دیئے ہوئے لفظ پر شاعری۔۔

[فاتح]

شکوے کے نام سے بے مہر خفا ہوتا ہے
یہ بھی مت کہہ، کہ جو کہئے تو گِلا ہوتا ہے
(غالب)

گِلا

 

[امیداورمحبت]

جو رنجیشیں تھیں ،جو دل میں غبار تھا نہ گیا
کہ اب کی بار گلے مل کر بھی گلہ نہ گیا

(فراز)

غبار

 

[محمد وارث]

اڑتا ہوا غبار سرِ راہ دیکھ کر
انجام ہم نے عشق کا سوچا تو رو دیے

(ساغر صدیقی)

انجام

۔

 

[فاتح]

اب تلک سوچا نہ تھا انجام ہم نے عشق کا
کہ مکیں کوئی نہ ہو گا، گھر بَنا رہ جائے گا
(ناچیز)

مکین

 

[محمد وارث]

ہر اک ذرے میں ہے شاید مکیں دل
اسی جلوت میں ہے خلوت نشیں دل
اسیرِ دوش و فردا ہے و لیکن
غلامِ گردشِ دوراں نہیں دل

(اقبال)

غلام

 

[فرحت کیانی]

تمھارے ہات لگے ہیں تو جو کرو سو کرو
وگرنہ تم سے تو ہم سو غلام رکھتے تھے۔

کرو

 

[محمد وارث]

تم ان کے وعدے کا ذکر ان سے کیوں کرو غالب
یہ کیا کہ تم کہو، اور وہ کہیں کہ یاد نہیں



وعدہ

 

[فاتح]

ترے وعدے پر جئے ہم، تو یہ جان، جھوٹ جانا
کہ خوشی سے مر نہ جاتے اگر اعتبار ہوتا؟
(غالب)

اعتبار

 

[محمد وارث]

جو ایک تھا اے نگاہ تو نے ہزار کر کے ہمیں دکھایا
یہی اگر کیفیت ہے تیری تو پھر کسے اعتبار ہو گا

نہ پوچھ اقبال کا ٹھکانا ابھی وہی کیفیت ہے اس کی
کہیں سر رہ گزار بیٹھا ستم کشِ انتظار ہو گا


کیفیت

۔

 

[فاتح]

نہ چھیڑ اے ہم نشیں کیفیتِ صہبا کے افسانے
شرابِ بے خودی کے مجھ کو ساغر یاد آتے ہیں
(حسرت)

بے خودی

 

[محمد وارث]

فنا تعلیمِ درسِ بے خودی ہوں اس زمانے سے
کہ مجنوں لام الف لکھتا تھا دیوارِ دبستاں پر

(غالب)

مجنوں

۔

 

[فاتح]

غزالاں تم تو واقف ہو کہو مجنوں کے مرنے کی
دوانہ مر گیا آخر تو ویرانے پہ کیا گزری​

(شاعر نامعلوم)
ویرانہ

 

[عمر سیف]

ہنستی آنکھیں، ہنستا چہرہ، ایک مجبور بہانہ ہے
چاند میں سچ مُچ نور کہاں ہے، چاند تو اک ویرانہ ہے

اب نور ۔۔۔

 

[محمد وارث]

دلِ بینا بھی کر خدا سے طلب
آنکھ کا نور دل کا نور نہیں

(اقبال)

خدا۔

 

[عمر سیف]

خدا اس شہر کو محفوظ رکھے
یہ بچوں کی طرح ہنستا بہت ہے

اب محفوظ

 

[محمد وارث]

تو باقی گالیاں محفوظ کرلے
مجھے اتنی پذیرائی بہت ہے

وہ محبوبہ سے بیوی نہ بن جائے
مری ماں کو پسند آئی بہت ہے

(عزیر احمد)

گالی

۔

 

[محمد وارث]

بھئی بہت سے شاعروں نے باندھا ہے یہ لفظ، کیا بدل دوں۔

شمشاد صاحب نہیں تو کوئی ادھر آتا ہی نہیں

۔

 

[فاتح]

وارث‌صاحب! شاعروں نے کم باندھا ہے اور غیر شاعروں نے زیادہ

میں گیا بھی واں تو اُن کی گالیوں کا کیا جواب
یاد تھیں جتنی دعائیں صرفِ درباں ہو گئیں​

(غالب)

دربان

 

[محمد وارث]

دل ہی تو ہے سیاستِ درباں سے ڈر گیا
میں اور جاؤں در سے ترے بن صدا کیے

(غالب)

صدا

۔

 

[فرحت کیانی]

کیسے ممکن ہے دھواں بھی نہ ہو اور دل بھی جلے
چوٹ پڑتی ہے تو پتھر بھی صدا دیتے ہیں

دھواں