بات پر اڑے ہیں پیڑ

کونپلیں پھول پتیاں دیکھو
کون کہتا ہے یہ کڑے ہیں پیڑ

جیت کر کون اس زمیں کو گیا
پرچموں کی طرح گڑے ہیں پیڑ

اپنی دنیا کے لوگ لگتے ہیں
کچھ ہیں چھوٹے تو کچھ بڑے ہیں پیڑ

عمر بھر راستوں پہ رہتے ہیں
شاعری پر سبھی پڑے ہیں پیڑ

موت تک دوستی نبھاتے ہیں
آدمی سے بہت بڑے ہیں پیڑ

بہت خوب عباس بھائی!

یہ کس کا کلام ہے؟

 

[سیما علی]

پھل دار درختوں نے رجھایا تو مجھے بھی
آزاد پرندوں کے لیے شاخ و ثمر کیا
بدر واسطی

 

[سیما علی]

آگ بھی برسی درختوں پر وہیں
کال بستی میں جہاں پانی کا تھا

سلیم کوثر

 

[سیما علی]

وہ جنگلوں میں درختوں پہ کودتے پھرنا
برا بہت تھا مگر آج سے تو بہتر تھا

محمد علوی

 

[سیما علی]

آتے ہیں برگ و بار درختوں کے جسم پر
تم بھی اٹھاؤ ہاتھ کہ موسم دعا کا ہے

اسد بدایونی

 

[سیما علی]

اک خوف سا درختوں پہ طاری تھا رات بھر
پتے لرز رہے تھے ہوا کے بغیر بھی۔۔۔۔۔۔

فضیل جعفری

 

[سیما علی]

وہ جن درختوں کی چھاؤں میں سے مسافروں کو اٹھا دیا تھے
انہیں درختوں پہ اگلے موسم جو پھل نہ اترے تو لوگ سمجھے

احمد سلمان

 

[سیما علی]

جو سائے بچھاتے ہیں پھل پھول لٹاتے ہیں
اب ایسے درختوں کو انسان کہا جائے۔۔۔

اصغر مہدی ہوش

 

[سیما علی]

دیکھا نہ جائے دھوپ میں جلتا ہوا کوئی
میرا جو بس چلے کروں سایہ درخت پر

عباس تابش

 

[فہد اشرف]

آتے ہیں برگ و بار درختوں کے جسم پر
تم بھی اٹھاؤ ہاتھ کہ موسم دعا کا ہے

اسد بدایونی

یہ غالباً اسعد بدایونی ہیں۔

 

[جاسمن]

تا قیامت ہرے بھرے رہیں گے
ان درختوں پہ دم کیا گیا ہے

تہذیب حافی