دل کے موضوع پر اشعار!

[زینب]

کیوں اتر جاتے ہیں دل میں ایسے لوگ

جن سے قسمت کے ستارے نہیں ملتے

 

[شمشاد]

دل اُٹھا زندگی سے یوں جیسے
آپ کا اعتبار اُٹھتا ہے!
(سرور)

 

[زینب]

وہ جس کی ایک پل کی بےرخی بھی دل پے بار تھی
اسے آپنے ہاتھ سے لکھا ہے مجھے بھول جا

 

[شمشاد]

دل کو تسکین نہیں اشکِ دما دم سے بھی
اس زمانے میں گئی ہے بَرَکتِ غم سے بھی
(میر)

 

[زینب]

ٹوٹ جاتے ہیں سبھی رشتے مگر

دل سے دل کا رشتہ اپنی جگہ

دل کو ہے تجھ سے نہ ملنے کا یقیں

پھر بھی تجھے پا لینے کی دعا اپنی جگہ

 

[شمشاد]

آخرِ کار محبت میں نہ نکلا کچھ کام
سینہ چاک و دلِ پژ مردہ مژہ نم سے بھی
(میر)

 

[زینب]

دل کو بےچین ساکرتی ہیں تمہاری آنکھیں
رات کو دیر تلک تم مجھے سوچا نہ کرو

 

[شمشاد]

واشد کچھ آگے آہ سے ہوتی تھی دل کے تئیں
اقلیمِ عاشقی کی ہوا اب بگڑ گئی
(میر)

 

[زینب]

آشفتگی سے اس کی اسکو برا نہ جان
عادت کی بات اور ہے دل کا برا نہیں

 

[شمشاد]

دل و دیں کیسے کہ اُس رہزنِ دل ہا سے اب
یہ پڑی ہے کہ خدا خیر کرے جانوں کی
(میر)

 

[زینب]

ذندگی درد کا عنواں کہاں تھی پہلے
مبتلا رنج میں یہ جاں کہاں تھی پہلے

دل جو ٹوٹا تو کھلا سب کی محبت کا بھرم

اپنے بیگا نے کی پہچاں کہاں تھی پہلے

 

[شمشاد]

صد حرف زیرِ خاک تہِ دل چلے گئے
مہلت نہ دی اجل نے ہمیں ایک بات کی
(میر)

 

[زینب]

کیسے ممکن ہے دھواں بھی نہ ہو اور دل بھی جلے

چوٹ پڑتی ہے تو پتھر بھی صدا دیتے ہیں

 

[شمشاد]

ہم کو معلوم ہے جنت کی حقیقت لیکن
دل کے بہلانے کو غالب یہ خیال اچھا ہے

 

[فرحت کیانی]

ہم نہ اس صف میں تھے اور نہ اُس صف میں ہیں
راستے میں کھڑے سوچتے ہی رہے
اور یونہی گھڑی بیت جانے کے بعد
لوٹ کر آگے دیکھا تو پھولوں کا رنگ
جو کبھی سرخ تھا، زرد ہی زرد ہے
اپنا پہلو ٹٹولا تو ایسا لگا
دل جہاں تھا وہاں درد ہی درد ہے

 

[شمشاد]

کب تھا یہ شورِ نوحہ ترا عشق جب نہ تھا
دل تھا ہمارا آگے تو ماتم سرا نہ تھی

وہ اور کوئی ہوگی سحر جب ہوئی قبول
شرمندۂ اثر تو ہماری دُعا نہ تھی
(میر)

 

[زینب]

سال کی پہلی کرن کے ساتھ پھر جاگا ہے دل
پھر وہی میری طلب ہے اب کے برس مل جائے تو

 

[شمشاد]

ستم ہے تیری خوئے خشمگیں پر ٹک بھی دل جوئی
دل آزاری کی باتیں کر تُو دل داری کو کیا جانے
(میر)

 

[زینب]

دلِ سادہ تمہیں یہی باور کرانا ہے

جسے تم یاد کرتے ہو اسے اب بھول جانا ہے

 

[شمشاد]

صد کارواں وفا ہے کوئی پوچھتا نہیں
گویا متاعِ دل کے خریدار مر گئے
(میر)