دیئے گئے لفظ پر شاعری - دوسرا دور

[مہ جبین]

پھونک ڈالے گی غمِ دوری کی دھوپ
گنبدِ خضرا کا سایہ چاہئے۔۔۔۔۔۔!
حزیں صدیقی

دوری

 

[شمشاد]

دوری میں کیا بھید چھپا ہے
اس کا کھوج لگا کے دیکھو

کسی اکیلی شام کی چپ میں
گیت پرانے گا کے دیکھو
(منیر نیازی)


بھید

 

[عمر سیف]

ہمارا بھید اتنا ہے کہ شب بھر شمع کی لو پر
جو محوِرقص ہوتے ہیں، تمھارا عکس ہوتے ہیں ۔۔
اگلا حرف ”عکس”

 

[شمشاد]

وہ عکسِ موج گل تھا، چمن چمن میں رہا
وہ رنگ رنگ میں اُترا، کرن کرن میں رہا
(پروین شاکر)

کرن

 

[عمر سیف]

میں نے اس طور سے چاہا تجھے اکثر جاناں
جیسے مہتاب کو بےانت سمندر چاہے
جیسے سورج کی کرن سیپ کے دل میں اترے
جیسے خوشبو کو ہوا رنگ سے ہٹ کر چاہے
اگلا حرف ” رنگ”

 

[شمشاد]

میں رنگ و نغمہ و رقصِ حیات ہوں یعنی
ضمیرِ دہر ہوں، شاہوں کے ہاتھ کیا آؤں
(احمد ندیم قاسمی)


حیات

 

[عمر سیف]

تیری حیات کا لمحہ شاد میں گزرے
بہار سجدہ کرے تو جہاں جہاں گزرے
اگلا حرف ” سجدہ”

 

[شمشاد]

قیس اور فرہاد نے تعظیم کا سجدہ کیا
بزمِ وحشت میں جو آیا تیرے دیوانے کا نام
(ریاض خیر آبادی)

دیوانہ

 

[عمر سیف]

یہ عشق دیوانہ ہوتا ہے
تم روگ لگائے پھرتے ہو
یہ لوگ تو سب بیگانے ہیں
تم ساتھ نبھائے پھرتے ہو
اگلا حرف ” لوگ”

 

[شمشاد]

ہم ہی سادہ تھے کیا اس پہ بھروسا کیا کیا
ہم ہی ناداں تھے کہ لوگوں کی نہ مانی لوگو
(احمد فراز)

بھروسا

 

[سارہ خان]

مجھےہے بھروسا اپنی ملّت کے مقدّر پر مجھے
یاس کے عنصُر سے ہے آزاد میرا روزگار

علامہ اقبال

مقدر

 

[عمر سیف]

منزلیں سب کا مقدر ہوں یہ ضروری تو نہیں
کھو بھی جاتے ہیں نئی راہوں پہ چلنے والے ۔۔
اگلا حرف ” راہ، راہوں”

 

[شمشاد]

سارہ باجی پہلے مصرعے میں آگے پیچھے "مجھے" لگا دیا، مجھے اس میں کچھ غلطی لگ رہی ہے۔
----------------------------------------------------------------------------

مقدر میں نہیں ہے کامرانِ آرزو ہونا
سزاوارِ اجابت ہو نہیں سکتی دُعا میری
(فیض)


دعا

 

[شمشاد]

منزلیں سب کا مقدر ہوں یہ ضروری تو نہیں
کھو بھی جاتے ہیں نئی راہوں پہ چلنے والے ۔۔
اگلا حرف ” راہ، راہوں”

کھو گیا تیری چاہ میں، مٹ گیا تیری راہ میں
پھر بھی ہوئی نہ قدر کچھ دل کی تری نگاہ میں
(شباب بدایونی)

 

[سارہ خان]

ہاں غلطی ہوگئی ۔۔بعد والا مجھے نہیں آئے گا ۔۔۔۔

 

[عمر سیف]

اُس کے ہونٹوں کا تبسم رہے قائم یا رب
اُس کے جیون میں خوشیوں کا بسیرا کردے
یہ میرے دل کی دُعا ہے میرے مولا سُن لے
ساری دُنیا سے چھپا کر اُسے میرا کردے

اگلا حرف ”جیون”

 

[شمشاد]

یاد کا موسم جب سے بادل چال ہوا
اجڑ گئے سپنے، جیون جنجال ہوا
(رام ریاض)


سپنے

 

[راجہ صاحب]

ان آنکھوں کو سپنے دکھائے تو ہوتے
کبھی تم نے دیپک جلائے تو ہوتے
فرزانہ نیناں


دیپک

 

[چھوٹاغالبؔ]

دیپک راگ ہے چاہت اپنی، کاہے سنائیں تمہیں
ہم تو سلگتے ہی رہتے ہیں، کیوں سلگائیں تمہیں
(نا معلوم)

راگ

 

[راجہ صاحب]

دیپک راگ ہے چاہت اپنی، کاہے سنائیں تمہیں
ہم تو سلگتے ہی رہتے ہیں کیوں سلگائیں تمہیں
ظہور نظر

سلگائیں