دل کے موضوع پر اشعار!

[شمشاد]

ہر ایک سمت وہ جلوہ فروش بیٹھا ہے
بچائے رکھے گا کب تک دل و نظر کوئی
(احمد فواد)

 

[عمر سیف]

دل بادلوں کے گھر میں تھا پھر بھی رہا لہو لہو
پہلی وفا کا خون تھا میں نے اسے دھویا نہیں

 

[شمشاد]

اگر رکھی ہے دل میں آگ اتنی
کہیں سے چند آنسو بھی دِلا دے
(احمد فواد)

 

[نوید صادق]

بجھتی آنکھوں میں اک امید ابھی کہتی ہے
ڈوبتے دل سے کہ دو چار گھڑی اور دھڑک

شاعر: خورشید رضوی

 

[شمشاد]

دل منافق تھا شب ہجر میں سویا کیسا
اور جب تجھ سے ملا ٹوٹ کے رویا کیسا
(احمد فراز)

 

[عمر سیف]

دیدہ و دل کی تباہی مجھے منظور مگر
اُن کا اترا ہوا چہرہ نہیں دیکھا جاتا

 

[شمشاد]

کئی دلوں کی امیدوں کا جو سہارا ہو
فضائے دہر کی آلودگی سے بالا ہو
(فیض)

 

[عمر سیف]

ہم نے چاہا کہ بھول جائیں تجھے
دل کو اتنا بھی حوصلہ نہ ہوا

 

[شمشاد]

روح تک گھائل ہے جس کے سبب
دل کیسے اس کے لیے فریاد کرتا
(یاسمین منیر)

 

[زینب]

مجھ سے بچھڑ کر لکھی اس نے دل کی بات
کیوں نہ ہوا اسے حوصلہ میرے سامنے
کل تک وہ آئینے سے بھی نازک تھا
محسن وہ شحص ٹوٹ گیا میرے سامنے

 

[شمشاد]

علاج زخم دل ہم نے ڈھونڈ لیا ہے لیکن
گہرے زخموں کو بھرنے میں وقت تو لگتا ہے

 

[عمر سیف]

اک لمحے کی توجہ نہیں حاصل اسکی
اور یہ دل کہ اسے حد سے سوا چاہتا ہے

 

[شمشاد]

کچھ دور ہمارے ساتھ چلو ہم دل کی کہانی کہہ دیں گے
سمجھے جسے نا تم آنکھوں سے وہ بات زبانی کہہ دیں گے

 

[نوید صادق]

دل والے ہیں واقف مری بربادیء دل سے
ہر چند کہ یہ واقعہ مشہور نہیں ہے

شاعر: وحشت کلکتوی

 

[شمشاد]

اک عشق کا غم آفت اور اُس پے یہ دل آفت
یا غم نہ دیا ہوتا یا دل نہ دیا ہوتا
(چراغ حسن حسرت)

 

[نوید صادق]

ایک تتلی ہے کہ بے چین اڑی پھرتی ہے
تیرے آنگن سے مرے دل کے پری خانے تک

شاعر: مقبول عامر

 

[شمشاد]

پھر کوئی آیا دلِ زار! نہیں کوئی نہیں
راہرو ہوگا، کہیں اور چلا جائے گا
(فیض)

 

[نوید صادق]

نالوں سے مرے رات کے غافل نہ رہا کر
اک روز یہی دل میں ترے کام کریں گے


شاعر: میر تقی میر

 

[شمشاد]

دل پر ہوتے جبر ابھی دیکھے ہی نہیں ہیں
تم نے اہلِ صبر ابھی دیکھے ہی نہیں ہیں
(نوشی گیلانی)

 

[نوید صادق]

جو آئے ترے دھیان میں دل باختہ کہہ دے
بے ساختہ کہہ دے۔۔۔ کہ حکایت نہ چلے گی


شاعر: بانی