دل کے موضوع پر اشعار!

[زینب]

جانے وہ کیا سوچ رہا تھا اپنے دل میں ساری رات

پیار کی باتیں کرتے کرتےاسکے نین بھر آئے تھے

رخصت کے دن بھیگی آنکھوں اسکا کہنہ

تم کو جانا ہی تھا تواس نگر کیوں آئے تھے

 

[شمشاد]

منظر دل و نگاہ کے جب ہو گئے اداس
یہ بے فضا علاقۂ تن مجھ سے چھین لے
(ناصر کاظمی)

 

[عمر سیف]

دل کے بہلانے کو سب سے کہتا ہوں تنہا خوش ہوں
سچ پوچھو تو تنہا رہنا کس کو اچھا لگتا ہے

 

[شمشاد]

تیرے قدموں سے جاگیں گے اُجڑے دلوں کے ختن
پا شکستہ غزالِ حرم صبر کر صبر کر
(ناصر کاظمی)

 

[عمر سیف]

تشہیرِ دل گرفتگی حُسن ہو گئی
آنسو چھلک کے چشمِ پشیماں میں آ گئے

 

[شمشاد]

چلے دل سے امیدوں کے مسافر
یہ نگری آج خالی ہو رہی ہے
(ناصر کاظمی)

 

[عمر سیف]

ہجر کا دکھ بھی کڑا دکھ ہے مگر اس کے سوا
دل نے جھیلے ہیں جس عنوان سے غم کیوں نہ لکھیں

 

[شمشاد]

آرائشِ خیال بھی ہو دل کشا بھی ہو
وہ درد اب کہاں جسے جی چاہتا بھی ہو
(ناصر کاظمی)

 

[عمر سیف]

کیا لوگ تھے کے جان سے بڑھ کر عزیز تھے
اب دل سے محو نام بھی اکثر کے ہوگئے

 

[شمشاد]

میں وہ دل ہوں دبستانِ الم کا
جسے روئے گی صدیوں شادمانی
(ناصر کاظمی)

 

[عمر سیف]

تری نگاہ تغافل کون سمجھائے
کہ اپنے دل پہ مجھے اختیار بھی تو نہیں

 

[شمشاد]

کیوں پٹکتا ہے سر سنگ سے جی جلا ڈھنگ سے
دل ہی بن جائے گا خود صنم صبر کر صبر کر
(ناصر کاظمی)

 

[عمر سیف]

روشنی کے لیے دل جلانا پڑا
ایسی ظلمت بڑھی تیرے جانے کے بعد

 

[شمشاد]

جز دل کوئی مکان نہیں دہر میں جہاں
رہزن کا خوف بھی نہ رہے درکھلا بھی ہو
(ناصر کاظمی)

 

[عمر سیف]

اور آباد نہ ہو پایا کوئی بھی اس میں
دل تو رہتا ہے تیرے درد سے خالی اب تک

 

[شمشاد]

سینچی ہیں دل کے خون سے میں نے یہ کیاریاں
کس کی مجال میرا چمن مجھ سے چھین لے!
(ناصر کاظمی)

 

[حجاب]

اب ہونے کے قصّے سب ہی ہو چکے
ہم تمہیں کھو چکے، تم ہمیں کھو چکے
اب دل کی نہ باتوں میں آنا سجن ۔۔۔۔
کہ یہ دل ہے سدا کا دیوانہ سجن ۔۔۔۔​

 

[شمشاد]

مسلسل بے کلی دل کو رہی ہے
مگر جینے کی صورت تو رہی ہے
(ناصر کاظمی)

 

[زینب]

دل لینے کے انداز سے واقف بھی نہیں وہ

معصوم ہےاتنا کہ ادا تک نہیں آتی

 

[شمشاد]

پہلے کھل جائے دل کا کنول پھر لکھیں گے غزل
کوئی دم اے صریر قلم صبر کر صبر کر
(ناصر کاظمی)