دیئے ہوئے لفظ پر شاعری۔۔

[شمشاد]

بعد مدت انہیں دیکھ کر یوں لگا
جیسے بے تاب دل کو قرار آ گیا
آرزووں کے گل مسکرانے لگے
جیسے گلشن میں جانِ بہار آ گیا
(روشن نندا)

‘ بےتاب‘

 

[تیشہ]

بے تاب ہے بے خواب ہے معلوم نہیں کیوں
دل ماہی بے آب ہے معلوم نہیں کیوں ،




خواب ‘

 

[الف عین]

لیتے ہی نام اُس کا سوتے سے چونک اُٹھے ہو
ہے خیر میر صاحب! کچھ تم نے خواب دیکھا

نام

 

[ڈاکٹر عباس]

میں اس کا نام نہ لوں پھر بھی لوگ پہچانیں
کہ آپ اپنا تعارف ھوا بہار کی ھے۔۔۔۔۔۔۔۔
بہار

 

[تیشہ]

انہی اداسیوں کی کائنات میں کبھی تو میں
خزاں کو جیت لوں گی موسم ِ بہار کی طرح ،




کائنات ،

 

[شمشاد]

وجود زن سے ہے تصویر کائنات میں رنگ
اسی کے ساز سے ہے زندگی کا سوز ِ دروں
شرف میں بڑھ کر ثریا سے مشت خا ک اس کی
کہ ہر شرف ہے اسی درج کادر مکنوں!
مکالمات افلاطوں نہ لکھ سکی لیکن!
اسی کے شعلے سے ٹوٹا شرار افلاطوں
(علامہ اقبال)

اب “ رنگ “

 

[الف عین]

رنگ پیراہن کا خوشبو زلف لہرانے کا نام
موسمِ گل ہے تمھارے بام پر آنے کا نام
فیض
موسم۔۔۔

 

[ڈاکٹر عباس]

یوں ھی موسم کی ادا دیکھ کے یاد آیا ھے
کس قدر جلد بدل جاتے ھیں انساں جاناں

یاد​

 

[شمشاد]

یادِ ماضی عذاب ہے یارب
چھین لے مجھ سے حافظہ میرا

“ ماضی “

 

[تیشہ]

میری حالت سے جانو تو میرے ماضی کو جان جاں
وضاحت کے لئیے میں بے زبانی لے کے آیا ہوں ،


وضاحت ۔،

 

[ڈاکٹر عباس]

بڑا ھی اوکھا لفظ ھے جناب۔

 

[تیشہ]

تم اپنی مجبوریوں کے قصے ضرور لکھنا وضاحتوں سے
جو میری آنکھوں میں جل بھجیُ ہیں وہ خواہشیں بھی شمار کرنا ،





قصے ۔

 

[شمشاد]

قصے چلے ہیں گردشِ لیل و نہار کے
شکوے ہر ایک کو ہیں گردشِ روزگار کے
(ممتاز میرزا)

“ شکوہ “

 

[ڈاکٹر عباس]

ھم نے سوچا تھا کہ حاکم سے کریں گے شکوہ
وہ بھی کم بخت تیرا چاھنے والا نکلا

بخت​

 

[الف عین]

یہ بخت سبزہ دیکھو باغِ زمانہ میں سے
پژمردہ گل بھی اپنی دستار تک نہ پہنچا
میر

دستار

 

[جیہ]

گفتہ غالب

دیکھ کر تجھ کو ، چمن بسکہ نُمو کرتا ہے
خُود بخود پہنچے ہے گُل گوشہِ دستار کے پاس

گل

 

[الف عین]

حسرتِ لطفِ عزیزانِ چمن جی میں رہی
سر پہ دیکھا نہ گُل و سرو کا سایا ہم نے
سرو

 

[جیہ]

غالب گفت

ترے سروِ قامت سے اک قدِ آدم
قیامت کے فتنے کو کم دیکھتے ہیں

فتنہ

 

[شمشاد]

فتنہ پھر آج اٹھانے کو ہے سر لگتا ہے
خون ہی خون مجھے رنگِ سحر لگتا ہے
(آنند نرائن ملا)

(سحر)

 

[تیشہ]

جس شب تونے مجھکو کہا تھا بےوفا ۔ ۔
اس کے بعد پھر میری سحر نہ ہوئی ، ۔ ۔


شب ،