دیئے گئے لفظ پر شاعری - دوسرا دور

[گُلِ یاسمیں]

افسوس یہ وبا کے دنوں کی محبتیں
اک دوسرے سے ہاتھ ملانے سے بھی گئے

سجاد بلوچ

وبا

وبائے عام سے مرنے کا خوف اپنی جگہ
کواڑ کھول کے دیکھو بہار آئی ہے

رحمان فارس

موسم

 

[شمشاد]

میں آخر کون سا موسم تمہارے نام کر دیتا
یہاں ہر ایک موسم کو گزر جانے کی جلدی تھی
راحت اندوری

جلدی

 

[گُلِ یاسمیں]

وہ چاہتا ہے مہینہ کٹے نہ جلدی سے
کرایہ دار کے دکھ بھی عجیب ہوتے ہیں

فخر عباس

مہینہ

 

[شمشاد]

سوکھا بانجھ مہینہ مولا پانی دے
ساون پیٹے سینہ مولا پانی دے
مظفر حنفی

پانی

 

[گُلِ یاسمیں]

بلا کی پیاس تھی حد نظر میں پانی تھا
کہ آج خواب میں صحرا تھا گھر میں پانی تھا

خالد کرار

صحرا

 

[شمشاد]

قافلہ لوٹا گيا صحرا ميں اور منزل ہے دور
اس بياباں يعني بحر خشک کا ساحل ہے دور
علامہ محمد اقبال

منزل

 

[گُلِ یاسمیں]

میں اکیلا ہی چلا تھا جانب منزل مگر
لوگ ساتھ آتے گئے اور کارواں بنتا گیا

مجروح سلطانپوری

کارواں

 

[شمشاد]

اس طرح رہبر نے لوٹا کارواں
اے فناؔ رہزن کو بھی صدمہ ہوا
فنا نظامی کانپوری

رہبر

 

[سیما علی]

اس طرح رہبر نے لوٹا کارواں
اے فناؔ رہزن کو بھی صدمہ ہوا
فنا نظامی کانپوری

رہبر

دل کی راہیں جدا ہیں دنیا سے
کوئی بھی راہبر نہیں ہوتا

کوئی

 

[سیما علی]

دل کی راہیں جدا ہیں دنیا سے
کوئی بھی راہبر نہیں ہوتا

کوئی

خاموش ہے دنیا دل والو کوئی شعر کہو کوئی بات کرو
ہر دکھ ہے سوالی ہونٹوں پر کچھ رزقِ سخن خیرات کرو

راحیل فاروق
خیرات

 

[سیما علی]

خیرات کا مجھے کوئی لالچ نہیں ظفرؔ
میں اس گلی میں صرف صدا کرنے آیا ہوں

ظفر اقبال

صدا

 

[محمد خلیل الرحمٰن]

خیرات کا مجھے کوئی لالچ نہیں ظفرؔ
میں اس گلی میں صرف صدا کرنے آیا ہوں

ظفر اقبال

صدا

فقیرانہ آئے صدا کرچلے
میاں خوش رہو ہم دُعا کر چلے

میاں

 

[سیما علی]

فقیرانہ آئے صدا کرچلے
میاں خوش ہرو ہم دُعا کر چلے

میاں

ٹائپو (رہو)
چند لوگوں کی محبت بھی غنیمت ہے میاں
شہر کا شہر ہمارا تو نہیں ہو سکتا!!!!!!!!!!!

 

[شمشاد]

تیرے بغیر بھی تو غنیمت ہے زندگی
خود کو گنوا کے کون تری جستجو کرے
احمد فراز

جستجو

 

[پاکیزہ ابراھیم]

اگلا لفظ ہے "دھڑکن"

دل کی دھڑکن بڑھا رہے ہیں اگر
پس مرے لفظ چھو رہے ہیں اُسے

 

[شمشاد]

دل کی دھڑکن بڑھا رہے ہیں اگر
پس مرے لفظ چھو رہے ہیں اُسے

پاکیزہ ابراھیم اردو محفل میں خوش آمدید۔

اپنا تعارف تو دیں تاکہ اردو محفل کے دیگر اراکین آپ سے متعارف ہو سکیں۔

یہ رہا تعارف کا زمرہ

 

[شمشاد]

دل کی دھڑکن بڑھا رہے ہیں اگر
پس مرے لفظ چھو رہے ہیں اُسے

آپ نے اگلا لفظ نہیں دیا۔

میں لفظ لفظ میں تجھ کو تلاش کرتا ہوں
سوال میں نہیں آتا نہ آ جواب میں آ
کرامت علی کرامت

تلاش

 

[گُلِ یاسمیں]

پہلو میں میرے دل کو نہ اے درد کر تلاش
مدت ہوئی غریب وطن سے نکل گیا
امیر مینائی

وطن

 

[سیما علی]

پہلو میں میرے دل کو نہ اے درد کر تلاش
مدت ہوئی غریب وطن سے نکل گیا
امیر مینائی

وطن

فقط اِس جرم میں کہلائے گنہ گار کہ ہم
بہر ناموسِ وطن، جامہ تن مانگتے ہیں
لمحہ بھر کو تو لبھا جاتے ہیں نعرے، لیکن
ہم تو اے اہلِ وطن، دردِ وطن مانگتے ہیں
(احمد ندیم قاسمی)

درد

 

[سیما علی]

فقط اِس جرم میں کہلائے گنہ گار کہ ہم
بہر ناموسِ وطن، جامہ تن مانگتے ہیں
لمحہ بھر کو تو لبھا جاتے ہیں نعرے، لیکن
ہم تو اے اہلِ وطن، دردِ وطن مانگتے ہیں
(احمد ندیم قاسمی)

درد

کسی کا درد ہو کرتے ہیں تیرے نام رقم
گلہ ہے جو بھی کسی سے ترے سبب سے ہے

گلہ