دل کے موضوع پر اشعار!

[نوید ملک]

ایک ہمیں آوارہ کہنا کوئی بڑا الزام نہیں
دنیا والے دل والوں کو اور بہت کچھ کہتے ہیں

 

[پاکستانی]

جلا ہے جسم جہاں دل بھی جل گیا ہو گا
کریدتے ہو جو اب راکھ جستجو کیا ہے

 

[عمر سیف]

کیا جانئے وہ دل سے اتر کیوں نہیں جاتا
گر شام کا بھولا ہے تو گھر کیوں نہیں جاتا

 

[نوید ملک]

کچھ نہ کہا اور کچھ نہ سنا
دل میں رہ گئی دل کی بات

 

[عمر سیف]

پھر نظر میں پھول مہکے، دل میں شمعیں جلیں
پھر تصور نے لیا اس بزم میں جانے کا نام

 

[نوید ملک]

دل عجب شہر کے جس پر بھی کھلا در اسکا
وہ مسافر اسے ہر سمت سے برباد کرے

 

[عمر سیف]

پتھر کی طرح اگر میں چپ رہوں
تو یہ نہ سمجھ کہ میری ہستی
بیگانہ ء شعلہ ِ وفا ہے
تحقیر سے یوں نہ دیکھ مجھ کو
اے سنگ تراش!تیرا تیشہ
ممکن ہے کہ ضرب ِ اولیں سے
پہچان سکے کہ میرے دل میں
جو آگ تیرے لیئے دبی ہے
وہ آگ ہی میری زندگی ہے

 

[نوید ملک]

ترے دل کو ملنے کی خود آرزو ہو
تجھے اس قدر غم سے رنجور کر دوں

 

[عمر سیف]

محسن دلِ غریب کی ویرانیاں تو دیکھ
کیسا نگر تھا جو تیرے ہاتھوں اجڑ گیا

 

[نوید ملک]

ناکامِ تمنا دل اس سوچ میں رہتا ہے
یوں ہوتا تو کیا ہوتا ، یوں ہوتا تو کیا ہوتا

 

[عمر سیف]

سادگی پر اس کی مر جانے کی حسرت دل میں‌ ہے
بس نہیں چلتا کہ پھر خنجر کفِ قاتل میں ہے

 

[نوید ملک]

چاہت نے تیری مجھ کو کچھ اس طرح سے گھیرا
دن کو ہیں تیرے چرچے راتوں کو خواب تیرا
تم ہو جہاں وہیں پر رہتا ہے دل بھی میرا
بس اِک خیال تیرا کیا شام کیا سویرا

 

[عمر سیف]

میں اس لیے تیرا شہر چھوڑ آیا تھا
وہاں کے لوگ دلوں میں ملال رکھتے ہیں

 

[نوید ملک]

میری عمر سے نہ سمٹ سکے میرے دل میں اتنے سوال تھے
تیرے دل میں‌جتنے جواب تھے تیری اک نگاہ میں آ گئے

 

[عمر سیف]

میکدے میں اذان سن کے رویا بہت
اس شرابی کو دل سے خدا یاد ہے

 

[نوید ملک]

دل کسی یار باوفا کی طرح
باخبر ہے بہت خدا کی طرح

 

[عمر سیف]

یہ گوارا نہ کیا دل نے کہ مانگوں تو ملے
ورنہ ساقی کو پلانے میں کچھ انکار نہ تھا

 

[عیشل]

آنکھ کے ساحل سے سارے خواب چن کر لے گیا
وہ میرے دل کے سمندر میں،جو اِک مہمان تھا

 

[نوید ملک]

روشنی ہے انکا ایماں روک مت انکو قتیل
دل جلاتے ہیں یہ اپنا تیرا کیا لیتے ہیں لوگ

 

[عمر سیف]

آنکھ سے دور نہ ہو دل سے اتر جائے گا
وقت کا کیا ہے گزرتا ہے گزر جائے گا