دیئے گئے لفظ پر شاعری - دوسرا دور

[شمشاد]

وہ جو ویران پھرا کرتا ہے
اس کے سر میں کوئی صحرا ہوگا
(وکیل اختر)

صحرا

 

[عطاء اللہ جیلانی]

سرِ صحرا مسافر کو ستارہ یاد رہتا ہے
میں چلتا ہوں مجھے چہرہ تمہارا یاد رہتا ہے

چہرہ

 

[فہد اشرف]

یہ پری چہرہ لوگ کیسے ہیں
غمزہ و عشوہ و ادا کیا ہے؟
(غالب)

ادا

 

[شمشاد]

شکر ہے یہ لڑی بھی آگے بڑھی ہے۔

تری ادا کی قسم ہے تری ادا کے سوا
پسند اور کسی کی ہمیں ادا نہ ہوئی
(مبارک عظیم آبادی)

قسم

 

[مومن فرحین]

یہ بھی انداز وفا ہے کہ جفا کو تیری
غمزہ و عشوہ و انداز و ادا کہتے ہیں

 

[مومن فرحین]

قسم لے لو جو محفل میں تمہیں دانستہ دیکھا ہو
نظر آخر نظر ہے بے ارادہ اٹھ گئی ہو گی

دانستہ

 

[شمشاد]

اگر صاحب کلام کا نام بھی لکھا جائے، تو مزہ دوبالا ہو جاتا ہے۔ سیماب اکبر آبادی کا شعر ہے۔
--------------------------------------------

دانستہ ہم نے اپنے سبھی غم چھپا لیے
پوچھا کسی نے حال تو بس مسکرا دئیے
(آفاق صدیقی)

غم

 

[مومن فرحین]

مجھے بس اشعار یاد ہوتے ہیں ۔ شاعر کا نام یاد نہیں اتنا ۔ پھر بھی اب کوشش کروں گی ۔

یہ غم ہے اور ملا ہے کسی کے در سے ہمیں
سو اس شجر کی بہت دیکھ بھال کرنا ہے ۔

پروین شاکر

شجر

 

[شمشاد]

لگایا محبت کا جب یاں شجر
شجر لگ گیا اور ثمر جل گیا
(میر حسن)

محبت

 

[خالد محمود چوہدری]

آدمی جان کے کھاتا ہے محبت میں فریب
خود فریبی ہی محبت کا صلہ ہو جیسے
اقبال عظیم

 

[شمشاد]

چوہدری صاحب آپ لفظ دینا بھول گئے۔ میں نے خود ہی آپ کے دیئے ہوئے شعر میں سے لفظ "فریب" منتخب کیا ہے۔
----------------------------------------------------

کھلا فریب محبت دکھائی دیتا ہے
عجب کمال ہے اس بے وفا کے لہجے میں
(افتخار عارف)

کمال

 

[خالد محمود چوہدری]

دُکھ دے کر سوال کرتے ہو
تم بھی غالب کمال کرتے ہو
دیکھ کر پُوچھ لیا حال میرا
چلو کچھ تو خیال کرتے ہو
شہرِ دِل میں یہ اُداسیاں کیسی
یہ بھی مجھ سے سوال کرتے ہو
مرنا چاہیں بھی تو مر نہیں سکتے
تم بھی جینا محال کرتے ہو
اب کِس کِس کی مثال دوں تم کو
ہر ستم بےمثال کرتے ہو
مرزا غالب

بے مثال

 

[شمشاد]

اپنی مثال آپ ہے وہ بے مثال ہے
یہ دیکھنا ہے کون مرا ہم خیال ہے
(محور نوری))

خیال

 

[عطاء اللہ جیلانی]

خیالِ یار کی رنگینوں میں گم ہو کر
جمالِ یار کی عظمت نکھار دی ہم نے
ساغر صدیقی

جمال

 

[شمشاد]

چمن میں گل نے جو کل دعوی جمال کیا
جمال یار نے منھ اس کا خوب لال کیا
(میر تقی میر)

چمن

 

[عطاء اللہ جیلانی]

ہر پھول کے لب پر نام مرا چرچا ہے (چمن) میں عام مرا
شہرت کی یہ دولت کیا کم ہے گر پاس نہیں ہے مال تو کیا

ہم نے جو کیا محسوس کہا جو درد ملا ہنس ہنس کے سہا
بھولے گا نہ مستقبل ہم کو نالاں ہے جو ہم سے حال تو کیا
حبیب جالب

شہرت

 

[سیما علی]

(شہرت )کی فضاؤں میں اتنا نہ اڑو ساغرؔ!!
پرواز نہ کھو جائے ان اونچی اڑانوں میں
ساغرؔ اعظمی

پرواز

 

[سیما علی]

وائے خوش فہمی کہ (پرواز )یقیں سے بھی گئے!!!!
آسماں چھونے کی خواہش میں زمیں سے بھی گئ

ظفر کلیم

1. آسمان

 

[لاريب اخلاص]

یوں جو تکتا ہے آسمان کو تو
کوئی رہتا ہے آسمان میں کیا
جون ایلیا

تکتا

 

[سیما علی]

اگر صاحب کلام کا نام بھی لکھا جائے، تو مزہ دوبالا ہو جاتا ہے۔ سیماب اکبر آبادی کا شعر ہے۔
--------------------------------------------

دانستہ ہم نے اپنے سبھی غم چھپا لیے
پوچھا کسی نے حال تو بس مسکرا دئیے
(آفاق صدیقی)

غم

بہت کمال