دل کے موضوع پر اشعار!

[فیصل عظیم فیصل]

اس زمانے یونی کوڈ سے واقفیت نہیں تھی نا یارا۔۔۔۔
اور پھر سے لکھوں گا تو خوامخواہ ہی کچھ تبدیلی کرنے کو دل چاہے گا لہذا اسی پر گزارا کرو

 

[شمشاد]

جلتے گھروندے دیکھ کے دل کچھ ایسا ٹوٹا اس کے بعد
برسوں شہر کی شکل نہ دیکھی بنجاروں کے ساتھ رہے
(رام ریاض)

 

[فیصل عظیم فیصل]

لگتا ہے دل جلے ہو مگر شاد رہو تم
دیتا ہوں دعا تم کو کہ آباد رہو تم

فیصل

 

[شمشاد]

تیری راہیں تکتے آنکھیں سُوج گئیں
تیری چاپ ترستے دل پامال ہوا
(رام ریاض)

 

[فرقان احمد]

وہ اگر برا نہ مانیں‌تو جہانِ رنگ و بو میں
میں سکونِ دل کی خاطر کوئی ڈھونڈ لوں سہارا

(شکیل بدایوانی)

 

[فہد اشرف]

گاہے گاہے اب بھی چلے جاتے ہیں ہم اس کوچے میں
ذہن بزرگی اوڑھ چکا دل کی نادانی باقی ہے
کمار پاشی

 

[فیصل عظیم فیصل]

خوب کیا- آتے ہو یہاں ہم کونے کھدرے بیٹھے ہیں
سوچوں کی بزرگی خوب کہی دل کی نادانی بتلا

 

[طاہر شیخ]

بیتابیاں سمیٹ کے سارے جہان کی
جب کچھ نہ بن سکا تو مرا دل بنا دیا

نجمی نگینوی

 

[طاہر شیخ]

اے دل یہی آنسو تو ہیں سوغاتِ محبت
نادان، علاجِ غمِ پنہاں نہیں کرتے
سرور عالم راز سرور

 

[جاسمن]

پاؤں آہستہ رکھ کہ رسے میں
درد مندوں نے دل بکھیرے ہیں
عدم

 

[جاسمن]

داستاں گو تُو فسانے کا تسلسل مت توڑ
سازِ دل ٹوٹ بھی جائے تو کوئی بات نہیں
عدم

 

[زیرک]

جو دل کے سخت ہیں ایک بار کربلا جائیں
شفا نہ ہو تو یہ کہنا فقیر جھوٹا تھا
علی زریون

 

[زیرک]

یہ دل کے زخم چھپا کر جو مسکراتے ہیں
تو میرے دوست یہ آسان تھوڑی ہوتا ہے

 

[زیرک]

اک دھندلا سا تصور ہے، کہ دل بھی تھا یہاں
اب تو سینے میں فقط اک ٹِیس سی پاتا ہوں میں
آغا حشر کاشمیری

 

[زیرک]

بس کوئی چیز ہے کہ سلگتی ہے دل کے پاس
یہ آگ وہ نہیں جسے صحبت ہوا سے ہے
پروین شاکر

 

[فہد اشرف]

دل کی چوٹوں نے کبھی چین سے رہنے نہ دیا
جب چلی سرد ہوا میں نے تجھے یاد کیا
جوش ملیح آبادی

 

[محبوب الحق]

ہائے جی بھر کے نہ دیکھا دل میں حسرت رہ گئی
ہم تڑپتے رہ گئے ، پہلو سے قاتل اُٹھ گیا

 

[محبوب الحق]

فکر ہی ٹھہری تو دل کو فکرِخوباں کیوں نہ ہو
خاک ہونا ہے تو خاکِ کوئے جاناں کیوں نہ ہو

جوش ملیح آبادی

 

[محبوب الحق]

دھڑکنو_____تخلیہ___!!
دل میں دلدار آئے بیٹھے ہیں

 

[زیرک]

بڑی امید تھی کارِ جہاں میں دل سے مگر
اسے تو تیری طلب میں خراب ہونا تھا
پروین شاکر