دیئے گئے لفظ پر شاعری - دوسرا دور

[شمشاد]

علاوہ عید کے ملتی ہے اور دن بھی شراب
گدائے کُوچۂ مے خانہ نامراد نہیں
(چچا)

شراب

 

[خالد محمود چوہدری]

نفَس نہ انجمنِ آرزو سے باہر کھینچ
اگر شراب نہیں انتظارِ ساغر کھینچ

مرزا اسد اللہ غالب

کھینچ

 

[شمشاد]

کمالِ گرمئ سعیِ تلاشِ دید نہ پوچھ
بہ رنگِ خار مرے آئینہ سے جوہر کھینچ
(چچا)

 

[خالد محمود چوہدری]

آئینہ جھوٹ بولتا ہے
تمہیں خوبصورت
اور مجھے بدصورت بتاتا ہے
آئینہ جھوٹ بولتا ہے
تم میرے من مندر کے آئینہ میں
اس سے کہیں زیادہ خوبصورت ہو
جتنا یہ تمہیں بتاتا ہے
آئینہ جھوٹ بولتا ہے
میں اپنے مقدر کے آئینہ میں
اس سے کہیں زیادہ بدصورت ہوں
جتنا یہ مجھے بتاتا ہے
آئینہ جھوٹ بولتا ہے


(خاکسار) معاف کیجئے اگر یہ رولز کے خلاف ہے

خوبصورت

 

[شمشاد]

کس لیے دیکھتی ہو آئینہ
تم تو خود سے بھی خوبصورت ہو

داستاں ختم ہونے والی ہے
تم مری آخری محبت ہو
(جون ایلیا)

داستاں

 

[خالد محمود چوہدری]

فکر نہیں کل کا، کل کہاں ہوگی
ہم نہ ہونگے،ہماری داستاں ہوگی

فکر

 

[شمشاد]

یہ سُناجو حضرت ِ داغ نے کہ حضور کعبے کو جائیں گے
یہی ذکر ہے یہی فکر ہے، شب و روز عزم ِ سفر سےخُوش
داغ دہلوی

سفر

 

[خالد محمود چوہدری]

تنہا شجر
تنہا موسم
تنہا سفر
تنہا تم


تنہا

 

[شمشاد]

تم زندہ ہمیں چھوڑ کے گھر جاؤ نہ شب کو
مردے کو بھی انسان کے تنہا نہیں رکھتے
(داغ دہلوی)

انسان

 

[خالد محمود چوہدری]

فرشتوں سے بہتر ہے انسان ہونا
لیکن لگتی ہے اس میں محنت زیادہ

محنت

 

[شمشاد]

اب تو ہمیں منظور ہے یہ بھی، شہر سے نکلیں، رُسوا ہوں
تجھ کو دیکھا، باتیں کرلیں، محنت ہوئی وصول میاں
(ابن انشاء)

رسوا

 

[خالد محمود چوہدری]

اپنی رسوائی تیرے نام کا چرچہ دیکھوں
ایک ذرا شعر کہوں اور میں کیا کیا دیکھوں


چرچہ

 

[شمشاد]

ہم آہ بھی کرتے ہیں تو ہو جاتے ہیں بدنام
وہ قتل بھی کرتے ہیں تو چرچا نہیں ہوتا
(اکبر الہ آبادی)

بدنام

 

[خالد محمود چوہدری]

بدنام زمانے میں محبت نہیں کرتے
ہم دل والے تو دشمن سے بھی نفرت نہیں کرتے

محبت

 

[شمشاد]

اُمیدِ وفا و یادِ جفا، بے تابیء حسرتِ نظاّرہ
اک دل بیمارِ محبت ہے اور لاکھ ستانے والے ہیں
(صامت شامی)

جفا

 

[شمشاد]

دل نے وفا کے نام پر کار ِ جفا نہيں کيا
خود کو ہلاک کر ليا، خود کو فدا نہيں کيا
(جون ایلیا)

فدا

 

[محمد وارث]

ہم جان فدا کرتے ، گر وعدہ وفا ہوتا
مرنا ہی مقدر تھا ، وہ آتے تو کیا ہوتا

(مومن)

مقدر

 

[شمشاد]

خوش آمدید محمد وارث بھائی
---------------------------------------------------------------

مقدر میں نہیں ہے کامرانِ آرزو ہونا
سزاوارِ اجابت ہو نہیں سکتی دُعا میری
(فیض احمد فیض)

آرزو

 

[نوید رزاق بٹ]

میں نوائے سوختہ در گلو ، تو پریدہ رنگ، رمیدہ بو
میں حکایتِ غمِ آرزو ، تو حدیثِ ماتمِ دلبری

(اقبال)

حکایت

 

[خالد محمود چوہدری]

کبھی شکایتِ رنجِ گراں نشیں کیجے
کبھی حکایتِ صبرِ گریز پا کہیے

شکایت