دل کے موضوع پر اشعار!

[نوید صادق]

جب ترا حکم ملا، ترک محبت کر دی
دل مگر اس پہ وہ دھڑکا کہ قیامت کر دی

شاعر: احمد ندیم قاسمی

 

[شمشاد]

یہ دل کہ اُسی زُور فراموش پہ مائل
اور ذہن بضد اس سے محبت نہیں کی جائے
(نوشی گیلانی)

 

[سارہ خان]

ہر ایک شخص سے میں مسکرا کے ملتا ہوں
تمام رنجشیں میں دل سے بھلا کے ملتا ہوں
میرے دکھوں سے نہ کوئی اداس ہو جائے
میں اپنے چہرے پہ خوشیاں سجا کے ملتا ہوں

 

[نوید صادق]

دل میں وہ جا بسا، رگِ جاں کاٹتا ہوا
لو آج ہم نے آنکھ سے دیکھا، سنا ہوا

شاعر: خورشید رضوی

 

[شمشاد]

تیرے قصّے میں ہم بھلا خُود سے
کس لیے بدگُمان ہوجاتے

تیرے دل کی زمین ہی نہ مِلی
ورنہ ہم آسمان ہوجاتے
(نوشی گیلانی)

 

[محمد وارث]

تیز ہے آج دردِ دل ساقی
تلخیء مے کو تیز تر کر دے

(فیض)

 

[شمشاد]

نمی آنکھوں سے جاتی ہی نہیں ہے
ستم اس دِل نے اِتنا سہہ لیا ہے
(نوشی گیلانی)

 

[عمر سیف]

اس دن کے لیے سیف و قلم لے کے چلے تھے
دل ضبط، بیاں ضبط، زباں ضبط، دہن ضبط

 

[نوید صادق]

میں نے روکا بھی نہیں اور وہ ٹھہرا بھی نہیں
حادثہ کیا تھا جسے دل نے بھلایا بھی نہیں

شاعر:اسلم انصاری

 

[شمشاد]

یہ دل دیکھوں کہ جس کے چار جانب
تری یادوں کا پہرہ ہوگیا ہے
(نوشی گیلانی)

 

[نوید صادق]

اب جس کے جی میں آئے وہی پائے روشنی
ہم نے تو دل جلا کے سرِ عام رکھ دیا

شاعر: قتیل شفائی

 

[شمشاد]

دِل کا کیا ہے دِل نے کتنے منظر دیکھے لیکن
آنکھیں پاگل ہوجاتی ہیں ایک خیال سے پہلے
(نوشی گیلانی)

 

[نوید صادق]

حبسِ تنہائی نہ دے حبس میں کیا رکھا ہے
دل سا انگارہ تو پہلے ہی بجھا رکھا ہے

شاعر: سید آلِ احمد

 

[شمشاد]

کوئی بارش تھی بدگُمانی کی
سارے کاغذ ہی دِل کے گَیلے ہُوئے
(نوشی گیلانی

 

[نوید صادق]

خانہ دل بغیرِ جلوہ یار
ہو رہا ہے خراب، اے قاصد!

شاعر: شیخ امام بخش ناسخ

 

[شمشاد]

تجھے کہنا تھا جو احوال دِل کا
در و دیوار سے ہی کہہ لیا ہے
(نوشی گیلانی)

 

[سارہ خان]

دِل کی بساط کیا تھی نگاہِ جمال میں
اِک آئینہ تھا ٹوٹ گیا دیکھ بال میں

 

[نوید صادق]

لیجئے سارہ، سیماب اکبر آبادی کی اسی غزل کا اگلا شعر حاضر ہے

تنگ آ کے توڑتا ہوں بساطِ خیال کو
یا مطمئن کرو کہ تمہی ہو خیال میں
شاعر: سیماب اکبر آبادی

یاد آ گیا سو لکھ ڈالا۔

اب دل پر ایک شعر:
کیوں دلِ زار قدم شوق میں دھرنا کیسا
خاک ہو ہو کے خلاوں میں بکھرنا کیسا

شاعر: خورشید رضوی

 

[عمر سیف]

نشاطِ درد بدلی ہے تو اب دل
ذرا پہلو بدلنا چاہتا ہے

 

[نوید صادق]

کس کا ہے جگر جس پہ یہ بیداد کرو گے
لو دل تمہیں ہم دیتے ہیں، کیا یاد کرو گے

شاعر: مرزا جعفر علی حسرت