دل کے موضوع پر اشعار!

[خرم]

دلِ ناداں تجھے ہوا کیا ہے
آخر اس درد کی دوا کیا ہے

 

[نوید صادق]

اب جو کھلے ہیں دل میں پھول ان کی بہار ہے نئی
اب جو لگی ہے دل میں آگ اس کا جلال ہے نیا

اطہر نفیس

 

[عمر سیف]

اُجڑ گئی میری کائناتِ دل پھر بھی
میری نگاہ میں آباد اک جہاں سا ہے

 

[نوید صادق]

کسے سلیقہ تزئین خانہ دل ہے
ہجوم اشک ہے اور آستانہ دل ہے

شاعر: نوید صادق

 

[عمر سیف]

دے گیا عمر کی تنہائی مجھے
اِک محفل میں ملا تھا مجھ کو

 

[نوید صادق]

سوچ دیکھو یہی اب، ہے یہ طریقا کیسا
میں کہوں حال دل اپنا، کہو تم “ کیا؟ کیسا؟“

شاعر: نظام رامپوری

 

[عمر سیف]

پھر ہجر کي لمبي رات مياں، سنجوگ کي تو يہي ايک گھڑي
جو دل ميں ہے لب پر آنے دو، شرمانا کيا گھبرانا کيا
(انشاء)

 

[تیشہ]

دل میں اب اور کیا ہے جسے ڈھونڈتی ہے
کافی ہے زندگی کو شکست ِ انا کا دکھ
کیوں ان دنوںِ سوار ہے دو کشتیوں پہ دل
چاہت اک اجنبی کی تو اک آشنا کا دکھُ

 

[عمر سیف]

مجھے سے بچھڑ کے اس نے لکھی خط میں دل کی بات
کیوں اس کو حوصلہ نہ ہوا میرے سامنے

 

[ظفری]

ایک عمر ہوئی میں تو ہنسی بھول چکا ہوں
تم اب بھی میرے دل کو دکھانا نہیں بھولے​

 

[عمر سیف]

وہ داستاں جو تیری دل کشی نے چھڑی تھی
ہزار بار میری سادگی نے دہرائی

 

[نوید صادق]

ترکِ الفت پہ تو راضی نہیں دل اب بھی، مگر
آج کل بحث میں وہ زورِ بیاں کچھ کم ہے

شاعر: ذکاء صدیقی

 

[عمر سیف]

دل گرفتہ ہی سہی بزم سجا لی جائے
یادِ جاناں سے کوئی شام نہ خالی جائے

 

[تیشہ]

شکستہ پائی ارادوں کے پیش و پس میں نہیں
دل اسکی چاہ میں گم ہے جو میرے بس میں نہیں ۔

 

[عمر سیف]

آنکھ کسی کے چہرے پر اور دل میں دھیان کسی کا
ہم بھی کیا ہیں بات کسی سے، وہم و گمان کسی کا

 

[عمر سیف]

آنکھ کسی کے چہرے پر اور دل میں دھیان کسی کا
ہم بھی کیا ہیں بات کسی سے، وہم و گمان کسی کا

 

[سارہ خان]

بس سکتے تھے آنکھوں میں کئی چہرے کئی پیکر
مگر کچھ سوچ کر ہم نے یہ دل ویران رکھا ہے۔۔۔۔

 

[عیشل]

سمے جیسے گذرتا جا رہا ہے
کوئی دل سے اُترتا جا رہا ہے
بنا تھا رتیلی مٹی سے جیون
بکھرتا ہی بکھرتا جا رہا ہے

 

[عمر سیف]

دِل جہاں لے جائے دل کے ساتھ جانا چاہئے
اس سے بڑھ کر اور کوئی رہنما ہوتا نہیں

 

[سارہ خان]

بستی بس کر مٹ جاتی ہے
دِل کے روگ بُرے ہوتے ہیں

سُکھ کے بدلے دُکھ دیتے ہیں
کچھ سنجوگ بُرے ہوتے ہیں