شعر و شاعر (اشعار اور خالق)

[طارق شاہ]

تیز ہوا نے تنکا تنکا، آنگن آنگن دان کیا
گم صُم چڑیا طاق پہ بیٹھی سوچ رہی ہے پیاروں کا

محمد احمد
کراچی، پاکستان

 

[طارق شاہ]

سُرخ گلابوں کی رنگت بھی اچھی ہے ، پر سوچتا ہُوں
قوس و قزح سی اُس کی آنکھیں ، رنگَ حیا رُخساروں کا

محمد احمد
کراچی، پاکستان

 

[طارق شاہ]

ایک ہم ہیں کہ پرستش پہ عقیدہ ہی نہیں
اور کچھ لوگ یہاں بن کے خُدا بیٹھے ہیں

خوشبیر سنگھ شادؔ

 

[طارق شاہ]

ذرا یہ دُھوپ ڈھل جائے، تو اُن کا حال پُوچھیں گے
یہاں کچھ سائے، اپنے آپ کو پیکر بتاتے ہیں

خوشبیر سنگھ شادؔ

 

[طارق شاہ]

ہر چندکہ ، اِس رہ میں تہی دست رہے ہم
سودائے محبّت نہ مگر سر سے نکالا

جب چاند نمودار ہُوا ، دُور اُفق پر!
ہم نے بھی پری زاد کو پتّھر سے نکالا

ثروت حُسین
کراچی، پاکستان

 

[طارق شاہ]

میرے حواس عِشق میں کیا کم ہیں منتشر
مجنُوں کا نام ہوگیا ، قسمت کی بات ہے

اکبر الٰہ آبادی

 

[طارق شاہ]

دِل جس کے ہاتھ میں ہو، نہ ہو اُس پہ دسترس !
بے شک یہ اہلِ دِل پہ مُصیبت کی بات ہے

اکبر الٰہ آبادی

 

[طارق شاہ]

مطلق نہیں محِل عجب موت دہر میں !
مجھ کہ تو یہ حیات ہی حیرت کی بات ہے

اکبر الٰہ آبادی

 

[طارق شاہ]

تری سلیقۂ ترتیب نو کا کیا کہنا
ہمیں تھے قریۂ دل سے نکالنے کے لئے

احسان دانش

 

[طارق شاہ]

پاؤں میں لپٹی ہُوئی سب کے زنجیرِ انا
سب مسافر ہیں یہاں، لیکن سفر میں کون ہے

توصیف تبسّم

 

[طارق شاہ]

فکر ِخلق ِ خُدا ، نہ خوف ِ خُدا !
یہ کہاں کی خُدا پرستی ہے

ارے کیوں ڈرر ہے ہو جنگل سے
یہ کوئی آدمی کی بستی ہے

احمد مشتاق

 

[طارق شاہ]

ان کہی بات نے اِک حشر اُٹھا رکھا تھا
شور اِتنا تھا، کوئی بات نہ ہونے پائی

احمد مشتاق

 

[طارق شاہ]

اے دل و جانِ سراجؔ، آ رحم کر عشاق پر !
اب نہیں ہے تن میں طاقت، دِل میں تاب آنکھوں میں خواب

سراؔج اورنگ آبادی

 

[طارق شاہ]

منتظر ہُوں جلوۂ دِیدار دِکھلا بے حجاب
زُلف کے تاروں کو یک سُو کر، کہ دیکھوں آفتاب

سراؔج اورنگ آبادی

 

[طارق شاہ]

ہےترے کشف و کرامات کی ، دُنیا قائل
تجھ سے اے دِل! نہ مگر کام ہمارا نکلا


فراق گورکھپوری

 

[طارق شاہ]

اُنگلیاں اُٹّھیں فراؔقِ وطن آوارہ پر
آج جس سمت سے، وہ درد کا مارا نکلا

فراؔق گورکھپوری

 

[طارق شاہ]

یہی جذبِ پنہاں کی ہے داد کافی
چلے آؤ مجھ تک گریزاں گریزاں

فراؔق گورکھپوری

 

[طارق شاہ]

حجابوں میں بھی تُو، نمایاں نمایاں
فروزاں فروزاں درخشاں درخشاں

فراق گورکھپوری

 

[طارق شاہ]

نہ جاؤں صحنِ گلشن میں ، کہ خوش آتا نہیں مجھ کو !
بغیر از ماہ رُو ہرگز تماشا، ماہتابی کا

ولی دکنی

 

[طارق شاہ]

ولی سے، بے حسابی بات کرنا ، بےحسابی ہے
نہیں وہ آشنا ہے یار، ہرگز بے حسابی کا

ولی دکنی