دل کے موضوع پر اشعار!

[نوید ملک]

دھڑک رہا ہے یہ دل عشق بن کئی دن سے
سو ہو گیا تھا ضروری ، اسے سزا دینا

 

[عمر سیف]

اور باقی آرزوئیں مِل گئیں سب خال میں
اِک تمہاری آرزو ہے، جو ابھی تک دل میں ہے

 

[نوید ملک]

ہے دل پہ گراں محفلِ احباب بھی عزمی
جس دن سے کتابوں سے شناسائی ہوئی ہے

 

[تیشہ]

رفتگاں یاد بہت آتے ہیں
اب ٹہر جا کہیں دور ِ ایام
آنکھ کا نور ہے جان ِ دل ہے
اک تیرا نام ،فقط تیرا نام ،

 

[پاکستانی]

جس دل وچ درد نہ رچیا، کُتے اوس توں چنگے
مالک دے در دے راکھی کر دے، صابر بھوکے ننگے

 

[عمر سیف]

دل اپنے غم رسیدہ پیراہن میں
امیدوں کا کشیدہ بھر رہا ہے

 

[پاکستانی]

گر مجھے اس کا یقین ھو مرے ھمدم ، مرے دوست
گر مجھے اس کا یقین ھو کہ ِترے دل کی تھکن
تیری آنکھوں کی اداسی ، ترے سینے کی جلن
میری دل جوئی ، مرے پیار سے مٹ جائے گی
گر مرا حرفِ تسلّی وہ دوا ھو جس سے
جی اٹھے پھر ترا اجڑا ھوا بے نور دماغ
تیری پیشانی سے دھل جائیں یہ تذلیل کے داغ
تیری بیمار جوانی کو شفا ھو جائے
گر مجھے اس کا یقین ھو مرے ھمدم ، مرے دوست
روز و شب ، شام و سحر میں تجھے بہلاتا رھوں
میں تجھے گیت سناتا رھوں ھلکے ، شیریں
آبشاروں کے بہاروں کے ، چمن زاروں کے گیت
آمدِ صبح کے ، مہتاب کے ، سیّاروں کے گیت
تجھ سے میں حسن و محبت کی حکایات کہوں
کیسے مغرور حسیناؤں کے برفاب سے جسم
گرم ھاتھوں کی حرارت میں پگھل جاتے ھیں
کیسے اک چہرے کے ٹھہرے ھوئے مانوس نقوش
دیکھتے دیکھتے یک لخت بدل جاتے ھیں
کس طرح عارضِ محبوب کا شفّاف بلور
یک بیک بادہِ احمر سے دہک جاتا ھے
کیسے گلچیں کے لئے جھکتی ھے خود شاخِ گلاب
کس طرح رات کا ایوان مہک جاتا ھے
یونہی گاتا رھوں ، گاتا رھوں تیری خاطر
گیت ُبنتا رھوں، بیٹھا رھوں تیری خاطر
پر مرے گیت ترے دکھ کا ُمداوا ھی نہیں
نغمہ جرّاح نہیں، مونس و غم خوار سہی
گیت نشتر تو نہیں ، مرھم ِ آزار سہی
تیرے آزار کا چارہ نہیں، نشتر کے سوا
اور یہ سفّاک مسیحا مرے قضے میں نہیں
اس جہاں کے کسی ذی روح کے قبضے میں نہیں
ھاں مگر تیرے سوا ، تیرے سوا ، تیرے سوا

 

[عمر سیف]

یہ دل بہت اداس ہے جب سے خبر ہوئی
ملتے ہیں وہ خلوص سے ہر آدمی کے ساتھ

 

[پاکستانی]

کوئی تو میرے غم کا مدوا کرے گا
دل کو اب ظفر یہ گُماں تو ہے

 

[عمر سیف]

یہ آنا کوئی آنا ہے کہ بس رسما چلے آئے
یہ ملنا خاک ملنا ہے کہ دل سے دل نہیں ملتا

 

[پاکستانی]

وہ دل میں تبسم کی کرن گھولنے والا
روٹھے تو رُوتوں کو بھی سنورنے نہیں دیتا

 

[پاکستانی]

دل بادلوں کے گھر میں تھا پھر بھی رہا لہو لہو
پہلی وفا کا خون تھا میں نے اسے دھویا نہیں

 

[حجاب]

دل تھا ایک شعلہ بیت گئے دن وہ قتیل
اب نہ کرید اُسے،راکھ میں کیا رکھا ہے۔

 

[پاکستانی]

کبھی دن کی دھوپ میں جھوم کے کبھی شب کے پھول کو چوم کے
یونہی ساتھ ساتھ چلیں سدا ختم کبھی اپنا سفر نہ ہو
میرے ساتھ میرے حبیب آ ذرا اور دل کے قریب آ
تجھے ڈھرکنوں میں اتار لوں کہ بچھڑنے کا کوئی ڈر نا ہو

 

[نوید ملک]

ہم بڑی دور سے آئے ہیں تمہاری خاطر
دل کے ارمان بھی لائے ہیں تمہاری خاطر

 

[عمر سیف]

سخن آرائی باقی رہ گئی ہے
یہی سچائی باقی رہ گئی ہے
سجانا چاہتے تھے محفل ِ دل
مگر تنہائی باقی رہ گئی ہے

 

[نوید ملک]

اور کیا دیکھنے کو باقی ہے
آپ سے دل لگا کے دیکھ لیا

 

[عمر سیف]

منظروں سرابوں کی
شدتوں سے گھبرا کے
راہ تو بدل لی ہے
پر یہ دل سودائی
روک روک لیتا ہے
ڈوب ڈوب جاتا ہے

 

[نوید ملک]

ہم اسیر دل و جاں خود سے بھی سہمے ہیں
خلقت شہر تو ہونے کو خدا بھی ہو جائے

 

[عمر سیف]

محرومیوں کے دور میں کن حسرتوں کے ساتھ
ہم پتھروں کے دل میں خدا ڈونڈتے رہے