دل کے موضوع پر اشعار!

[شمشاد]

اہل ِ دل ہوں گے تو سمجھیں گے سخن کو میرے
ب۔۔زم میں آ ہی گیا ہ۔۔۔وں تو س۔ن۔۔۔ائ۔۔ے ج۔۔۔۔۔۔اؤں
(عبید اللہ علیم)

 

[عمر سیف]

بڑھا کے پیاس میری اُس نے ہاتھ چھوڑ دیا
وہ کر رہا تھا مروت بھی دل لگی کی طرح

 

[شمشاد]

پھر یوں ہوا کہ دل میں کسی کو بسا لیا
پھر یوں ہوا کہ خواب سجائے تمام عُمر

 

[عمر سیف]

دل ان کو ڈھونڈتا ہے ہم دل کو ڈھونڈتے ہیں
بچھڑے ہوئے مسافر منزل کو ڈھونڈتے ہیں

 

[شمشاد]

پلٹ کر پھر کبھی اُس نے پُکارا ہی نہیں ہے
وہ جس کی یاد سے دل کو کنارا ہی نہیں ہے
(نوشی گیلانی)

 

[عمر سیف]

دل پہ دستک دینے کون آ نکلا ہے
کس کی آہٹ سُنتا ہوں ویرانے میں

 

[شمشاد]

ابھی سینہ زور نہیں ہوا‘ مرے دل کے غم کا معاملہ
کوئی گہرا درد نہیں ملا ابھی ایسے چرکے لگے نہیں
(ساجد اعتبار)

 

[عمر سیف]

اور کچھ دیر نہ گزرے شبِ فرقت سے کہو
دل بھی کم دُکھتا ہے، وہ یاد بھی کم آتے ہیں

 

[شمشاد]

اسے کیا چاند سے بھی کوئی دلچسپی نہیں ساجد
وہ اپنی کھڑکیوں کو بند کیوں دن رات رکھتا ہے
(اعتبار ساجد)

 

[عمر سیف]

اس تن کی طرف دیکھو جو قتل گاہ دل ہے
کیا رکھا ہے مقتل میں اے چشمِ تماشائی

 

[شمشاد]

اس سیل نور کی نسبتوں سے مرے دریچہ دل میں آ
مرے طاق چو ں میں ہے درشنی ابھی یہ چراغ بجھے نہیں
(اعتبار ساجد)

 

[نوید صادق]

جو بات بیٹھ گئی رام دل میں بیٹھ گئی
نہیں گئی، اسے رخصت ہزار ہم نے کیا

شاعر: رام ریاض

 

[شمشاد]

یہ جو شاہکار ہیں محبت کے
اپنے دل کا نصاب کر بیٹھا
رنگ پھولوں کا اڑ گیا شاید
میں جو ذکر شباب کر بیٹھا

 

[تیشہ]

لب سے بیاں بھی نہ ہو
آنکھ سے رواں بھی نہ ہو
یوں رکھنا ہے وفا کا بھرم
درد کبھی عیاں بھی نہ ہو
جلتا رہے صدا جو آنکھ میں
اُس خواب کا دھواںُ بھی نہ ہو
خاک کردے جو پل میں جاں
ایسا شعلہ بیاں بھی نہ ہو
ایک ہرجائی کی تمنا کرے
دل ایسا سمن نادان بھی نہ ہو ۔

 

[عمر سیف]

شعور ِ ذات نے شہزاد کیا کیا رنگ دکھلائے
مگر جو نقش ہے دل پر وہ نادانی میں دیکھا ہے

 

[شمشاد]

دل عشق میں بے پایاں ،سودا ہو تو ایسا ہو
دریا ہو تو ایسا ہو ،صحرا ہو تو ایسا ہو

 

[عمر سیف]

وہ دل میں تبسم کی کرن گھولنے والا
روٹھے تو رُوتوں کو بھی سنورنے نہیں دیتا

 

[شمشاد]

دل سے ستم کی بے سروکاری ہوا کو ہے
وہ گرد اڑ رہی ہے کہ خود کو گنواؤں میں
(جون ایلیا)

 

[نوید صادق]

واہمے نت نئی اشکال بنا لیتے ہیں
ورقِ دل کو بھی سادہ نہیں رہنے دیتے

شاعر: سید آلِ احمد

 

[شمشاد]

دل نہ مانا کہ کسی اور کے رستے پہ چلیں
لاکھ گمراہ ہوئے نقش ِ قدم سے اپنے