دیئے گئے لفظ پر شاعری - دوسرا دور

[سیما علی]

میں تری سلطنت حسن کا باشندہ ہوں
مجھ کو دنیا میں کہیں اور نہیں رہنا ہے

اشفاق حسین

سلطنت

 

[شعیب گناترا]

سلطنت پر نہیں ہے کچھ موقوف
جس کے ہاتھ آئے جام وہ جم ہے
- خواجہ میر درد

جم

 

[سیما علی]

جم بھی وہی دارا بھی سکندر بھی وہی ہے
جی کر بھی ترا اور جو مر کر بھی ترا ہے!!!!
عظیم قریشی

سکندر

 

[شعیب گناترا]

نہ گور سکندر نہ ہے قبر دارا
مٹے نامیوں کے نشاں کیسے کیسے
- حیدر علی آتش

گور

 

[سیما علی]

با سکندر خضر در ظلمات گفت!!!!؟؟؟
مرگ مشکل، زندگی مشکل تر است

علامہ اقبال

مشکل

 

[شعیب گناترا]

رنج سے خوگر ہوا انساں تو مٹ جاتا ہے رنج
مشکلیں مجھ پر پڑیں اتنی کہ آساں ہو گئیں
- مرزا غالب

آساں

 

[سیما علی]

سبق آ کے گور غریباں سے لے لو
خموشی مدرس ہے اس انجمن میں!!!!

عزیز لکھنؤی

انجمن

 

[سیما علی]

محبت میں کٹھن رستے بہت آسان لگتے تھے!!!!!!!
پہاڑوں پر سہولت سے چڑھا کرتے تھے ہم دونوں


حسن عباسی

سہولت

 

[شعیب گناترا]

روشن جمال یار سے ہے انجمن تمام
دہکا ہوا ہے آتش گل سے چمن تمام
- حسرت موہانی

آتش

 

[شمشاد]

آتش مست جو مل جائے تو پوچھوں اس سے
تو نے کیفیت اٹھائی ہے خرابات میں کیا
حیدر علی آتش

خراب ؍ خرابات

 

[لاريب اخلاص]

اپنی کہیں کہ اس دل خانہ خراب کی
تم کو جو ہو پسند وہی گفتگو کریں

لالہ مادھو رام جوہر

گفتگو

 

[شعیب گناترا]

گفتگو ریختے میں ہم سے نہ کر
یہ ہماری زبان ہے پیارے
- میر تقی میر

زبان / زباں

 

[شمشاد]

بات پر واں زبان کٹتی ہے
وہ کہیں اور سنا کرے کوئی
(چچا)

بات

 

[شمشاد]

اب کھل کے کہو بات تو کچھ بات بنے گی
یہ دور اشارات و کنایات نہیں ہے
حفیظ میرٹھی

اشارہ

 

[مومن فرحین]

نہ اشارہ نہ کنایہ نہ تبسم نہ کلام
پاس بیٹھے ہیں مگر دور نظر آتے ہیں

جلیل مانک پوری

 

[لاريب اخلاص]

کوئی ہاتھ بھی نہ ملائے گا جو گلے ملو گے تپاک سے
یہ نئے مزاج کا شہر ہے ذرا فاصلے سے ملا کرو
بشیر بدر

فاصلے

 

[شمشاد]

قربتیں نہیں رکھیں فاصلہ نہیں رکھا
ایک بار بچھڑے تو رابطہ نہیں رکھا
بھارت بھوشن پنت

قربت

 

[مومن فرحین]

قربتیں لاکھ خوبصورت ہوں
دوریوں میں بھی دلکشی ہے ابھی

دلکشی

 

[سیما علی]

تری نظر کے اشاروں کو دلکشی بخشی
نظر نواز نظاروں کو تازگی بخشی

قیصر نظامی

تازگی

 

[سیما علی]

مت جا تر و تازگی پہ اس کی
عالم تو خیال کا چمن ہے

میر درد

چمن