دل کے موضوع پر اشعار!

[فرخ منظور]

دل کی دھڑکن میں توازن آ چلا ہے، خیر ہو!
میری نظریں بھج گئ یا تیری رعنائی گئ؟

(ساحر لدھیانوی)

 

[شمشاد]

آج تو میرا دل کہتا ہے
تو اس وقت اکیلا ہوگا
(ناصر کاظمی)

 

[عیشل]

دل کو تیری چاہت پہ بھروسہ بھی بہت ہے
اور تجھ سے بچھڑنے کا ڈر بھی نہیں جاتا​

 

[شمشاد]

جانِ افسانہ یہی کچھ بھی ہو افسانے کا نام
زندگی ہے دل کی دھڑکن تیز ہو جانے کا نام
(آنند نرائن ملا)

 

[ہما]

کسی کو دے کے دل کوئی نوا سنجِ فُغان کیوں‌ہو
نہ ہو جب دل ہی سینے میں‌تو پھر مُنہ میں زُبان کیوں ہو

 

[شمشاد]

پھر کچھ اک دل کو بیقراری ہے
سینہ جویائے زخمِ کاری ہے
(چچا)

 

[ہما]

بے حمیّت زندگانی بے صدا اپنا لہو
کرب کے لمحوں‌کے ہاتھوں زخم سہتا میرا دل

 

[فرخ منظور]

جس کو ملنا نہیں پھر اس سے محبّت کیسی
سوچتا جاؤں مگر دل میں بسائے جاؤں
(عبیداللہ علیم)

 

[شمشاد]

اٹھا کرتی ہے دل میں ہوک اکثر
خدا معلوم کیاہے کیا نہیں ہے!
(سرور)

 

[ہما]

حُسنِ بے باک سے ہو جاتی ہیں آنکھیں روشن
دل میں اُترا ہے مگر روپ حجابوں والا

 

[شمشاد]

عجیب چیز ہے دل کا معاملہ سرور
جو قرض دوست ادا ہو گیا ادا نہ ہوا
(سرور)

 

[نوید صادق]

کیوں آج سماتا نہیں سینہ میں خوشی سے
پہنچا ہے مگر دل، تجھے پیغام کسی کا

شاعر: احسن اللہ بیاں

 

[شمشاد]

ہر زخم پہ امید نئی دل میں ہو پیدا
آئینِ وفا ہے تو یہی شیشہ گری ہے
(سرور)

 

[نوید صادق]

رام اب شہر میں رہنے کا ارادہ ہی نہیں
دل لگانے کے تو ہم سارے ہنر جانتے ہیں

شاعر: رام ریاض

 

[شمشاد]

گناہِ آرزو ایس۔۔ا گنہ ت۔۔و ہ۔۔و نہیں س۔۔۔۔۔۔۔۔۔کتا
پھر آخر کیا ہوا، کیوں بزم سے ہم دل فگار اٹھے
(سرور)

 

[عمر سیف]

اب جس کے جی میں آئے وہی پائے روشنی
ہم نے تو دل جلا کے سرِ عام رکھ دیا

 

[شمشاد]

کس دل سے سنوگے دلِ برباد کا قصہ
سمجھو نہ اسے وادئ شیراز کی باتیں
(سرور)

 

[عیشل]

ہم نے چپکے سے تعلق توڑا ورنہ
وہ رہے دل میں ارادہ کرتے
ہم نے مانگا بھی تو اس کو مانگا
اپنا دامن تو کشادہ کرتے​

 

[شمشاد]

کیا بات ہے محفل میں سرور کیوں شور ہے اس درجہ برپا
ہر دل میں ہے کیوں بس اک قصہ، ہر لب پہ ہے کیوں بس اک چرچا
(سرور)

 

[سارہ خان]

تنگیٴدل کا گلہ کیا، یہ وہ کافر دل ہے
کہ اگر تنگ نہ ہوتا تو پریشاں ہوتا
(غالب)