دل کے موضوع پر اشعار!

[زینب]

اندازِ بیاں گرچہ بہت شوخ نہیں ہے

شاید کہ ترے دل میں اتر جائے مری بات

 

[شمشاد]

مت کر زمینِ دل میں تخمِ اُمید ضائع
بُوٹا جو یاں اُگا ہے سو اُگتے ہی جلا ہے
(میر)

 

[زینب]

آج دنیا نے ستم ڈھائے تو دل ٹوٹ گیا

تیری باتیں ترا ندازِ وفا یاد آیا

 

[شمشاد]

حرم کو جانیے یا دیر میں بسر کریے
تری تلاش میں اک دل کدھر کدھر کریے
(میر)

 

[عمر سیف]

وے دن گئے کہ آتشِ غم دل میں تھی نہاں
سوزش ہی ہے ابھی تو ہر اک استخوان میں

 

[مون]

تیرے خیال سے دامن بچا کہ دیکھا ہے
دل و نظر کو آزما کے دیکھا ہے
نشاطِ جاں کی قسم تو نہیں تو کچھ بھی نہیں
بہت دنوں تجھے ہم نے بُھلا کے دیکھا ہے

 

[عمر سیف]

دل نے سوچا ہے کسی روز ملیں گے اُس کو
جس کی آنکھوں نے کئی بار مسیحائی کی

 

[شمشاد]

کہتے ہیں فرشتے کہ دل آویز ہے مومن
حوروں کو شکایت ہے کم آمیز ہے مومن
(علامہ)

 

[عیشل]

کون اس راہ سے گذرتا ہے
دل یونہی انتظار کرتا ہے
دھیان کی سیڑھیوں پہ پچھلے پہر
کوئی چپکے سے پاؤں دھرتا ہے
دل تو میرا اداس ہے ناصر
شہر کیوں سائیں سائیں کرتا ہے۔

 

[شمشاد]

اک رہا مژگاں کی صف میں ایک کے ٹکڑے ہوئے
دل جگر جو میر دونوں اپنے غم خواروں میں تھے
(میر)

 

[عیشل]

منزل بھی اسکی تھی،راستہ بھی اسکا تھا
ایک میں اکیلاتھا،فاصلہ بھی اسکا تھا
ساتھ ساتھ چلنے کی سوچ بھی اسکی تھی
پھر راستہ بدلنے کا فیصلہ بھی اسکا تھا
آج کیوں اکیلا ہوں،دل سوال کرتا ہے
لوگ تو اسکے تھے،کیا خدا بھی اسکا تھا

 

[شمشاد]

پھر میرے تجلی کدۂ دل میں سما جاؤ
چھوڑو چمنستان و بیابان و در و بام
(علامہ)

 

[تیشہ]

خیال کیسے بھی ہوں متعبر نہیں کھلتے
دیار جبر میں دل کے ہنر نہیں کھلتے

کھلا نہیں ہے طلسم مسافت ہستی
اک عمر ساتھ چلیں ہمسفر نہیں کھلتے

نہ آنکھ میں کوئی منظر نہ لب پہ کوئی صدا
اتار دل پہ کوئی اسم در نہیں کھلتے

نہال دل پہ خزاں رکُ گئی ہے کس سے کہوں
میرے رفیق میرے چارہ گر نہیں کھلتے ۔ ۔ ۔ ،

 

[شمشاد]

نیتِ شوق بھر نہ جائے کہیں
تو بھی دل سے اتر نہ جائے کہیں
(ناصر کاظمی)

 

[زینب]

گزرے ہوے طویل زمانے کے بعد بھی
دل میں رہا وہ چھوڑ کر جانے کے بعد بھی

پہلو میں رہ کے دل نے دیا ہے بہت فریب
رکھا ہے اس کو یاد بھولانے کے بعد بھی

 

[محمد وارث]

میں ہوں اور افسردگی کی آرزو غالب کہ دل
دیکھ کر طرزِ تپاکِ اہلِ دنیا جل گیا

 

[شمشاد]

اب دل کو آہ کرنی ہی صبح و مسا لگی
پژ مردہ اس کلی کے تئیں بھی ہوا لگی
(میر)

 

[عمر سیف]

اتر گیا ترے دل میں تو شعر کہلایا
میں اپنی گونج تھا اور گنبدوں میں رہتا تھا

 

[شمشاد]

میرے دل میں اگر نہ گھر کرتا
تو کہاں زندگی بسر کرتا
(احمد فواد)

 

[عمر سیف]

دل نہیں تجھ کو دکھاتا ورنہ داغوں کی بہار
اس چراغاں کا کروں کیا کارفرما جل گیا