دل کے موضوع پر اشعار!

[فرذوق احمد]

ایک حادثہ یہ بھی میری زندگی کے ساتھ
میں ہوں کسی کے ساتھ میرا دل کسی کے ساتھ

 

[عمر سیف]

یہاں بھی ہوگئے اغیار انجمن آرا
میں اپنے دل کی بھری محلفوں میں تنہا ہوں

 

[نوید ملک]

حالِ دل کیا کہیں کسی سے کہ اب
بات کیجئے تو لفظ ٹوٹتے ہیں

 

[عمر سیف]

کل رات بھی وعدے کا تیرے دل کو یقیں تھا
کل رات بھی لیکن میری رو رو کے کٹی ہے

 

[حجاب]

دل کی بات زباں تک لانا کتنا مشکل ہے
حالِ دل اوروں کو سنانا کتنا مشکل ہے
ایک ہمیں ہے تیری چاہت اِک دنیا کی مجبوری
بیچ سمندر دیا جلانا کتنا مشکل ہے
تم دنیا کی شیدائی ہو میں سپنوں کا باشندہ
ساتھ ہمیں یوں تیرا نبھانا کتنا مشکل ہے
ایک نئی دنیا کی چاہت لے آئی ہے کتنی دور
واپس لوٹ کے جانا کتنا مشکل ہے۔
-----------------------------------------------------------​

 

[عمر سیف]

اپنا تو یہ کام ہے بھائی، دل کا خُون بہاتے رہنا
جاگ جاگ کر ان راتوں میں شعر کی آگ جلاتے رہنا

 

[حجاب]

دل نے سوچا ہے کسی روز ملیں گے اُس کو
جس کی آنکھوں نے کئی بار مسیحائی کی
جس نے سوچوں میں میری یاد بسائی اکثر
جس کی نظروں نے بصد شوق پذیرائی کی
جس نے خلوت میں میرا عکس بنایا دل پر
جس نے مشکل میں میرا ساتھ ضروری جانا
جس نے سانسوں کا حسین گیت سنایا مجھ کو
جس نے رونق کو میرے بعد ادھوری جانا
دل نے چاہی تھی بہر طور رفاقت جس کی
اُس کی چاہت کو صبح و شام تلاشا میں نے
اپنے ہاتھوں پہ کبھی چند لکیریں ڈالیں
اپنی پلکوں سے کہیں سنگ تراشا میں نے
اُس کی خواہش میں کئی اور جزیروں پر بھی
اپنے قدموں کے نشاں ثبت کیئے ہیں میں نے
اُس کی حسرت میں ملے لوگ نجانے کتنے
اپنے سینے پہ کئی داغ لیئے ہیں میں نے
میں لیتی ہی رہی نام وفا میں اُس کا
میں نے کی بھی تو فقط ایک ہی خواہش اُس کی
ڈر ہے یہ بھی کہ مجھے لوگ کہیں نہ کافر
مجھ کو لے آئی کہاں آج پرستش اُس کی
اُس کو ملنے کا یہی ایک سہارا ڈھونڈا
اپنے سپنوں میں اُسے روز پکارا میں نے
اُس کے پہلو کی مہک جام بنا کر اپنا
اپنی رگ رگ میں وہی شخص اتارا میں نے
دل میں چاہت کے کئی تاج محل ٹوٹ گئے
جب وہ شانوں پہ لیئے لاش وفا کی آیا
اُس نے چاہا نہ کبھی پاس بلانا مجھ کو
مجھ پہ نافذ ہی رہا ایک تغافل اُس کا
پھر بھی سوچا کہ اگر آس دلاسہ ہے تو
اپنی دھڑکن میں ابھی اور سنیں گے اُس کو
اُس کو دیں گے نہ کبھی پشت پناہی اپنی
اپنے نغموں میں مگر یاد کریں گے اُس کو
اب کے دیکھا جو کہیں ہم نے سراپا اُس کا
جو ہیں تشنہ وہ سوالات کریں گے اُس کو
اب وہ منزل ہے اگر عشق سزا بھی ہو تو
اُس کے طالب تو سرِ عام چنیں گے اُس کو
جس کی آنکھوں نے کئی بار مسیحائی کی
دل نے سوچا ہے کسی روز ملیں گے اُس کو۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​

 

[عمر سیف]

میں دل پہ جبر کرونگا، اسے بھلا دونگا
مروں گا خود بھی تجھے بھی کڑی سزا دونگا

 

[تیشہ]

یوں چاہے خزاں کھڑی ہو دل میں
اک آس کی پنکھڑی ہو دل میں

کیا ناخن ِمہرومہ سے کٹتی
جس شب کی گرہ پڑی ہو دل میں

وہ سامنے ہو تو معرکہ اور
جنگ اسُ سے الگ لڑی ہو دل میں

اس نام پہ مسکرائے جانا
اشکوں کی مگر جھڑی ہو دل میں

مصلوب نہیں مگر یہ احساس
اک میخ ابھی گڑی ہو دل میں

 

[عمر سیف]

دل کی بازی ہار کے روئے ہو تو یہ بھی سن رکھو
اور ابھی تم پیار کرو گے اور ابھی پچھتاؤ گے

 

[تیشہ]

تمھارے پیار میں ہم کو اگرچہ خسارہ ہے
مگر اتنا خسارہ تو ہمیں دل سے گوارہ ہے

دھنک کے رنگ کھو بیٹھے ہوئی خوشبو فضا میں گم
کتابِ زندگی کا اس قدر ہی گوشوارہ ہے

یقین آتا نہیں تو پوچھ لو تم آسمانوں سے
ہمارا نام ہی تو چاند ہے روشن ستارہ ہے

تمھیں جانے نہ دوں گی زندگی بھر دل کے ایواں سے

تمھارا عکس میں نے شیشئہ دل میں اتارا ہے

 

[عمر سیف]

جب رات کی تنہائی دل بن کے دھڑکتی ہے
یادوں کے دریچوں میں چلمن سی سرکتی ہے

 

[نوید ملک]

دلوں کی گرد کو ہم لوگ صاف کرتے نہیں
عجب مزاج ہے اپنا طواف کرتے نہیں

 

[عمر سیف]

سمجھ میں نہیں آتا کہ دل کی خُو کیا تھی
سفر تو آٹھ پہر کا تھا جستجو کیا تھی

 

[حجاب]

آپ کو دل کے اُجڑنے کا بھلا کیا احساس
آپ گذرے ہی نہیں ہیں کسی ویرانے سے۔​

 

[عمر سیف]

تقدیسِ دل کی عصیاں نگاری کہاں گئی
شاید غزل کے سارے گناہگار مر گئے

 

[حجاب]

اثر دل پر کرے شکوہ،شکایت ہو تو ایسی ہو
گلے لگ کر کوئی روئے ندامت ہو تو ایسی ہو
مجھے کانٹا چُبھے اور تیری آنکھوں سے لہو ٹپکے
تعلق ہو تو ایسا ہو،محبت ہو تو ایسی ہو۔​

 

[عمر سیف]

خونِ دل خود درا سے تحریر کریں گے
ہم حلقِ بریدہ ہی سے تحریر کریں گے

 

[عمر سیف]

تنہائیوں میں بھی دلِ تنہا نہیں لگتا
اور بھیڑ میں چہرہ بھی شناسا نہیں لگتا
وہ جانتا ہے رسم و رہِ دنیا نبھانا بھی
اک ہم سے ملنا ہی اسے اچھا نہیں لگتا

 

[نوید صادق]

کون آسیب آ بسا دل میں
کر لیا ڈر نے راستہ دل میں

اے مرے کم نصیب دل! کچھ سوچ
ہے کوئی تیرا آشنا دل میں

کم ہے جس درجہ کیجئے وحشت
گونجتا ہے دماغ سا دل میں

عکس بن بن کے مٹتے جاتے ہیں
رکھ دیا کس نے آئنہ دل میں

میں ہوں، ماضی ہے اور مستقبل
کم ہے فی الحال حوصلہ دل میں

آخر آخر نوید صادق بھی
آن بیٹھا، رہا سہا، دل میں

(نوید صادق)