دل کے موضوع پر اشعار!

[محمد وارث]

تمام حسنِ عمل ہوں، تمام حسنِ بیاں
کہ میرا دل بھی تمھی ہو، مری زباں بھی تمھی

(احمد ندیم قاسمی)

 

[شمشاد]

اشکوں کی زبانی کچھ تم نے بھی سنا ہوگا
جو دل پہ گزرتی ہے تم کو تو پتہ ہوگا؟
(سرور)

 

[عمر سیف]

کسک سی ہے دل میں معلوم تو ہو
مجھ سے بچھڑ کے وہ کس حال میں ہوگا

 

[شمشاد]

ہر موبدن پہ شہپر پرواز ہے مجھے
بے تابئیِ دلِ تپش انگیز یک طرف
(چچا)

 

[عیشل]

تجھ سے بچھڑ کے ہم بھی مقّدر کے ہو گئے
پھر جو بھی در ملا اسی در کے ہو گئے
کیا لوگ تھے کہ جان سے بڑھ کے عزیز تھے
اب دل سے محو نام بھی اکثر کے ہو گئے

 

[شمشاد]

کرتا ہوں راز ہائے دل ریزہ ریزہ فاش
سرور برائے بیت میری شاعری نہیں
(سرور)

 

[عیشل]

ہم نہیں پھر بھی تو آباد ہے محفل ان کی
ہم سمجھتے تھے کہ رونق ہے تو دم سے اپنے
دل نہ مانا کہ کسی اور کے رستے پہ چلیں
لاکھ گمراہ ہوئے نقش ِ قدم سے اپنے

 

[شمشاد]

مٹ ہی جائے گا کسی دن یہ دلِ درد آشنا
اِس فسانہ کا یہی انجام ہونا چاہئے
(سرور)

 

[عیشل]

موسم کو بدلنا ہے تو بدل جائے گا آخر
سورج ہے کوئی شخص تو ڈھل جائے گا آخر
آنکھیں ہیں تو بے آب ہوجائیں گی کسی روز
دل ہے تو کسی روز سنبھل جائے گا آخر​

 

[شمشاد]

لرز رہا ہے گہرتاب دل سرِ مژگاں
ستارۂ سحری جھلملائے کیا کہئے
(سرور)

 

[عمر سیف]

فیض دلوں کے بھاگ میں ہے،گھر بھرنا بھی لُٹ جانا بھی
تم اس حسن کے لطف و کرم پر کتنے دن اتراؤ گے

 

[شمشاد]

دردِ دل ایسا بڑھا خود اپنا درماں ہو گیا
زندگی کا پھر مری پیدا اک امکاں ہو گیا
(ناہید ورک)

 

[عمر سیف]

چھوڑا اُسے تو ہم نے بہت دیکھ بھال کے
پہلی سی اب مزاج میں عجلت نہیں رہی
راہ ِ سخنوری بھی بجا ہے مگر اے دل
اب تجھ کو دھڑکنوں کی بھی مہلت نہیں رہی

 

[شمشاد]

الہی کون سی منزل میں آتا ہے سکوں دل کو
یقیں سے کچھ نہیں ہوتاگماں سے کچھ نہیں ہوتا
(سرور)

 

[عیشل]

یہ عمر میں نے تیرے نام بے طلب لکھ دی
بھلے سے دامن ِ دل میں کہیں جگہ بھی نہ دے

 

[yousuf_md2001]

hum ne jafa na sikhi, un ko wafa na aaiy
pathar se dil lagaya, aur dil pe chot khai

 

[yousuf_md2001]

hum ne jafa na sikhi, un ko wafa na aai
pathar se dil lagaya aur dil pe chot khai

 

[فرخ منظور]

درد جب دل میں ہو، تو دوا کیجئے
دل ہی جب درد ہو، تو کیا کیجئے؟

 

[عمر سیف]

جلا ہے جسم جہاں دل بھی جل گیا ہو گا
کریدتے ہو جو اب راکھ جستجو کیا ہے

 

[شمشاد]

بھلا میں آنسوؤں کو کب تلک روکوں پسِ مژگاں
دلِ مجبور تیری بے کسی اچھی نہیں لگتی
(ناہید ورک)