دل کے موضوع پر اشعار!

[عیشل]

یہ مانا شیشہ ء دل رونق ِ بازار ِ اُلفت ہے
مگر جب ٹوٹ جاتا ہے تو قیمت اور ہوتی ہے

 

[عمر سیف]

تقاضے جِسم کے اپنے ہیں، دل کا مزاج اپنا
وہ مجھ سے دور بھی ہے، اور میرے آس پاس بھی ہے

 

[عیشل]

الفت میں برابر ہے وفا ہو کہ جفا ہو
ہر چیز میں لذّت ہے اگر دل میں خدا ہو

 

[عمر سیف]

دیدہ و دل کی تباہی مجھے منظور مگر
اُن کا اترا ہوا چہرہ نہیں دیکھا جاتا

 

[عیشل]

شعور ِ ذات نے شہزاد کیا کیا رنگ دکھلائے
مگر جو نقش ہے دل پر وہ نادانی میں دیکھا ہے

 

[حجاب]

شہر ِ جاں راکھ سے آباد ہوا
آگ جب دل کی بُجھا دی ہم نے
کوئی تو بات ہو اس میں فیض
اپنی ہر خوشی جس پہ مٹا دی ہم نے۔

 

[عمر سیف]

کسی کے دھیان میں ڈوبا ہوا دل
بہانے سے مجھے بھی ٹالتا ہے

 

[عیشل]

اگر کچھ قیمتی لمحے نکل آئیں کسی صورت
چلو اس دل کی خاطر ہم بھی کوئی کام کر جائیں
کئی شامیں گنوا دی ہیں غمِ حالات میں ہم نے
تمہارے نام اک سندر سہانی شام کر جائیں

 

[عمر سیف]

وقت ِ رخصت آگیا دل پھر بھی گبھرایا نہیں
اُس کو ہم کیا کھوئیں گے جس کو کبھی پایا نہیں

 

[عیشل]

یہ گوارا نہ کیا دل نے کہ مانگوں تو ملے
ورنہ ساقی کو پلانے میں کچھ انکار نہ تھا

 

[عمر سیف]

آنکھ رونے کو ترستی ہے تو دل زخموں کو
کوئی آیا نہیں احسان جتانے کب سے

 

[عیشل]

جب سے تیرے نام زندگی کی،زندگی اچھی لگی
تیرا غم اچھا لگا،تیری خوشی اچھی لگی
تیرا پیکر،تیری خوشبو،تیرا لہجہ،تیری بات
دل کو تیری گفتگو کی سادگی اچھی لگی

 

[نوید ملک]

یہ اچانک جو اجالا سا ہوا جاتا ہے
دل نے چپکے سے تیرا نام پکارا ہو گا

 

[عیشل]

بھری بہار میں اب کے عجب پھول کھلے ہیں
نہ اپنے زخم مہکے،نہ دل کے چاک سلے ہیں

 

[عمر سیف]

اک شخص میرے دل میں ایسے اتر گیا
جیسے وہ جانتا تھا میرے دل کے راستے

 

[عیشل]

یہ کیسا قہر بڑھتا جا رہا ہے
دلوں میں زھر بڑھتا جا رہا ہے
اندھیری رات تو تھی ایک لمحہ
مگر یہ پہر بڑھتا جا رہا ہے

 

[عمر سیف]

فریبِ آرزو کو سہل انگاری نہیں جاتی
ہم اپنے دل کی دھڑکن کو تیری آوازِ پا سمجھے

 

[عیشل]

اک شخص کے کھو جانے کا ڈر کیوں نہیں جاتا
یہ بوجھ میرے دل سے اُتر کیوں نہیں جاتا
منزل پہ پہنچ کر بھی اسے کھونا پڑے گا
یہ طے ہے تو شوقِ سفر کیوں نہیں جاتا

 

[عمر سیف]

تجھ کو کہاں چھپائیں کے دل پر گرفت ہو
آنکھوں کا کیا کریں کے وہی خواب دیکھنا

 

[عیشل]

آنکھوں میں تیری دید کے کشکول تھام کر
دل تیری جستجو میں بہت بے قرار ہے