شراب، بادہ ، ساقی، میخانہ، مینا، پر اشعار

[عرفان سرور]

دینا وہ اسکا ساغر مے یاد ہےنظام
منہ پھیر کر اُدھر کو، ادھر کو بڑھا کے ہاتھ
نظام رام پوری

 

[عرفان سرور]

گرہ سے کچھ نہیں جاتا، پی بھی لے زاہد
ملے جو مفت تو قاضی کو بھی حرام نہیں
امیر مینائ

 

[عرفان سرور]

دیکھا کئے وہ مست نگاہوں سے بار بار
جب تک شراب آئے کئ دور ہو گئے
شاد عظیم آبادی

 

[غ۔ن۔غ]

بھلا سا نام ہے اُسکا اُسے کہتے ہیں کیا زاہد
صراحی میں جو ڈلتی ہے جو پیمانے میں ہوتی ہے

 

[عرفان سرور]

کیا بادہء گلگوں سے مسرور کیا دل کو
آباد رکھے داتا ساقی تری محفل کو

آتش

 

[عرفان سرور]

وہ اور ہیں جو پیتے ہیں موسم کو دیکھ کر
آتی رہی بہار میں توبہ شکن ہوا

داغ دہلوی

 

[مغزل]

شرابِ لذّتِ عمروصال چاہتا ہوں
میں کج کمال ہوں تھوڑا کمال چاہتا ہوں
م۔م۔مغل
(فی البدیہہ)

 

[عرفان سرور]

ہم سبو گھر سے نکلتے ہی نہیں اب ناصر
میکدہ رات گئے اب بھی کھلا ہوتا ہے

 

[عرفان سرور]

جب گھٹا چھائی پینے بیٹھ گئے
مےکشی اپنی بے ارادہ ہے

 

[عرفان سرور]

اپنے گھروں کے مٹکے سکھا لیجیئے،
سنا ہے، ساقی شراب بانٹ رہا ہے۔

 

[کاشفی]

پیمانے پہ جس وقت جھکاتا ہوں صراحی
جھکتا ہے سرِعالمِ بالا مرے آگے

پہلو میں ہے اک زُہرہ جبیں، ہاتھ میں ساغر
اس وقت نہ دُنیا ہے نہ عقبیٰ مرے آگے
(جوش ملیح آبادی)

 

[غ۔ن۔غ]

ہاتھ سے کس نے ساغر پٹکا موسم کی بے کیفی پر
اتنا برسا ٹوٹ کے بادل ڈوب چلا میخانہ بھی

 

[مغزل]

عجیب شے ہے وہ محمود کیا کہوں اس کو
خمار ایسا کہ اس پر گماں شراب کا ہے !
فی البدیہہ

 

[بانیاز خان]

شکن نہ ڈال جبیں پر شراب دیتے ہوئے
یہ مسکراتی ہوئی چیز مسکرا کے پلا
سرور چیز کی مقدار پر نہیں‌ موقوف
شراب کم ہے تو ساقی نظر ملا کے پلا

 

[بانیاز خان]

یہ غلط ہے شراب کی تعریف
اس کا ذہنوں پہ راج ہوتا ہے
صرف حدت شراب دیتی ہے
باقی اپنا مزاج ہوتا ہے

 

[عرفان سرور]

میں مست مرگیا ہوں کرنا عجب نہ ساقی
گر سنگِ شیشہ میرا سنگِ مزار ہووے

 

[فرخ منظور]

شرابِ لذّتِ عمروصال چاہتا ہوں
میں کج کمال ہوں تھوڑا کمال چاہتا ہوں
م۔م۔مغل
(فی البدیہہ)

مغزل صاحب، اس شعر کا پہلا مصرع میرے تو سر کے اوپر سے گزر گیا۔ ہو سکے تو کچھ تشریح فرما دیجیے کہ شرابِ لذتِ عمر وصال سے آپ کی کیا مراد ہے قبلہ؟

 

[مغزل]

مغزل صاحب، اس شعر کا پہلا مصرع میرے تو سر کے اوپر سے گزر گیا۔ ہو سکے تو کچھ تشریح فرما دیجیے کہ شرابِ لذتِ عمر وصال سے آپ کی کیا مراد ہے قبلہ؟

شرابِ لذّتِ عمرِوصال چاہتا ہوں
میں کج کمال ہوں تھوڑا کمال چاہتا ہوں
فرخ بھائی ۔۔۔
شرابِ لذّتِ عرصۂ (عمر) وصالِ یار چاہتا ہوں ، میں کج کمال تھوڑاسا کمال چاہتا ہوں۔۔

 

[عرفان سرور]

مجبوریوں کی بات چلی ہے تو شراب کہاں‌
ہم نے پیا ہے زہر بھی اکثر خوشی کے ساتھ
ًمحسن نقوی

 

[فرخ منظور]

شرابِ لذّتِ عمرِوصال چاہتا ہوں
میں کج کمال ہوں تھوڑا کمال چاہتا ہوں
فرخ بھائی ۔۔۔
شرابِ لذّتِ عرصۂ (عمر) وصالِ یار چاہتا ہوں ، میں کج کمال تھوڑاسا کمال چاہتا ہوں۔۔

شرابِ لذتِ عمرِ وصال کی اصطلاح شاید آپ ہی نے اختراع کی ہے۔ اس سے قبل نظر سے نہیں گزری ۔