دیئے گئے لفظ پر شاعری - دوسرا دور

[سیما علی]

بازیچۂ اطفال ہے دنیا مرے آگے
ہوتا ہے شب و روز تماشا مرے آگے
مرزا غالب

تماشا

 

[سیما علی]

عمر سب ذوق تماشا میں گزاری لیکن
آج تک یہ نہ کھلا کس کے طلب گار ہیں ہم

مضطر خیر آبادی
طلبگار

 

[امجد علی چیمہ]

ایک بوسے کے طلبگار ہیں ہم
اور مانگیں تو گناہگار ہیں ہم

بوسہ

 

[سیما علی]

گناہ گار تو رحمت کو منہ دکھا نہ سکا
جو بے گناہ تھا وہ بھی نظر ملا نہ سکا
نشور واحدی
رحمت

 

[فیصل عظیم فیصل]

گناہ گار تو رحمت کو منہ دکھا نہ سکا
جو بے گناہ تھا وہ بھی نظر ملا نہ سکا
نشور واحدی
رحمت

رحمتوں کا ذکر ہے جی سورت رحمٰن میں
اور اس میں ذکر ہے جو علم و قرآن وقلم

قلم

 

[سیما علی]

قلم کی نوک پہ رکھوں گا اس جہان کو میں
زمیں لپیٹ کے رکھ دوں کہ آسمان کو میں
آسمان

 

[امین شارق]

آسماں گر تیرے تلوؤں کا نظارا کرتا
روز اک چاند تصدق میں اتارا کرتا
تصدق

 

[سیما علی]

آسماں گر تیرے تلوؤں کا نظارا کرتا
روز اک چاند تصدق میں اتارا کرتا
تصدق

واہ واہ

 

[سیما علی]

تصدق اس کرم کے میں کبھی تنہا نہیں رہتا
کہ جس دن تم نہیں آتے تمہاری یاد آتی ہے
یاد

 

[امین شارق]

یاد سب کچھ ہے مجھے ہجر کے صدمے ظالم
بھول جاتا ہوں مگر دیکھ کر صورت تیری
ظالم

 

[سیما علی]

ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی
کلیم عاجز
محبت

 

[امین شارق]

محبت کے لئےکچھ خاص دل مخصوص ہوتے ہیں
یہ وہ نغمہ ہے جو ہر ساز پر گایا نہیں جاتا
مخصوص

 

[سیما علی]

محبت کے لیے کچھ خاص دل مخصوص ہوتے ہیں
یہ وہ نغمہ ہے جو ہر ساز پر گایا نہیں جاتا
مخمور دہلوی
نغمہ

 

[امین شارق]

یہ تو وہی ہے جو میں نے لکھا ہے کوئی نیا لکھے

 

[سیما علی]

یہ تو وہی ہے جو میں نے لکھا ہے کوئی نیا لکھے

یاد نہیں آئے تو کیا کریں 🤓🤓🤓🤓

 

[سیما علی]

یہ تو وہی ہے جو میں نے لکھا ہے کوئی نیا لکھے

بزم جاناں میں نشستیں نہیں ہوتیں مخصوص
جو بھی اک بار جہاں بیٹھ گیا بیٹھ گیا
جاناں

 

[امین شارق]

ہوجاتا ہوں سب سے خفا ان کے لئے
مخصوص ہے دل میں جگہ ان کے لئے
خفا

 

[سیما علی]

کس کس کو بتائیں گے جدائی کا سبب ہم
تو مجھ سے خفا ہے تو زمانے کے لیے آ
زمانے

 

[امین شارق]

زخمی ہمارا ایک ایک انگ کیا ہے
اے یار زمانے نے بہت تنگ کیا ہے
تنگ

 

[سیما علی]

خلق بے پروا خدا بندوں سے تنگ آیا ہوا
میں اکیلا پھر رہا ہوں حشر کے میدان میں
میدان