دل کے موضوع پر اشعار!

[زیرک]

دل کی دھرتی پہ اتر آنا کوئی سہل نہیں
ان علاقوں کے تو نقشے بھی نہیں ہوتے یار
احمر فاروقی

 

[زیرک]

زخم جھیلے داغ بھی کھائے بہت
دل لگا کر ہم تو پچھتائے بہت

 

[زیرک]

کوفے کے بعد ایسی ہوا دل میں چل پڑی
ہم نے کسی بھی خط پہ بھروسہ نہیں کیا​

 

[زیرک]

حضرتِ زاہد! ہماری چھیڑ کی عادت نہیں
گدگدی ہوتی ہے دل میں پارسا کو دیکھ کر
داغ دہلوی​

 

[زیرک]

سلگے گا دلِ زار، جلن اور بڑھے گی
محسوس یہ ہوتا ہے گھٹن اور بڑھے گی
اقبال ساجد​

 

[جان]

دل لگاؤ تو لگاؤ دل سے دل
دل لگی ہی دل لگی اچھی نہیں
حفیظ جالندھری​

 

[جان]

دل کی باتوں کو دل سمجھتا ہے
دل کی بولی عجیب بولی ہے
ابن مفتی​

 

[جان]

آس ڈوبی تو دل ہوا روشن
بجھ گیا دل تو دل کے داغ جلے
اختر ضیائی​

 

[زیرک]

خواہشوں کی نمو سے ڈرتے ہیں اور دلِ فتنہ خو سے ڈرتے ہیں
وہ ہمارے سکوت سے خائف اور ہم گفتگو سے ڈرتے ہیں​

 

[جان]

لاکھوں میں انتخاب کے قابل بنا دیا
جس دل کو تم نے دیکھ لیا دل بنا دیا
جگر مراد آبادی​

 

[زیرک]

دل یہ کہتا ہے کے شاید ہو فسردہ تو بھی
دل کی بات کریں دل تو ہے ناداں جاناں
احمد فراز​

 

[جان]

جو نگاہ ناز کا بسمل نہیں
دل نہیں وہ دل نہیں وہ دل نہیں
مبارک عظیم آبادی​

 

[جان]

ہر دھڑکتے پتھر کو لوگ دل سمجھتے ہیں
عمریں بیت جاتی ہیں دل کو دل بنانے میں
بشیر بدر​

 

[جان]

کوئی دل لگی دل لگانا نہیں ہے
قیامت ہے یہ دل کا آنا نہیں ہے
دتا تریہ کیفی​

 

[زیرک]

تم اسے شاعری سمجھتے ہو
میرے دل کی بھڑاس ہے لوگو

 

[جان]

تمہارا دل مرے دل کے برابر ہو نہیں سکتا
وہ شیشہ ہو نہیں سکتا یہ پتھر ہو نہیں سکتا
داغ دہلوی​

 

[زیرک]

ایک لمحے کی توجہ نہیں حاصل اس کی
اور یہ دل کہ اسے حد سے سوا چاہتا ہے

 

[جان]

کون دل کی زباں سمجھتا ہے
دل مگر یہ کہاں سمجھتا ہے
رسا چغتائی​

 

[زیرک]

اندھیرے میں گیا وہ روشنی میں لوٹ آئے گا
دیا جو دل میں جلتا ہے اسی کو بام پر لے جا​

 

[زیرک]

ہم نے رکھا ہے دل کے مکاں میں برسوں
جو کبھی ہم سے شناسا سرِ بازار ہوا​