شعر و شاعر (اشعار اور خالق)

[طارق شاہ]

وعدۂ شب پر گُمانِ صِدق سے سوئے نہ ہم
راہ ، اُس پیماں شکن کی رات بھر دیکھا کئے

یاد میں رُخسارِ تابانِ صنم کی رات بھر !
دیدۂ حسرت سے ہم سُوئے قمر دیکھا کئے

اکبر الٰہ آبادی

 

[طارق شاہ]

شباب آتے ہی اے کاش موت بھی آتی !
اُبھارتا ہے اِسی سن میں ولولہ دِل کا

داغ دہلوی

 

[طارق شاہ]

کچھ اور بھی تجھے اے داغ! بات آتی ہے
وہی بُتوں کی شکایت، وہی گِلہ دِل کا

داغ دہلوی

 

[طارق شاہ]

پیمبروں کو اُتارا گیا تھا قوموں پر
خُدا نے مجھ پہ مگر قوم کو اُتارا ہے

انور شعُور

 

[طارق شاہ]

وہ جب کہتے ہیں، فردا ہے خوش آئند
عجب حسرت سے مڑ کر دیکھتا ہُوں

انور شعُور

 

[طارق شاہ]

تابکے دیدِ حَسِیناں؟ تابکے وارفتگی ؟
آنکھ میں جب تک نظر ہے، سر میں جب تک ہوش ہے

اکبر الٰہ آبادی

 

[طارق شاہ]

اُبھرا ہے رنگ ِسودا ، دِیوانگی ہری ہے
ہے جوشِ موسمِ گُل، جو پُھول ہے پری ہے

اکبر الٰہ آبادی

 

[طارق شاہ]

کوئی بے جان جہاں میں نہیں جیتا ،لیکن
تیرے مہجوُر کو جیتے ہُوئے بے جاں دیکھا

مُصطفٰی خان شیفتہ

 

[طارق شاہ]

غم غَلط کرنے کو احباب ہمَیں جانبِ باغ
لے گئے کل، تو عجب رنگِ گُلسِتاں دیکھا

وَرد میں خاصیتِ اخگرِ سوزاں پائی
نستَرن میں اثرِ خارِ مُغیلاں دیکھا

مُصطفٰی خان شیفتہ

 

[طارق شاہ]

کون کہتا ہے کہ ظُلمت میں کم آتا ہے نظر!
جو نہ دیکھا تھا، سو ہم نے شبِ ہجراں دیکھا

مُصطفٰی خان شیفتہ

 

[طارق شاہ]

فکرِ فردا کریں، کُچھ غور رہے حال پہ تب !
جب نِکل پائیں بھی گُزرے ہُوئے ایّام سے ہم

شفیق خلش

 

[طارق شاہ]

جاں میں طاقت بھی نہیں اب، کہ زمانے سے لڑیں
کھو چُکے زور وہ سب ہجر کے آلام سے ہم

شفیق خلش

 

[طارق شاہ]

جچتی نہیں نِگاہ میں دُنیا کی رونقیں
کیا پُوچھتے ہو دھیان ہمارا کِدھر ہے آج

ناصر کاظمی

 

[طارق شاہ]

اُلفت میں خوش رُخوں کی، خوش نام سے گئے
ہم جس جگہ گئے ہیں ، بدنام سے گئے

شفیق خلش

 

[طارق شاہ]

کب پاؤں فگار نہیں ہوتے، کب سر پر دُھول نہیں ہوتی
تِری راہ میں چلنے والوں سے، لیکن کبھی بُھول نہیں ہوتی

جمال احسانی

 

[طارق شاہ]

اظہارِ آرزو سے کُچھ کم غضب ہُوا
مِلنا مِلانا دُور اِک پیغام سے گئے

شفیق خلش

 

[طارق شاہ]

مِلتی ہے زندگی کو راحت خیال سے
حاصل وہ دِید کی ہم اِنعام سے گئے

شفیق خلش

 

[طارق شاہ]

جب سے نِہاں ہُوئی ہے آنکھوں سے وہ غزل
اشعار نکتہ سنجی، اِیہام سے گئے

شفیق خلش

 

[طارق شاہ]

پہلے نہائی اوس میں، پھر آنسوؤں میں رات
یوں بُوند بُوند اُتری ہمارے گھروںمیں رات

شریار

 

[طارق شاہ]

آنکھوں کو سب کی نیند بھی دی خواب بھی دیئے
ہم کو شُمار کرتی رہی دُشمنوں میں رات

شریار